Jeremías 48:6 - Bible in Tzeltal Bachajón

⁶ ¡Ahnanic bahel, coltaya acuxlejalic, hichuquex te bin ut'il ch'ix ta jochol taquin q'uinal!

Bible in Tzeltal de Oxchuc y Tenejapa

⁶ ¡Ananic bael, ac'a scoltay sba te mach'a ya xju' yu'une! Jichanic te bit'il ch'ix ta jochol taquin q'uinal.

Jeremías 48:6 Referans Kwoze

Jeremías 17:6

Hich ya xc'oht te bin ut'il jpeht ch'ix ta jochol taquin q'uinal, ma ba ya yil te bin ora ya xtal te bin leque; ya x'ayin ta tontiquil ta jochol taquin q'uinal, ta chi'il lumq'uinal ta banti mayuc mach'a nahinem tey a.

Jeremías 51:6

¡Ahnanic loq'uel ta Babilonia! ¡Coltaya abahic, scuenta yu'un ma ba ya xch'ayex bahel ta scaj te smule! Como ha yorahil te Jehová ya ya'be spacol, ya ya'be stoj te bin ya sc'an te ya'tele.

Hebreos 6:18

Ha yu'un ta scuenta te cheb ini te ma xyanij sc'oblal, te ma xhu' ya spas lot yu'un te Diose, te ho'otic te jnohpojemotic bahel ta stojol ay bayel yip co'tantic te ya cu'untaytic te smuc'ul-o'tanil te ay ta jtojoltique.

San Lucas 3:7

Te Juan hich la yalbe te mach'atic tal yac' sbahic ta a'beyel yich'ic ha' yu'un: ¡Sts'umbalex jti'awal chanetic! ¿Mach'a la yalbeyex te ya xloq'uex ta ahnel ta stojol te ilimba te talel yac?

Salmos 11:1

Ha smuc'ulinej co'tan te Jehová; ¿bin yu'un hiche te hich yac awalbon: Ahnan bahel ta wits hich te bin ut'il mut,

Génesis 19:17

C'alal loq'uix bahel ta fuera yu'unic a, la yalbeyic: Loc'anic ta ahnel yu'un te acuxlejal, ma me xasut asit ta apat soc ma me ayuc banti ya xhalajat ta spamlej ini; bahan ta ahnel ta witsiltic scuenta yu'un ma ba ya xlajat a, xchihic.