Jeremías 48:10 - Bible in Tzeltal Bachajón

¹⁰ ¡Ma me lecuc sc'oblal te mach'a ma ba jun yo'tan ya spasbe ya'tel te Jehová! ¡Ma me lecuc sc'oblal te mach'a ya scom ta smalel ch'ich' te espada yu'une!

Bible in Tzeltal de Oxchuc y Tenejapa

¹⁰ (Ch'aybil me ya xc'ot te mach'a ma socuc yutsil yo'tan ya spas te at'el te ya x'ac'bot ta swenta yu'un te Cajwaltique. Ch'aybil me ya xjil te mach'a ma sc'an ya yac' sba ta milawe.)

Jeremías 48:10 Referans Kwoze

1 Reyes 20:42

Te jalwanej hich la yal: Hich ya yal te Jehová: Te bin ut'il la acoltay bahel te winic te ho'on calojix te ya xlaje, ha'at me ya xlajatix ta scuenta, soc te pueblo awu'un ya me xlaj ta scuenta te pueblo yu'une, xchi te Jehová, xchi.

1 Samuel 15:3

Ha yu'un bahan, a'beya guerra te Amalec, jc'axel lajina spisil bintic ay yu'un, ma me xana'be yo'bolil sba; milticlana winiquetic, antsetic, alaletic soc tut alaletic te ya to xchu'unic, soc nix wacaxetic, tuminchijetic soc tentsunetic, camellohetic soc burrohetic, xchi.

Jueces 5:23

¡C'ambeyahic chopol c'oblalil te Meroz! xchi te ch'ul a'bat yu'un Jehová, c'ambeyahic tulan chopol c'oblalil te mach'atic nahinemic tey a, xchi; como ma ba tal scoltayic te Jehová, ma ba tal scoltay Jehová ta scontrahinel te mach'atic ay yipique.

2 Reyes 13:19

Ha yu'un te winic yu'un Dios ilin ta stojol, hich la yalbe: Te lajuc amaj ho'eb waquebuc buelta te lume, hu' awu'un stsalel te siriahetic ha to c'alal mayuc mach'a ya xhil te hichuque. Yo'tic ha nax oxeb buelta yac atsal te Siria, xchi sc'oblal.

1 Samuel 15:9

Pero te Saúl soc te soldadohetic cuxul hil yu'unic te Agag soc te banti t'ujbilic tuminchijetic, wacaxetic, juhp'en wacaxetic soc tut tuminchijetic, spisil te bintic lec, ma ba la sc'anic te jc'axel la slajinic; ha nax jc'axel la slajinic te bintic ma lecuc soc te ma xtuhune.

Jeremías 50:25

Te Jehová la sjambe yawil te a'tejibaletic yu'un guerra, la sloq'ues tal te a'tejibaletic yu'un te yilimba, como te Jehová te Dios te scuentahinej spisil ay ya'tel te ya spas ta sq'uinal te caldeohetique.

Jeremías 47:6

Ha'at espadahat yu'un Jehová, ¿bin ora yac acux awo'tan? ¡Cha'ochan ta ana, quechajan soc ch'aban!

1 Reyes 20:39

Te c'alal yac ta c'axel a te ajwalil, hich la yawtay te ajwalil: Te a'bat awu'un baht ta yohlil te guerra, tal jtuhl soldado, la yic' tal jtuhl jchuquel, hich la yalbon: Canantaya ha winic ini, teme loc' ta ahnel, ha me ya sjelolin acuxlejal te scuxlejale, o yac' atoj jun talento plata.

1 Reyes 20:40

Pero te c'alal ay bin yac ta spasel a te a'bat awu'un, loc' ta ahnel te winique, xchi. Te ajwalil yu'un Israel hich la yalbe: Ha'at nix la awal te bin a te castigo awu'un, xchi.

Jeremías 11:3

Hich yac awalbe: Hich yaloj te Jehová, te Dios yu'un Israel: Ma lecuc sc'oblal te mach'a ma ba ya sch'uhun spasel te chapbil-c'op ini,

Jeremías 47:7

Pero ¿bin ut'il c'an cuxuc yo'tan, teme pasot ta mandar yu'un Jehová, teme ticombil yu'un ta scontrahinel te Ascalón soc te ti'ti'mar?

Jeremías 50:27

Milbeyahic spisil te torohetic yu'un, ac'a bahtuquic ta milojibal, ¡Obol sbahic! ¡C'ohtix yorahilic, yorahilix te castigo yu'unique!

Josué 10:19

Yan te ha'exe ma me xquehchajex, nutsahic bahel te acontrahic, milahic mach'atic patilic, ma xawaq'uic ya x'ochic ta pueblohetic yu'unic; como te Jehová te Dios awu'unic la ya'beyexix ta ac'abic, xchi.