Jeremías 48:44 - Bible in Tzeltal Bachajón

⁴⁴ Te mach'a ya x'ahn loq'uel yu'un xiwel, ya xyahl cohel ta hotbil ch'en, soc te mach'a ya xloc' tal ta hotbil ch'en, ya x'och ta yaquil. Como ya quich' tal ta stojol Moab te yorahil castigo, xchi te Jehová.

Bible in Tzeltal de Oxchuc y Tenejapa

⁴⁴ Te mach'a ya xcol bael yu'un te jts'iwiletique, ya xch'ay coel ta xaab, soc teme ya xloc' tel ta xaabe, ya x'och ta pejts'. Melel ya sta sc'aalelal ya quich' tel castigo ta stojol Moab. Jo'on Ajwalilon, jich ya cal.

Jeremías 48:44 Referans Kwoze

Jeremías 11:23

Mayuc mach'a cuxul ya xhil yu'unic, como ho'on ya cac' te bin chopol ta stojol te swinquilel Anatot ta ha'bil yu'un te castigo yu'unique, xchi.

1 Reyes 19:17

Te mach'a ya xcol ta espada yu'un Hazael, ha me ya smil te Jehú, soc te mach'a ya xcol ta espada yu'un Jehú, ha me ya smil te Eliseo.

Amós 5:19

Hich ya xc'oht te bin ut'il mach'a ya x'ahn loq'uel ta stojol choj, ya sta sba soc oso; o hich te bin ut'il te mach'a ya x'och ta sna soc ya yich' yip sc'ab ta pahc', ya xti'ot ta chan.

Jeremías 46:21

Te tojbil soldadohetic yu'un te ayic ta yohlil, ha pajal soc juhp'en tut wacaxetic; ha nix hich suhtic ta spatic, spisilic loq'uic ta ahnel, ma ba quehchajic, como c'ohtix sc'ahc'alel te swocolic, te yorahil castigo yu'unique.

Miqueas 7:4

Te mach'a lec yilel hich c'ohem te bin ut'il ch'ix; te mach'a mero toj hich c'ohem te bin ut'il jpeht ch'ix. Yac ta talel te sc'ahc'alel castigo awu'un, ha te bin la yalic te j'il-q'uinal awu'un; yorahilix te howiyel awu'une.

Oseas 9:7

C'ohtix sc'ahc'alel te castigo, c'ohtix sc'ahc'alel te ya x'a'bot stojolic. ¡Ya me sna' Israel! Cuyot ta sonso te jalwanej soc te sohquem sjol te winic te ay bin a'bot sna' yu'un Dios, ta scaj bayel achopolil soc bayel slab awo'tanic.

Jeremías 51:18

Ma ba ya xtuhunic, ha te a'telil te ya xlabanot; ta yorahil castigo ya xlajic.

Jeremías 23:12

Ha yu'un te be yu'unic hich ya xc'oht te bin ut'il bilil be ta yihc'al q'uinal, ya yich'ic tsulq'uinel, ya xyahlic tey a; yu'un ya quich'be tal bin chopol ta stojolic te bin ha'bil ya xtal te castigo yu'unique, xchi te Jehová.

Jeremías 16:16

Ya jticon tal bayel jtsac-chayetic, xchi te Jehová, te ya stsacticlanic. Patil ya jticon tal bayel jnutsojeletic, ya me snutsic ta spisil witsiltic, tsehletic soc sc'uhb tontiquil.

Jeremías 10:15

Ma xtuhun, tojol a'tel; ta yorahil yich'el castigo, ya xlaj.

Isaías 24:18

Te mach'a ya x'ahn loq'uel ta scuenta te sc'op xiwel ya xch'ay cohel ta hotbil ch'en; te mach'a ya xloc' tal ta hotbil ch'en ya x'och ta yaquil; como ya xjahm te sventanahul ch'ulchan soc ya xnihquic te yich'o-ip te bahlumilale.

Isaías 10:3

¿Bin yac apasic ta yorahil ich'el ta c'op, te c'alal namal ya xtal te jinele? ¿Mach'a yac ac'ambe coltayel? ¿Banti yac awaq'uic hilel te ac'ulejalique?

1 Reyes 20:30

Te yantique ahnic bahel ta pueblo Afec; pero jihn cohel te sts'ahcul, oxpic soc j'ohlil swaxacbahc' (27,000) winiquetic lajic yu'un. Ha nix hich te Ben-adad loc' tal ta ahnel ta pueblo, la snac' sba ta yutil na.

Jeremías 8:12

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Jeremías 50:24

La jca'bat ayacol, Babilonia, ma ba la ana' te tey ochat a. La awich' tahel soc tsaquel, como la ahachbe yo'tan te Jehová.

Jeremías 50:27

Milbeyahic spisil te torohetic yu'un, ac'a bahtuquic ta milojibal, ¡Obol sbahic! ¡C'ohtix yorahilic, yorahilix te castigo yu'unique!

Lamentaciones 3:47

xiwel soc yaquil, jinel soc lajinel c'ohemic ta jtojolcotic.

Isaías 24:17

¡Xiwel, hotbil ch'en soc yaquil ya xc'ohtic ta atojol, ha'at te nahinemat ta q'uinal!

Jeremías 49:8

¡Suhtanic bahel, loc'anic ta ahnimal, nac'a abahic ta c'ubul ch'enetic, ha'ex te nahinemex ta Dedán! como ya cac' tal jinel ta stojol Esaú ta yorahil te ya ca'be castigo.