Jeremías 49:1 - Bible in Tzeltal Bachajón

¹ Hich ay sc'oblal te amonetique. Hich yaloj te Jehová: ¿Ma bal ayuc snich'nab te Israel? ¿Ma bal ayuc mach'atic ya x'ich'bot hilel yu'un te bintic ay yu'une? ¿Bin yu'un te Milcom la yich' hilel te Gad, soc te nahinemic ta pueblohetic yu'un te ants-winiquetic yu'une?

Bible in Tzeltal de Oxchuc y Tenejapa

¹ Ja' sc'oplal Amón yu'un te Cajwaltique: —¿Banti ay te snich'nab Israel? ¿Banti ay te mach'atic ay bi ya x'ac'bot jilel yu'uninique? ¿Bi yu'un te lotil dios Milcom te ja' yu'uninejix yo'tic te Gad? ¿Bi yu'un te amonetic te nainemic ta lumetic yu'une?

Jeremías 49:1 Referans Kwoze

Deuteronomio 23:3

Ma xhu' ya x'ochic amonetic soc moabetic ta tsoblej yu'un Jehová, ni ha'uc ta slajuncajal sts'umbal; stalel mayuc bin ora ya x'ochic ta tsoblej yu'un Jehová,

Jeremías 49:7

Hich ay sc'oblal te Edom. Hich yaloj te Jehová te scuentahinej spisil: ¿Ma bal ayuquix p'ijil-o'tanil ta Temán? ¿Laj balix te j'ac'-o'tanil yu'un te mach'atic p'ijique? ¿Jihn balix te sp'ijilique?

Jeremías 25:21

te Edom, Moab soc Amón;

2 Crónicas 20:1

Ta patil, te moabetic soc te amonetic, soc joquimbilic yu'un yantic amonetic, tal ya'beyic guerra te Josafat.

Jeremías 49:28

Sc'oblal Cedar soc te ban c'alal scuentahinej Hazor, te tsalot yu'un Nabucodonosor ajwalil yu'un Babilonia. Hich yaloj te Jehová: Hahchanic, a'beyahic guerra te Cedar, soc lajinahic te mach'atic ayic ta stojol banti ya xloc' tal c'ahc'al.

Jeremías 49:23

Hich ay sc'oblal te Damasco: Te Hamat soc Arfad ma sna'ic bin ya spasic, como la ya'iyic te bintic ma lecuc te ya xc'oht ta pasel; ya xnihc yo'tanic yu'un xiwel, hich te bin ut'il mar te ma xhu' ta lahmajtesel.

Jeremías 48:1

Hich ay sc'oblal te Moab. Hich yaloj te Jehová te scuentahinej spisil, te Dios yu'un Israel: ¡Obol sba te Nebo, la yich'ix jinel! ¡Pehc'anot soc tsalot te Quiriataim; te joyob ts'ahc yu'un la yich' pehc'anel soc jinel!

Jeremías 27:3

Ticona c'op ta stojol te ajwaliletic yu'un Edom, Moab, Amón, Tiro soc Sidón ta scuenta te j'al-c'opetic te talemic ta Jerusalén ta stojol Sedequías ajwalil yu'un Judá.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Salmos 83:7

Gebal, Amón soc Amalec, Filistea, soc te swinquilel Tiro.

Salmos 9:6

Jc'axel lajemic te jcontrahinwanejetic, jimbil hilic ta sbahtel q'uinal; soc te pueblohetic te la ajinticlan pajal ch'ay bahel te sna'ojibal yu'unique.

Nehemías 4:7

Pero te c'alal la ya'iyic te Sanbalat, Tobías, te árabehetic, te amonetic soc te mach'atic ayic ta Asdod te xquechet ta cha'pasel xan te sts'ahcul te Jerusalén, te xquechet ta maquel banti jamajtic, bayel ilinic yu'un.

Nehemías 2:19

Pero te c'alal hich la ya'iyic te Sanbalat te talem ta Horón, te Tobías te talem ta Amón, soc te Gesem te talem ta Arabia, la slabanotcotic soc la sp'ajotcotic, hich la yalic: ¿Bin a ini te yaquex ta spasele? ¿Yu'un bal yac atoy abahic ta stojol te ajwalil? xchihic.

2 Crónicas 20:23

Como te amonetic soc te moabetic hahch ya'beyic guerra te mach'atic talemic ta wits Seir yu'un ya smilic soc ya slajinic. Te c'alal laj smilbelic a te mach'atic talemic ta wits Seir, talel c'axel hahch smil sbahic.

2 Reyes 24:2

Te Jehová la sticon bahel ta scontrahinel te Joacim te caldeohetic, siriahetic, moabetic soc amonetic. La sticonlan ta scontrahinel Judá yu'un ya slajinic, hich te bin ut'il yaloj te Jehová ta scuenta te jalwanejetic te a'batetic yu'une.

2 Reyes 10:33

c'alal ta stojol sloq'uib c'ahc'al yu'un Jordán, spisil te sq'uinal Galaad, Gad, Rubén soc te Manasés, c'alal ta Aroer te ay ta nopol sjuclej Arnón, ha to ta Galaad soc ta Basán.

Deuteronomio 2:19

Te c'alal ya xnohpojat ta banti ay te snich'nab Amón, ma me xawuts'inic soc ma me xawa'beyic guerra, yu'un ma ba ya ca'bat te sq'uinal te snich'nab Amón, como ha la jca'be yich'ic te snich'nab Lot.

Génesis 19:38

Ha nix hich ayin yal te ihts'inal, la ya'be sbihilin Ben-amí. Ha stat te amonetic te ayic ta q'uinal c'alal ora ini.

Números 1:24

Te sts'umbal Gad, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra:

Deuteronomio 23:4

ta scaj te ma ba loc' ya'beyex we'elil soc ha' ta be c'alal loq'uex tal ta Egipto, soc ta scaj te la stojic te Balaam snich'an Beor, te talem ta Petor ta Mesopotamia, scuenta yu'un ya sbohlobtesbeyex ac'oblalic.

Jeremías 12:14

Hich yaloj te Jehová: Te chopol jpat-xuhc te ya yich'beyic te q'uinal la jca'be te Israel te pueblo cu'une, ya jbulticlan loq'uel ta sq'uinalic, soc ya jbulticlan loq'uel ta yohlilic te sna Judá.

Sofonías 1:5

Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Ezequiel 21:25

Ha'at ajwalilat yu'un Israel te chopolat soc bohloben ac'oblal, te la stahix aworahil te yac awich' te castigo scuenta slajibal,

Ezequiel 25:1

Tal ta jtojol te sc'op Jehová, hich la yal: