Jeremías 48:26 - Bible in Tzeltal Bachajón

²⁶ ¡Yacubtesahic te Moab, como la stoy sba ta stojol te Jehová! ac'a sbal sba ta xe te Moab, soc ac'a yich' labanel.

Bible in Tzeltal de Oxchuc y Tenejapa

²⁶ Yacubtesaic te Moab, melel la stoy sba ta stojol te Cajwaltique. Jich yu'un te Moab ya me sbalan sba ta xe, spisilic ya me yich'ic labanel.

Jeremías 48:26 Referans Kwoze

Jeremías 51:39

C'alal ya x'och sq'uixinal ya jchahpambe bayel we'elil soc ya cac' te ya xyacubic, yu'un ya stse'ejinic soc ya x'och swayelic sbahtel q'uinal te ma xwihc' sitic yu'un, xchi te Jehová.

Jeremías 48:42

Jc'axel ya xjihn te Moab, ma ba nación ya xhilix, como la stoy sba ta stojol Jehová.

Isaías 29:9

¡Coma abahic, xchamuc awo'tanic, mahcuc asitic, ts'o'situc ya xhilex! ¡Yacubenic, pero ma yu'unuc vino, xhanlajanuquex, pero ma yu'unuc tulan uch'balil!

Isaías 19:14

Te Jehová la yac'ticlambe espíritu yu'un ma sna'ic bin ya spasic; ha la showiytesic te Egipto ta spisil bin ya spas, hich te bin ut'il jyacubel te xbahlawet ta xe.

Daniel 5:23

La atoy aba ta stojol te Ajwalil yu'un te ch'ulchan; la aticon ta ich'el tal ta atojol te vasohetic yu'un te templo yu'un; ha'at soc te príncipaletic, te antsetic awu'un soc te yan antsetic awu'un la awuch'ic vino a; soc la awalbe yutsil sc'oblal te diosetic te pasbilic ta plata, oro, bronce, hierro, te' soc ton, te ma xyilic q'uinal, ma xya'iyic c'op, soc mayuc bin ya sna'ic; ma ba la awich' ta muc' te Dios te ay ta sc'ab te acuxlejal soc spisil te behetic awu'une.

Lamentaciones 4:21

¡Tse'eluc me awo'tan, ayuc me yutsil awo'tan, yantsil-nich'anat Edom; ha'at te ya xnahinat ta sq'uinal Uz! Ha nix ya xc'oht ta atojol te copa, ya me xyacubat soc watal ya xhilat.

Jeremías 51:7

Te Babilonia ha copa pasbil ta oro c'ohem ta sc'ab Jehová te la syacubtes a spisil te ants-winiquetic ta q'uinal. Te nacionetic la yuch'beyic te vino yu'un, hich sohc sjolic a.

Jeremías 48:39

¡Oq'uetaya! ¡Ilawil bin ut'il jc'axel laj! ¡Ilawil bin ut'il la sut spat te Moab soc la sta q'uexlal! Te Moab la yich' labanel soc xi'bil yu'un spisil te mach'atic ayic ta sjoyobal.

Éxodo 5:2

Pero la sjac' te faraón: ¿Mach'a a te Jehová te ya jch'uhumbe sc'op te ya cac' bahel te Israel? Ma jna'be sba te Jehová yac awale, soc ma ba ya cac' bahel te Israel, xchi.

Apocalipsis 16:19

Oxeht' loc' a te muc'ul pueblo soc hemts'uj cohel te muc'ul pueblohetic yu'un te nacionetic. Dios la sna' te muc'ul Babilonia, la ya'be yuch' te vino yu'un yilimba te ay ta copahe.

2 Tesalonicenses 2:4

te ya scontrahin soc ya stoy sba ta stojol spisil bintic a'bot sbihilin Dios o te bintic ay ta ch'uhuntayel; ya x'och shuhcan sba ta templo yu'un Dios, ya yac' sba ta cuyel ta Dios.

Habacuc 2:16

Yac awac' te bayel yac ata q'uexlal, ma ha'uc ich'el ta muc'; ha nix hich yac awuch' ha'at soc ya xchicnaj abaq'uetal, te copa ay ta swa'el sc'ab Jehová ya xc'oht ta atojol, soc ya sutp'in ta q'uexlal te awutsilale.

