Jeremías 49:11 - Bible in Tzeltal Bachajón

¹¹ Ihquitaya te me'ba'etic awu'un, ho'on ya jcanantay; soc te me'ba' antsetic awu'un ha ya smuc'ulinon yo'tanic, xchi.

Bible in Tzeltal de Oxchuc y Tenejapa

¹¹ “Ijq'uitaybon te me'ba alaletic awu'une, ya jcanantay. Te me'ba antsetic awu'une ya xju' ya smuc'ulin co'tan”, te xiique —xi' te Cajwaltique.

Jeremías 49:11 Referans Kwoze

Salmos 68:5

Te Dios te ay ta ch'ul templo yu'un, ha stat te me'ba'etic, soc ya xc'opoj yu'un te me'ba' antsetique.

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.

Oseas 14:3

Ma ba ya scoltayotcotic te Asiria; ma ba ya xmohotcotiquix ta cawu; ma ba hich ya calbecotiquix te bin jpasojtic ta jc'abcotic: Ha diosetic cu'uncotic, ma xchihucotic, como ha'at ta atojol ya sta c'uxultayel te me'ba' alal.

1 Timoteo 5:5

Yan te mach'a me'ba' ants te stuquel ay, ha smuc'ulinej yo'tan te Diose, soc c'ahc'al ahc'abal ya ya'telin yalel wocol soc sc'oponel Dios.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Jonás 4:11

¿Ma bal yacuc jna'be yo'bolil sbahic te Nínive, te muc'ul pueblo banti c'axem ta ho'lajunpic (120,000) ta tuhl ants-winiquetic te ma sna'ic stsahtayel te swa'el-c'ab soc te sq'uexam-c'ab, soc te ay bayel chambahlametic tey a? xchi.

Salmos 146:9

Te Jehová ya scanantay te jyanlumetic, ya ya'be bin ya xtuhun yu'un te me'ba' alaletic soc te me'ba' antsetic, yan te mach'atic chopolic ya showiytes ta be.

Salmos 82:3

C'opojanic yu'un te mach'a mayuc yip soc yu'un te me'ba'; pasa te bin stojil ta pasel ta stojol te mach'a ay swocol soc te mach'a mayuc bin ay yu'un.

Deuteronomio 10:18

ya spas bin stojil ta stojol te me'ba' alal soc te me'ba' ants; soc ha nix c'ux ta yo'tan te jyanlum, ya ya'be swe'el soc sc'u' spac'.

Zacarías 7:10

ma me xawa'be swocol ta uts'inel te me'ba' ants, te me'ba' alal, te jyanlum o te pobre, soc ma me ayuc mach'a chopol bin ya snop ta yo'tan ta stojol te yermanohe, xchi.