Jeremías 45:5 - Bible in Tzeltal Bachajón

⁵ ¿yu'un bal ha'at yac ale te muc' ac'oblal ya xc'ohat? ¡Ma me xale! como ya me cac' taluc bin chopol ta stojol spisil mach'atic cuxajtic, xchi te Jehová; pero te ha'ate ya cac' te cuxul ya xhilat bayuc ya xbahat, xchi.

Bible in Tzeltal de Oxchuc y Tenejapa

⁵ Teme ay bi yan yilel te ya ac'ane, ma me x'ac'anbon, melel ya jticun tel tulan woclajel ta stojol spisil mach'atic ch'ich'-baq'uet. Ja'uc me to, te ja'ate ya me cac' te ya acanantay aba soc acuxlejal bayuc ya xbaat. Jo'on Ajwalilon, jich ya cal”, xi' sc'op Cajwaltic ta atojol —xi' te Jeremiase.

Jeremías 45:5 Referans Kwoze

Jeremías 39:18

Ya cac'at ta libre, ma ba ya xlajat ta espada, ha pojbil ta guerra ya xc'oht acuxlejal, como la smuc'ulinon awo'tan, xchi te Jehová.

Hebreos 13:5

Ma me xbaht ta awo'tanic sbic'sitayel taq'uin, junuc me awo'tanic yu'un te bin ay awu'unic, como hich yaloj te Diose: Ma jaymehl ya jpihtesat; mayuc bin ora ya quihquitayat, xchi.

Jeremías 21:9

Te mach'a ya xhil ta pueblo ini ya me xlaj ta espada, ta wi'nal, o ta jmilawal-chamel; yan te mach'a ya xloc' bahel soc ya yac' sba ta sc'ab te caldeohetic te yac sjoytaybelexe, ya me xcuxaj; hich ya xcol te scuxlejale.

Romanos 12:16

Junuc me awo'tan abahic. Ma me xatoy abahic, joquinahic te mach'atic peq'uel ayique. Ma me p'ijuc xacuy abahic.

Jeremías 25:26

spisil te ajwaliletic ta stojol norte, te nopol ayic soc namal ayic, ta tuhlultuhl, spisil te ajwaliletic te ayic ta bahlumilal. Ta slajibal ya me yuch' te ajwalil yu'un Babilonia.

Sofonías 3:8

Ha yu'un mahliyawonic, xchi te Jehová, te bin c'ahc'alil ya xhahch jchahpanex, como jnopoj te ya jtsob te nacionetic, te ya jtsobticlan ban c'alal cuentahimbilic yu'un ya jmal cohel ta stojolic te quilimba, spisil te sc'ahc'al te quilimbahe; te sc'ahc'al te xut'et co'tan ya slajin spisil te q'uinale.

Jeremías 38:2

Hich yaloj te Jehová: Te mach'a ya xhil ta pueblo ya me xlaj ta espada, ta wi'nal o ta jmilawal-chamel; yan te mach'a ya xc'ax bahel ta stojol te caldeohetic, ya xcuxaj. Te scuxlejal hich ya xc'oht te bin ut'il bin pojbil ta guerra, cuxul ya xhil, xchi.

2 Reyes 5:26

Pero hich la yal te Eliseo: ¿Ma bal teyuc ay co'tan a te c'alal co ta scarreta te winic yu'un tal stahat? ¿Yorahil bal ta ich'el plata soc c'u'uletic, olivohetic, ts'usubiletic, tuminchijetic, wacaxetic soc a'bat ants-winiquetic?

Génesis 6:12

Dios la yil te c'ax bohlob te bahlumilal, yu'un ta spisilic bohlobtesbil yu'unic bintic la spasic ta q'uinal.

Isaías 66:16

Como te Jehová ya schahpan soc c'ahc' soc espada spisil ants-winiquetic; bayel mach'atic ya xlajinotic yu'un te Jehová.

1 Reyes 3:9

A'beya sp'ijil yo'tan te a'bat awu'un scuenta schahpanel te pueblo awu'un soc ta stsahtayel te bin lec soc te bin ma lecuque. Como ¿mach'a ya xhu' yu'un scuentahimbel te muc'ul pueblo awu'un ini? xchi.

1 Reyes 3:11

Te Dios hich la yalbe: Te bin ut'il hich la ac'ambon, te ma ha'uc la ac'ambon naht acuxlejal, ma ba la ac'ambon ac'ulejal, o ma ba la ac'ambon slajel te acontratac, ha la ac'ambon sp'ijil awo'tan ta schahpanel c'op,

Salmos 131:1

Jehová, ma ba ya stoy sba co'tan, ma ba toyba ya yac' sba te jsite; ma ba ay ta co'tan te bintic muc' sc'oblal, o te bintic c'ax toyol sc'oblal.

Jeremías 25:31

Te yip sc'op ya xc'oht c'alal ta sti'il te bahlumilal, como te Jehová ya yich' ta c'op te nacionetique; ya xhahch schahpan spisil ch'ich'-baq'uet, soc ya yac' lajuc ta espada te mach'atic chopolic, xchi te Jehová.

Jeremías 25:15

Hich la yalbon te Jehová, te Dios yu'un Israel: Tsacbon ta jc'ab te copa nojel ta vino yu'un quilimba, a'beya yuch'ic spisil te nacionetic te banti ya jticonat bahele.

Jeremías 25:16

Ya me yuch'ic, xhanlajanic soc ya sohc sjolic ta scaj te espada ya jticon talel ta stojolic, xchi.