Jeremías 46:6 - Bible in Tzeltal Bachajón

⁶ Ma xhu' ya x'ahn bahel te mach'a tulan ya xhu' yu'un ahnimal, ma xhu' ya xloc' bahel ta ahnel te mach'a ay yip. Ta norte, ta sts'ehl te muc'ul-ha' Éufrates la sc'ohchin sbahic soc yahlic cohel.

Bible in Tzeltal de Oxchuc y Tenejapa

⁶ Ma xju' yu'unic anel te mach'atic ya x'animajique; ma xju' scoltay sbaic loq'uel te mach'atic tulanique. Ta norte, ta sts'eel muc'ja' Éufrates, ja' nix la sc'ojch'in sbaic, jich yalic.

Jeremías 46:6 Referans Kwoze

Daniel 11:19

Patil ya suht bahel ta ahnibaletic yu'un ta slumal, pero ya sc'ohchin sba soc ya xyahl cohel, ma ba ya xtahotix.

Jeremías 46:12

Te nacionetic ya'iybeyejic sc'oblal te q'uexlal awu'unic, ta spisil q'uinal chican awawic; talel c'axel la sc'ohchin sbahic te soldadohetic, pajal yahlic schebalic, xchi te Jehová.

Jeremías 50:32

Te mach'a toyba ya me sc'ohchin yoc soc ya me xyahl, mayuc mach'a ya xhahchot yu'un. Ya me ca'be sc'ahc'al te pueblohetic yu'un, ya me jlajin ta c'ahc' spisil sjoyobal, xchi.

Jeremías 46:16

Bayel buelta yahlic, jujutuhl yahl ta sba te yane; hich la yalic: ¡Hahchan! suhtucotic bahel ta jlumaltic, ta banti ayinotic, ahnucotic bahel ta stojol te espada te ya xtsalawan, xchihic.

Jeremías 46:10

Pero ha sc'ahc'alel yu'un Jehová, te Dios te scuentahinej spisil, ha sc'ahc'alel yu'un castigo, yu'un ya'beyel spacol te scontratac. Ya x'ehchenteswan te espada ha to c'alal ya xc'ax yo'tan, ha to c'alal ya xch'ay staquinti'il yu'un te ch'ich'e. Como ha milbil mahtanil ya xc'oht yu'un Jehová, te Dios te scuentahinej spisil, ta q'uinal ta norte, ta sti'il te muc'ul-ha' Éufrates.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Jeremías 20:11

Pero Jehová sjoquinejon hich te bin ut'il mach'a bayel yip te ya stsalawan ta guerra; ha yu'un te mach'atic ya yuts'inonic ya me xyahlic, ma ba ya stsalonic; ya me stahic bayel q'uexlal, mayuc bintic ya xhu' yu'unic; stalel pehc'ambil ya xhilic, mayuc bin ora ya xch'ay ta o'tanil.

Jeremías 6:1

¡Ahnanic bahel, sts'umbalex Benjamín, ahnanic loq'uel ta Jerusalén! ¡Oq'uesinahic corneta ta Tecoa, toyahic mohel señahil ta Bet-haquerem! como ay bin chopol ya xtal ta stojol norte, ya xtal muc'ul jinel.

Jeremías 4:6

¡Toyahic te bandera ta stojol Sión, ahnanic, ma me xacom abahic! Como ya xbaht quic' tal ta stojol norte tulan wocol soc muc'ul jinel.

Jeremías 1:14

La yalbon te Jehová: C'alal ta stojol norte ya xmal tal te bin chopol ta stojol spisil mach'atic nahinemic ta q'uinal ini.

Isaías 8:15

Bayel mach'atic ya sc'ohchinic, ya xyahlic soc ya xjihnotic; ya yich'ic chuquel, tsacbil ya xhilic, xchi.

Eclesiastés 9:11

Ay yan bin la jquil ta ye'tal ch'ulchan: Te tsalaw ma ha'uc yu'un te mach'a ya xhu' yu'un ahnimal, o te tsalaw te guerra ma ha'uc yu'un te mach'atic ay yipic, te we'elil ma ha'uc yu'un te mach'atic p'ij yo'tanic, o te c'ulejalil ma ha'uc yu'un te mach'atic ay snopojibal yu'unic, o te lec ta o'tanil te mach'atic p'ijubenic; como ya sta yorahil soc ay bintic ya xc'oht ta stojol spisilic.

Salmos 27:2

Te c'alal hahch scontrahinon te mach'atic chopol yo'tanic, te mach'atic ya ya'bonic jwocol soc te jcontratac, yu'un ya slajimbonic jbaq'uetal, la sc'ohchin yoquic soc yahlic.

Daniel 11:22

Bayel soldadohetic ya yich'ic mesel bahel ta stojol hich te bin ut'il snojel ha', pajal ya yich'ic lajinel soc te príncipal yu'un te chapbil-c'ope.

2 Reyes 23:29

Ta hich ora te faraón Necao ajwalil yu'un Egipto mo bahel ta muc'ul-ha' Éufrates ta ya'beyel guerra te ajwalil yu'un Asiria. Te ajwalil Josías loc' tal ta a'beyel guerra; pero te Necao, c'alal la yil te Josías, la smil ta Meguido.

2 Reyes 24:7

Te ajwalil yu'un Egipto mayuc bin ora te loq'uix bahel ta sq'uinal como te ajwalil yu'un Babilonia la yich'be spisil te sq'uinal c'alal ta uc'um yu'un Egipto ha to ta muc'ul-ha' Éufrates.