Jeremías 47:2 - Bible in Tzeltal Bachajón

² Hich yaloj te Jehová: Ilawil, yac ta nojel ha' ta stojol norte, ya sutp'ij ta tulan snojel ha'; ya me smuc te q'uinal soc spisil bintic ay tey a, te pueblohetic soc te mach'atic nahinemic tey a. Ya x'awonic te ants-winiquetic, spisil te mach'atic nahinemic ta q'uinal ya me x'oq'uic,

Bible in Tzeltal de Oxchuc y Tenejapa

² —Jo'on Ajwalilon ya cal: C'alal ta norte ya xmajc' tel q'uinal, jich bit'il ya xmal tel snojel ja'; te ya smuc te lum soc spisil bila ay tey a, te lumetic soc te mach'atic tey ae. Spisil te mach'atic yajwal te q'uinal, ya x'awunic; te ants-winiquetic tulan ya x'awunic yu'un xc'uxul.

Jeremías 47:2 Referans Kwoze

Jeremías 46:20

Te Egipto ha t'ujbil alal wacax, pero ta stojol norte ya xtal xcach ta stojol.

Jeremías 8:16

C'alal ta Dan chicnaj yic'al sni' scawuhic; c'alal x'ilajanic te scawuhic te ay yipic ya xnihc spisil te lumq'uinale. Tal sjinic te q'uinal soc spisil bintic ay tey a, te muc'ul pueblo soc te mach'atic nahinemic tey a, xchihic.

Jeremías 1:14

La yalbon te Jehová: C'alal ta stojol norte ya xmal tal te bin chopol ta stojol spisil mach'atic nahinemic ta q'uinal ini.

Apocalipsis 17:15

Soc hich la yalbon xan te ch'ul a'bat: Te ha'etic la awil te banti hucul te j'antsinel-ants, ha pueblohetic, bayel ants-winiquetic, nacionetic soc c'opiletic.

Apocalipsis 17:1

Tal jtuhl te huqueb ch'ul a'batetic te yich'ojic te huqueb copahetic, hich la yalbon: La', ya ca'bat awil te castigo ya x'a'bot te j'antsinel-ants hucul ta sba ha'etic.

Santiago 5:1

A'iya me awa'iyic, jc'uhlejetic, oc'anic soc awetanic yu'un te wocoletic te ya xtal ta atojolique.

1 Corintios 10:28

Yan teme ay mach'a ya yalbeyex: Ha ini a'bot scuenta milbil mahtanil yu'un te loc'ombahetic, teme xchihe, ma me xawe'ic ta scaj te mach'a hich la yal soc scuenta yu'un ma ba ya x'och na'etel yu'un, como ha yu'un Cajwaltic te bahlumilal soc spisil bintic ay tey a.

1 Corintios 10:26

como ha yu'un Cajwaltic te bahlumilal soc spisil bintic ay tey a.

Nahúm 1:8

Pero hich te bin ut'il snojel ha' ya slajinlan te mach'atic ya xcontrahinot yu'un, ha ya snuts bahel ta yihc'al q'uinal te scontrataque.

Daniel 11:22

Bayel soldadohetic ya yich'ic mesel bahel ta stojol hich te bin ut'il snojel ha', pajal ya yich'ic lajinel soc te príncipal yu'un te chapbil-c'ope.

Jeremías 48:39

¡Oq'uetaya! ¡Ilawil bin ut'il jc'axel laj! ¡Ilawil bin ut'il la sut spat te Moab soc la sta q'uexlal! Te Moab la yich' labanel soc xi'bil yu'un spisil te mach'atic ayic ta sjoyobal.

Jeremías 46:13

Te sc'op Jehová te la yalbe te jalwanej Jeremías sc'oblal te ya xtal te Nabucodonosor ajwalil yu'un Babilonia yu'un ya yochintay te sq'uinal Egipto:

Isaías 59:19

Hich ya xi'ic te sbihil Jehová c'alal ta stojol smahlib c'ahc'al, soc c'alal ta banti ya xloc' tal c'ahc'al ya me yich'ic ta muc' te yutsilale; yu'un hich ya xtal te bin ut'il snojel ha' te ya xtenot bahel yu'un te hu'xiyel yu'un Jehová.

Isaías 28:17

Ya cac' te ha sp'isojibal ya xc'oht te stojil chahpanel, soc ha tojobtesel ta plomo ya xc'oht te bintic toj ta pasel. Ya xmesot bahel ta bat te ahnibal yu'un lot, soc ya xmulot ta ha' te nac'ombahil.

Isaías 22:1

Ha te sc'op jalwanej ta stojol te spamlej yu'un nahalsitil: ¿Bin ut'il ay a te apisilic mohemex ta ba nahetic?

Isaías 15:8

Te oq'uel ay ta sjoyobal sti'il te Moab; chicnaj yahcan c'alal ta Eglaim, chicnaj yaw c'alal ta Beer-elim.

Isaías 14:31

¡Awetan, puertahat! ¡awonan, pueblohat! ¡Uhlan bahel yu'un xiwel, ha'at filisteohat! como ya xtal ch'ahil ta stojol norte, mayuc jtuhluc te ya xloc' ta banti scholoj sbahic.

Salmos 98:7

Ac'a awonuc te mar soc spisil bintic ay tey a, te bahlumilal soc te mach'atic tey nahinemic a.

Salmos 96:11

Tse'eluc me yo'tan te ch'ulchan soc ayuc me yutsil yo'tan te bahlumilal; ac'a awonuc te mar soc spisil bintic ay tey a.

Salmos 50:12

Te ayuc jwi'nal, ma ba ya calbat te ha'ate, como ho'on cu'un te bahlumilal soc spisil bintic ay tey a.

Salmos 24:1

Ha yu'un Jehová te q'uinal soc spisil bintic ay tey a, te bahlumilal soc spisil mach'atic nahinemic tey a;

Jeremías 6:22

Hich yaloj te Jehová: Ilawil, yac ta talel jun pueblo ta q'uinal ta stojol norte, jun muc'ul nación ya xhahch ta sti'il te bahlumilale.

Jeremías 46:12

Te nacionetic ya'iybeyejic sc'oblal te q'uexlal awu'unic, ta spisil q'uinal chican awawic; talel c'axel la sc'ohchin sbahic te soldadohetic, pajal yahlic schebalic, xchi te Jehová.

Jeremías 46:24

Ya xq'uexaw te yantsil-nich'an Egipto; ya x'och ta sc'ab te pueblo ta norte, xchi.