Jeremías 47:6 - Bible in Tzeltal Bachajón

⁶ Ha'at espadahat yu'un Jehová, ¿bin ora yac acux awo'tan? ¡Cha'ochan ta ana, quechajan soc ch'aban!

Bible in Tzeltal de Oxchuc y Tenejapa

⁶ ¡Ja'at spuñal Cajwal! ¿bi ora ya acom aba? Cha'ochan ta ana, ch'aban, ma xatijix aba.

Jeremías 47:6 Referans Kwoze

Jeremías 12:12

Ta spisil te toyol jochol q'uinal talic jinawetic, como te espada yu'un Jehová ya me slajin ta jehch ta jehch te q'uinale, mayuc mach'a lamal q'uinal ya ya'iy.

San Juan 18:11

Jesús la yalbe te Pedro: Otsesa ta sna te espada awu'un. Te copa te la ya'bon cuch' te Tatil, ¿ma bal yacuc cuch'? xchi.

Ezequiel 21:30

Cha'otsesa te espada ta sna. Ta banti la awich' pastayel, ta q'uinal banti hahchemat talel, tey ya jchahpanat a

Ezequiel 14:17

O teme ya cac' taluc espada ta stojol te q'uinal, teme hich ya cal: ¡Espada, c'axan bahel ta q'uinal! teme xchihone, soc teme ya cac' lajuc ants-winiquetic soc chambahlametic tey a,

Jeremías 25:27

Soc hich me xawalbe: Hich yaloj te Jehová te scuentahinej spisil, te Dios yu'un Israel: Uch'anic, yacubanic soc xehenanic, yahlanic, ma xhahchexix, ta scaj te espada te ya jticon tal ta atojolique.

Jeremías 15:3

Ya jticon ta stojolic chanchahp castigo, xchi te Jehová: ha te espada te ya xmilawan, ts'i'etic te ya xti'awanic, mutetic te ya xwihlic ta toyol soc chambahlametic ta q'uinal yu'un ya xti'awanic soc ya xlajinwanic.

Jeremías 12:4

¿Bin to ora te jochol ya xhil te lumq'uinal soc te ya sayub te aquiltic ta spisil te q'uinale? Ta scaj schopolil te mach'atic nahinemic tey a te lajemiquix te chambahlametic soc te ha'mal mutetique, como hich ya yalic: Dios ma ba ya yil bin ut'il ya xc'ohotic ta loq'uel, xchihic.

Jeremías 4:21

¿Jayeb xan c'ahc'al ya sc'an te ya quil te bandera soc te ya ca'iybe sc'op te corneta?

Isaías 10:15

¿Ya bal stoy sba te echej ta stojol te mach'a ya xtuhunot yu'une? ¿ya bal stoy sba te sierra ta stojol te mach'a ya xtuhunot yu'une? ¡Ma spas te bastón ya shach te mach'a tsacbil yu'une! ¡Ma spas te xul ya slic mohel te mach'a ma si'uc!

Isaías 10:5

¡Ay me swocol te Asiria! te xul yu'un quilimba, ay ta sc'ab te nahbate' yu'un te quilimbahe.

Salmos 17:13

Hahchan, Jehová, loc'an tal ta stahel, lajinlana; ta scuenta te espada awu'un coltaybon jcuxlejal ta sc'ab te mach'atic chopol yo'tanic;

1 Crónicas 21:27

Ha yu'un te Jehová la sc'opon te ch'ul a'bat, hich la yotses ta sna te espada yu'une.

2 Samuel 2:26

Hich te Abner la yawtay te Joab: ¿Stalel bal ya xlajinwan te espada? ¿Ma bal ana'ojuc te wocol ya xc'oht ta loq'uel ini? ¿Bin to ora yac awalbe te winiquetic awu'un te ya yihquitay snutsel te yermanotac? xchi.

Jueces 7:20

Ta yoxchahpalic la yoq'uesinic te xulubiletic soc la swuyic te q'uibetic, la stsaquic ta sq'uexam-c'abic te sc'ahq'uic soc ta swa'el-c'abic te xulubiletic te ya yoq'uesinic, soc hich awonic: ¡Ta scuenta te espada yu'un Jehová soc Gedeón! xchihic ta aw.

Jeremías 48:10

¡Ma me lecuc sc'oblal te mach'a ma ba jun yo'tan ya spasbe ya'tel te Jehová! ¡Ma me lecuc sc'oblal te mach'a ya scom ta smalel ch'ich' te espada yu'une!

Jeremías 50:35

Ac'a yich'ic contrahinel yu'un espada te caldeohetic, xchi te Jehová, soc te mach'atic nahinemic ta Babilonia, soc te príncipaletic soc te p'ijil winiquetic yu'une.

Zacarías 13:7

¡Hahchan, espada, ta scontrahinel te jcanan cu'un, ta scontrahinel te winic te ha jmohlol! xchi te Jehová te scuentahinej spisil. Mila te jcanan, hich ya xpuhquic bahel te tuminchijetique, ya cac' jc'ab ta scontrahinel te tut tuminchijetique.