Jeremías 48:47 - Bible in Tzeltal Bachajón

⁴⁷ Pero ta patil bahel ya cac' suhtuc xan tal te jchuqueletic yu'un Moab, xchi te Jehová. Li' ya xlaj sc'oblal te castigo yu'un Moab.

Bible in Tzeltal de Oxchuc y Tenejapa

⁴⁷ Ja'uc me to, ta patil ya me sta sc'aalelal te ya cac'bey xan yutsilal te Moab; jo'on Ajwalilon, jich ya cal —xi' te Cajwaltique. Ja' jich sc'oplal ta chajbanel yu'un Cajwaltic te Moabe.

Jeremías 48:47 Referans Kwoze

Jeremías 49:39

Pero ta patil bahel ya cac' te ya suhtic tal te jchuqueletic yu'un Elam, xchi te Jehová.

Jeremías 49:6

Pero ta patil ya cac' te ya scha'suhtic xan talel te amonetic, xchi te Jehová.

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Daniel 10:14

Talemon yu'un ya ca'bat ana' bin ya xc'oht ta pasel ta stojol alumal ta patil bahel, como te nahalsitil ha sc'oblal te yorahil ta patil bahel, xchi.

Daniel 2:28

Pero ay jtuhl Dios ta ch'ulchan te ya yac' ta na'el te bintic wocol ta na'el, ha la ya'be sna' te ajwalil Nabucodonosor te bin ya xc'oht ta pasel ta patil. Te awayich soc te anahalsit te la awil te c'alal ayat ta awayib, hich ay:

Jeremías 46:26

Ya cac' ta sc'abic te mach'atic yac slehbelic te scuxlejalic, ta sc'ab te Nabucodonosor ajwalil yu'un Babilonia soc te swinictaque. Pero ta patil ya xnahinic tey a hich te bin ut'il ta nahil to, xchi te Jehová.

Jeremías 30:24

Ma ba ya xlahmaj te sc'ahc'al yilimba Jehová ha to c'alal ya xc'oht ta pasel yu'un te bin snopoj ta yo'tane. Ta patil bahel ya xc'oht ta awo'tanic ini.

Jeremías 23:20

Te yilimba Jehová ma xquehchaj ha to c'alal ya xc'oht ta pasel te bintic snopoj ta yo'tan. Ta patil bahel ya me xc'oht ta awo'tanic.

Jeremías 12:15

C'alal bulbilix loq'uel cu'un a, ya jcha'na'be xan yo'bolil sbahic, soc ya cac' suhtuc tal jujutuhl ta sq'uinalic, jujutuhl ta slumalic.

Isaías 23:18

Pero te stojol ya'tel ya x'ac'ot ta stojol Jehová. Ma ba ya yich' q'uejel, ma ba ya yich' tsobel, como te stojol ya'tel ha yu'un ya xc'oht te mach'atic ayic ta stojol Jehová, scuenta yu'un ya xnoj sch'uhtic soc ya slap t'ujbil sc'u' spaq'uic a.

Isaías 18:7

Ta hich ora ya yich' aq'uel mahtaniletic ta stojol te Jehová te scuentahinej spisil, yu'un te nahtil winiquetic te xch'ulet snuhculelic, ta pueblo te xi'bilic ta bayuc, ta nación te ay yip soc te ya ya'iy tsalaw, te stsaloj sq'uinalic ta muc'ul-ha'etic. Ya yich'ic talel ta wits Sión, ta banti ay te sbihil te Jehová te scuentahinej spisil.

Job 19:25

Ya jna' te cuxul te Jcoltaywanej cu'un, te ta slajibal ya stehc'an hahchel sba ta lum,

Deuteronomio 31:29

Como jna'oj te c'alal chamenonix a, ya me abohlobtes abahic soc ya me awihquitayic te be te la jca'beyex at'unic, ya me xtal wocol ta atojolic ta patil ta scaj te yac apasic te bintic chopol ta sit te Jehová, yac ahachbeyic yilimba yu'un te bin yac apasic, xchi.

Deuteronomio 4:30

Te c'alal ay awocolic soc te ya stahex spisil te wocol ini, teme ta patil bahel ya suhtex ta stojol Jehová te Dios awu'unic soc yac ach'uhumbeyic te sc'ope,

Números 24:14

Ha yu'un ya suhtonix bahel ta jlumal. Pero la' me, ya calbat awa'iy bin ya spas te pueblo ini ta stojol te pueblo awu'un ta patilal, xchi.

Ezequiel 38:8

Bayel c'ahc'al ta patil yac awich' iq'uel; ta slajibal te ha'biletic yac awa'be guerra te q'uinal te c'axix yu'un te guerra, ha te mach'atic te la yich'ic tsobel tal ta yohlil bayel nacionetic, te c'ohtic ta witsiltic yu'un Israel, te bayel ha'bil jimbilique. La yich'ic loq'uesel ta yohlil te nacionetic soc spisilic jun yo'tanic ya xnahinic tey a.

Jeremías 12:14

Hich yaloj te Jehová: Te chopol jpat-xuhc te ya yich'beyic te q'uinal la jca'be te Israel te pueblo cu'une, ya jbulticlan loq'uel ta sq'uinalic, soc ya jbulticlan loq'uel ta yohlilic te sna Judá.

Daniel 11:41

Ya me x'och ta q'uinal te ay yutsilal, bayel ta jsehp q'uinal ya xyahlic ta stojol; pero ya xcol stuquelic te Edom, Moab soc jteb ma spisiluc te sts'umbal Amón.

Isaías 25:11

Te Moab tey ya shach sc'ab a, hich te bin ut'il ya shach sc'ab te mach'a yac ta nuxel. Dios ya xpehc'ambot stoybahil yu'un soc te bin ya xhu' yu'unic spasel ta sc'abic.

Isaías 45:20

Tsoba abahic, la'ic me, tsoba abahic apisilic te cuxul hilex ta yohlil te nacionetique. Mayuc bin ya sna'ic te mach'atic ya sbehentesic loc'ombahetic pasbilic ta te', te mach'atic ya sc'oponic jun dios te ma xhu' ya xcoltaywan.