Jeremías 47:1 - Bible in Tzeltal Bachajón

¹ Ha sc'op Jehová te tal ta stojol te jalwanej Jeremías te la yalbe sc'oblal te filisteohetic, te c'alal ma to ba stsaloj a te Gaza te faraón:

Bible in Tzeltal de Oxchuc y Tenejapa

¹ Ja' sc'op Cajwaltic te la yalbey te j'alwanej Jeremías te sc'oplal filisteoetique, te c'alal ma to bay yac'ojbey guerra te lum Gaza te faraón. Jich la yal:

Jeremías 47:1 Referans Kwoze

Jeremías 25:20

soc spisil te jyanlumetic ta yohlilic; spisil te ajwaliletic yu'un te sq'uinal Uz soc spisil te ajwaliletic yu'un te sq'uinal filisteohetic: ha yu'un Ascalón, Gaza, Ecrón soc te mach'atic hilemic ta Asdod;

Génesis 10:19

Te sti'sts'ahcan te cananeohetic hahch ta Sidón, c'ax ta stojol Gerar c'alal Gaza; c'ax ta stojol Sodoma, Gomorra, Adma, Zeboim, c'alal ta Lasa.

1 Reyes 4:24

Como ha scuentahinej te q'uinal ta stojol smahlib c'ahc'al yu'un Éufrates, c'alal Tifsa ha to ta Gaza, spisil te ajwaliletic te ayic ta stojol smahlib c'ahc'al yu'un Éufrates; lamal q'uinal ta sjoyobal.

Isaías 14:29

Apisilic, filisteohex, ma me tse'eluc awo'tanic yu'un te waq'uix te xul te la yehchentesat; como ta slohp' te chan ya xloc' tal ti'awal chan, te sit ya yac' ha c'ahc'al chan te ya xwiluntaywan.

Ezequiel 25:16

ha yu'un hich yaloj te Jehová: Ya jach jc'ab ta scontrahinel te filisteohetic, ya jlajinlan ta jc'axel te cereteohetic soc ya jlajinlan te mach'atic ya xhilic ta sti'il mar.

Joel 3:4

¿Bin cochelex a, Tiro, Sidón, soc spisil sq'uinal Filistea? ¿Ya bal ac'an yac asutbonic spacol? Teme yac asutbonic spacol, ho'on ya cac' c'ohtuc ta atojolic ta ora te bin yac apasique.

Ezequiel 25:15

Hich yaloj Jehová, te Ajwalil: Te filisteohetic, te bin ut'il la spac' sc'abalic, te la spasic soc xut'et slab yo'tanic, te la sjinticlanic ta scuenta te namey scontrahinej sbahique;