Jeremías 48:36 - Bible in Tzeltal Bachajón

³⁶ Ha yu'un ya x'ahcanaj co'tan yu'un Moab hich te bin ut'il amay, soc hich te bin ut'il amay ya x'ahcanaj co'tan yu'un te swinquilel Kir-hares, como ch'ayix te sc'ulejalic te stsobojique.

Bible in Tzeltal de Oxchuc y Tenejapa

³⁶ Jich yu'un ya x'ajc'anaj co'tan yu'un te Moab soc te yajwal Kir-hares, ta sc'op amay yu'un mel-o'tan swenta anima, melel te c'ulejalil la stsobique, ch'ay ta jc'axel.

Jeremías 48:36 Referans Kwoze

Isaías 15:7

Ha yu'un te c'ulejalil tahbil yu'unic soc te c'ulejalil q'uejbil yu'unic, ya yich'ic bahel ta sjehchelul te uc'um yu'un sauce-te'etic.

Isaías 16:11

Ha yu'un hich ya stij sba co'tan te bin ut'il arpa, yu'un te Moab, ya jmel co'tan yu'un te Kir-hareset.

Isaías 15:5

Ya x'awon co'tan ta scuenta Moab; te mach'atic yu'un te loq'uic ta ahnel, ya xbahtic c'alal ta Zoar, c'alal ta Eglat-selisiya. Ta mohel q'uinal yu'un Luhit ya xmohic bahel ta oq'uel; ta sbehlal bahel Horonaim ya x'awonic yu'un te jinele.

Jeremías 17:11

Te mach'a ma stojiluc ya sta sc'ulejal, hich c'ohem te bin ut'il wanculul te yan tomut ya sluts'. Ta yohlil te scuxlejal ya x'ihquitayot yu'un, soc ta slajibal ha sonso ya xc'oht.

Jeremías 4:19

¡Ay jwocol, ay jwocol! ¡Ya xc'uxub co'tan, ya xwihl te co'tan, ma xch'abon; como la jca'iy sc'op corneta, la jca'iy aw yu'un guerra!

Isaías 63:15

Ilawil c'alal ta ch'ulchan, c'alal ta ch'ul yutsil awilal te banti nahinemat. ¿Banti ay te xut'et awo'tan soc te awu'el, te yac ana' yo'bolil jbahtic soc te yac ac'uxultayotcotique? ¿Yu'un bal mayuc ta jtojolcotic?

Proverbios 18:11

Te sc'ulejal te jc'ulej ha pueblo yu'un c'ohem te joytaybil ta ts'ahc; hich c'ohem ta yo'tan te ha toyol sts'ahc te ya xcanantayot yu'une.

Proverbios 13:22

Te mach'a lec yo'tan ya yihquitaybe hilel smamatac te bin ay yu'un, yan te sc'ulejal te jmulawil, q'uejbil yu'un ha ya yich' te mach'a toj yo'tane.

Proverbios 11:4

Ma xtuhun te c'ulejalil ta yorahil ilimba, pero te bin stojil ta pasel ya x'ac'awan ta libre yu'un te lajele.

2 Reyes 3:25

la slajimbeyic te pueblohetic, soc ta spisil te lequil q'uinaletic jujutuhl la snojesic hilel ta ton; la sbut'ticlanic spisil te sloq'uib-ha'etic soc la sts'eticlanic spisil te lequil te'etic. Ha xanix hil te Kir-hareset, pero te j'ac'-jihmuch'iletic la sjoytayic soc la slajinic.

Jeremías 48:31

Ha yu'un tulan ya x'oc'on yu'un Moab, ya x'awonon yu'un spisil Moab, ya x'ahcanajon yu'un te mach'atic yu'un Kir-hares.