Jeremías 49:13 - Bible in Tzeltal Bachajón

¹³ Como caloj ta jamal ta jtojol, xchi te Jehová, te ha xiweltic sba, pehc'ambil sc'oblal, jimbil soc bohlobtesbil sc'oblal ya xc'oht te Bosra, spisil te pueblohetic yu'un jc'axel jimbil ya xc'ohtic sbahtel q'uinal, xchi.

Bible in Tzeltal de Oxchuc y Tenejapa

¹³ Jo'on Ajwalilon, jo'onix me ya cal ta jamal: Te lum Bosra ya xc'atp'uj ta jochol taquin q'uinal, ya xc'atp'uj ta jinem ts'ajq'uetic. Ja' me ejemplo ya xc'ot te bit'il ay te pejc'anel, pijt'esel, soc te boltesel sc'oplale. Soc xan te yantic lumetique jc'axel me jinbil ya xc'otic sbajt'el q'uinal —xi'.

Jeremías 49:13 Referans Kwoze

Isaías 34:6

Te espada yu'un Jehová ya'tinej ch'ich' soc potsbil te sjuhp'el, ha te sch'ich'el tuminchijetic soc tentsunetic, te sjuhp'el sriñon te tat tentsunetique, como te Jehová ay milbil mahtanil yu'un ta Bosra, soc bayel miltamba ta sq'uinal Edom.

Génesis 36:33

Cham te Bela, ha la sjelolin ta ajwalil te Jobab snich'an Zera, talem ta Bosra.

Génesis 22:16

hich la yal: Calojix ta jamal ta jtojol, xchi te Jehová, te bin ut'il hich la apas, te ma ba la acom aba te yac awa'bon te hip jtuhl anich'an,

Amós 6:8

Te Jehová yaloj ta jamal ta scuenta stuquel, te Jehová, te Dios te scuentahinej spisil, hich yaloj: Ya quihlay te ya scuy sba ta muc' te Jacob, ya jp'aj te t'ujbil muc'ul nahetic yu'une; ya cac' ta c'abal te muc'ul pueblo soc spisil te bintic ay tey a, xchi.

Amós 1:12

Ya ca'be sc'ahc'al te Temán, ha ya slajinlan te tulan ts'ahquetic yu'un Bosra, xchi.

Jeremías 49:22

Ya me xwihl bahel hich te bin ut'il jxic, ya sjam te xic' ta stojol Bosra. Ta hich ora, te yo'tan te mach'atic ay yipic yu'un Edom hich ya xc'oht te bin ut'il te yo'tan ants te ya x'alaj, xchi.

Jeremías 44:26

Pero a'iybeya awa'iyic sc'op te Jehová, apisilic yu'un Judá te nahinemex ta sq'uinal Egipto, te hich ya yal: Caloj ta jamal ta scuenta te jbihil te muc' sc'oblal, xchi te Jehová, te ma ba ya yich'ix halel te jbihil li' ta sq'uinal Egipto yu'un jtuhluc winic yu'un Judá, te hich ya yal: ¡Cuxul Jehová, te Ajwalil! te xchihe,

Isaías 63:1

¿Mach'a a ini te yac ta talel ta Edom, ta Bosra, te slapoj tsajal cu'ul? ¿Mach'a a ini te buen t'ujbil sc'u' slapoj, te yac ta behel soc smuc'ul yip? Ho'on me, te toj ya xc'opojon, te ay cu'el ta coltaywanej.

Isaías 45:23

Ho'onix hich la jcal ta jamal, loc' tojil-c'op ta que te ma xlajimbot sc'oblal: Ya me squejan sbahic ta jtojol spisilic, spisilic ya me yalic ta jamal ta jcuenta, xchihon.

Abdías 1:18

Ha c'ahc' ya xc'oht te sna Jacob, yat c'ahc' ya xc'oht te sna José, ha c'ajben te sna Esaú; ya slajinic ta c'ahc', mayuc mach'a cuxul ya xhil yu'un te sna Esaú, como hich yaloj te Jehová.

Joel 3:19

Jimbil ya xc'oht te Egipto soc ya sutp'ij ta jochol taquin q'uinal te Edom, ta scaj te la yuts'in te sts'umbal Judá, como ta slumalic la smalbeyic sch'ich'el te mach'atic mayuc smulic.

1 Crónicas 1:44

Te c'alal cham te Bela, ha hil ta sjelol ta ajwalil te Jobab, te snich'an Zera te talem ta Bosra.

Jeremías 18:16

La sutp'inic ta jochol q'uinal te sq'uinalic, te labambil spisil ora. Spisil mach'atic ya xc'axic tey a xcham yo'tanic yu'un, ya sjimulan sjolic yu'un.

Jeremías 19:8

Ya cac' te xiweltic sba ya xc'oht te pueblo ini soc te ya xlabanot. Spisil te mach'atic ya xc'axic tey a xcham yo'tanic yu'un soc ya slabanic ta scaj spisil te jinel yu'une.

Jeremías 51:14

Te Jehová te scuentahinej spisil hich yaloj ta jamal ta stuquel: Ya jnojesbat ta acontratac hich te bin ut'il c'ulubetic, ya me x'awonic yu'un tsalaw ta atojol, xchi.

Jeremías 48:24

Queriot, Bosra soc spisil te pueblohetic yu'un Moab te nopol soc namal ayique.