Jeremías 49:10 - Bible in Tzeltal Bachajón

¹⁰ Pero ho'on jc'axel ya jpojbe spisil bintic ay yu'un Esaú, ya jam ta banti snac'oj sba, ma xhu' ya snac' sba. Ya me yich' lajimbeyel te snich'nab, yermanotac soc te spat-xuhc, ya xch'ay bahel te Esaú.

Bible in Tzeltal de Oxchuc y Tenejapa

¹⁰ Yan te jo'one ma'yuc bi ya quijq'uitaybey jtebuc te lum yu'un Esaú. Quilojix ta bay ya snac' sbaique, jich ma xju'ix ya snac' sbaic. Te snich'nab, yermanotac soc te spat-xujq'ue spisilic la yich'ic jinel. Ma'yuc mach'a jil jtuluc tey a, te ya yal:

Jeremías 49:10 Referans Kwoze

Isaías 17:14

Ta xmahl c'ahc'al, ay bayel xiwel; pero c'alal ma to ba sacuben q'uinal a, mayuquix te jcontra. Hich ya xc'oht ta stojol te mach'atic ya yelc'anotic, hich ya xc'oht ta stojol te mach'atic ya spojbotic jbiluctic.

Romanos 9:13

Como hich ts'ihbabil: C'ux la jca'iy ta co'tan te Jacob, pero p'ajbil cu'un te Esaú, xchi.

Abdías 1:9

Te mach'atic awu'un te ay yipic, Temán, ay me tulan xiwelic, spisil ants-winiquetic ta witsiltic yu'un Esaú ya yich'ic lajinel.

Amós 9:3

Teme ya snac' sbahic ta ba wits yu'un Carmelo, tey ya jle a soc ya jtsacticlan; aunque ya snac' sbahic ta jtojol c'alal ta sc'ubulil mar, tey ya calbe ta mandar te chan te ya sti'e.

Jeremías 23:24

¿Ay bal mach'a ya xhu' ya snac' sba te banti ma xhu' ya quil? xchi te Jehová. ¿Ma bal nojeluc cu'un te ch'ulchan soc te bahlumilal? xchi te Jehová.

Isaías 45:3

Ya ca'bat te c'ulejalil te nac'bilic, te c'ulejalil q'uejbilic ta muquen, scuenta yu'un yac ana' te ho'on Jehovahon, te Dioson yu'un Israel, te ya quic'at ta abihile.

Salmos 37:28

como te Jehová c'ux ta yo'tan te bin stojil ta pasel, soc ma ba ya spihtes te mach'atic jun yo'tanic ta stojol. Spisil ora ya yich'ic canantayel, yan te sts'umbal te mach'atic chopol yo'tanic ya yich'ic lajinel.

Jeremías 13:26

Ho'on nix ya jlicbat mohel atsec c'alal ta asit awelaw, hich ya xchicnaj aq'uexlal:

Lamentaciones 4:22

Ts'acayix te castigo awu'un, yantsil-nich'anat Sión; ma ba ya xcha'ic'atix bahel ta chuquel. Pero ha'at yantsil-nich'anat Edom, ya ya'bat castigo yu'un amul, ya yac' chicnajuc te muliletic awu'une.

Abdías 1:6

¡Jc'axel pojbil te bintic ay yu'un Esaú! La yich' lehbeyel te sc'ulejal te nac'bile.