Nahúm 3:11

Ha nix hichat, Nínive, ya me xyacubat soc ya me awich' naq'uel; yac ale banti yac anac' aba, ta scaj te acontrahe.

Daniel 11:36

Te ajwalil ya me spas te bin ya sc'an yo'tan. Ya me stoy sba soc toyol ya yac' sba yu'un spisil diosetic, soc ay bintic c'ax chopol ya yal ta stojol te Dios yu'un te diosetique. Lec ya xc'oht ha to c'alal ts'acal ya xc'oht te yorahil ilimba, como ya me xc'oht ta pasel te bin chapale.

Lamentaciones 3:15

La snojeson ta bin paj, la syacubteson ta ch'ahco'.

Lamentaciones 1:21

La ya'iybonic te ahcan cu'un, pero mayuc mach'a ya smuc'ubtesbon co'tan. Spisil te jcontratac ya'iybeyejon sc'oblal te jwocole, tse'el yo'tanic yu'un te bin la apasbone. Ac'a taluc sc'ahc'alel te awalbeyej sc'oblal, ac'a te hich ya xc'ohtic te bin ut'il ayone.

Jeremías 51:57

Ya jyacubtesbe te príncipaletic soc te p'ijil winiquetic yu'un, te jtsobawetic, te mach'atic ich'bilic ta cuenta soc te soldadohetic yu'une. Ya xwayic sbahtel q'uinal, ma ba ya xcuxix yo'tanic, xchi te Ajwalil, te Jehová te scuentahinej spisil te sbihile.

Isaías 63:6

Ta scuenta quilimba la jts'o' ta teq'uel te nacionetic, ta scuenta tulan quilimba la jyacubtes soc la jmalbe sch'ich'el ta lum, xchi.

Isaías 51:17

Wic'a asit, wic'a asit, hahchan, Jerusalén, ha'at te la awuch'be yilimba ta copa te ay ta sc'ab te Jehová, te la awuch' spisil te copa te ya yac' te xhanlajanic ya xbehenic yu'une.

Isaías 10:15

¿Ya bal stoy sba te echej ta stojol te mach'a ya xtuhunot yu'une? ¿ya bal stoy sba te sierra ta stojol te mach'a ya xtuhunot yu'une? ¡Ma spas te bastón ya shach te mach'a tsacbil yu'une! ¡Ma spas te xul ya slic mohel te mach'a ma si'uc!

Salmos 75:8

Ay copa ta sc'ab te Jehová, pajubenix te vino soc capbilix; ha ya smal cohel, spisil mach'atic chopolic ta bahlumilal ya me slajinic yuch'el.

Salmos 60:3

La awa'be yil tulan pruebahetic te pueblo awu'un; la awa'botcotic vino te ya x'ahlajanotcotic yu'une.

Salmos 59:8

Pero ha'at, Jehová, yac atse'lay; yac alaban spisil te nacionetique.

Salmos 2:4

Te Mach'a nahinem ta ch'ulchan ya stse'lay; te Cajwaltic ya xlabanot yu'un.

Job 9:4

Ha p'ij yo'tan soc bayel yip yu'el, ¿mach'a a te ya c'an stsal, te lec ya xc'oht yu'un?

Éxodo 9:17

Pero ya to atoy xan aba ta scontrahinel te pueblo cu'un te ma xawac' loq'uele.

Isaías 28:8

Spisil te mesahetic nojelic ta xehil soc abac, mayuc banti lec.

Daniel 8:10

Muc'ub bahel ha to c'oht c'alal ta banti ay te tsobolic yu'un te ch'ulchane. Ay la sjin cohel c'alal ta lum j'ohlil te tsobolic yu'un te ch'ulchan soc te eq'uetic, la sts'o'ts'o'tec'ticlan.

Job 15:25

como la shach sc'ab ta scontrahinel te Diose, la stoy sba ta stojol te Mach'a spisil ya xhu' yu'un;

Jeremías 50:29

Ic'ahic tal ta scontrahinel Babilonia j'ac'-t'ihmalte'etic, spisil mach'atic ya yaq'uic t'imalte'; joytayahic ta sjoyobal, ma me ayuc mach'a ya xcol loq'uel. A'beyahic stoj chican bin yilel te ya'telic; ha chican bin la spas, hich me yac apasbe, como la shachbe yo'tan te Jehová, te Ch'ul Dios yu'un Israel.