Jeremías 44:7 - Bible in Tzeltal Bachajón

⁷ Ha yu'un, hich yaloj te Jehová te scuentahinej spisil, te Dios yu'un Israel: ¿Bin yu'un te ha'ex nix yac awac' taluc ta atojolic te bin chopol te c'ax muc', ha te ya xlajic winiquetic, antsetic, ach'ix-queremetic soc tut alaletic ta Judá, te mayuc mach'a ya xhil awu'unique?

Bible in Tzeltal de Oxchuc y Tenejapa

⁷ “Jich yu'un, te jo'on Ajwalilon te Spisil ya xju' cu'un, te Dioson yu'un Israel, ya cal: ¿Bistuc ja'ex nix ya aleic atuquelic te bila muc' te amen ya xtal ta atojolique? ¿Bistuc ya apasic te ya xlaj spisil te mach'atic jilemic xan ta Judá, winiquetic, antsetic, alaletic soc asta te ayinelic toe, te ni jtul ma xjiliquix ta jyalel?

Jeremías 44:7 Referans Kwoze

Habacuc 2:10

Ta scuenta te snopojibal awu'un la awac' ta q'uexlal te ana, la ajinticlan bayel pueblohetic soc la ata amul ta scontrahinel acuxlejal.

Jeremías 51:22

Ha'at ta acuenta ya jlajinlan winiquetic soc antsetic, ha'at ta acuenta ya jlajinlan mamaletic soc alaletic, ha'at ta acuenta ya jlajinlan queremetic soc ach'ixetic.

Números 16:38

te schic'ojibal pometic yu'un te winiquetic lajemiquix ta scaj te smulique. Pasahic ta jayal lehchel taq'uin yu'un ya yich' potsel a te scajtajib ta chiq'uel mahtanil, como la stuhunic ta stojol Jehová, hich ch'ultesbil c'ohtic. Ha seña ya xc'oht ta stojol te snich'nab Israel, xchi.

Ezequiel 33:11

Hich me xawalbe: Ho'on cuxulon, xchi te Jehová te Ajwalil, ma jc'an te ya xlaj te mach'a chopol, ha ya jc'an te ya yihquitay hilel te be yu'un soc te ya xcuxaj. ¡Ihquitayahic, ihquitayahic te chopol behetic awu'unic! ¿Bin yu'un te ya xlajex, snahex Israel? xchihat.

Lamentaciones 2:11

Ya xlaj yip jsit yu'un te oq'uele, ya syuc' sba ya ca'iy te jch'uhte; ya xmal cohel jch'a ta lum ta scaj te la yich'ix jinel te pueblo cu'une; te alaletic soc te chu'alaletic yaquic ta lajel ta callehetic yu'un te pueblo.

Jeremías 44:14

Te mach'atic hilemic ta Judá te ochic bahel ta nahinel ta sq'uinal Egipto mayuc mach'a ya xloc' ta ahnel o te cuxul ya xhil te ya suht tal ta sq'uinal Judá, te banti yo'tanuc ya xnahinic; ma ba ya suhtic bahel; ha nax cha'oxtuhl te ya x'ahnic loq'uel, xchi.

Jeremías 9:21

como te lajel mohemix tal ta ventanahetic cu'untic soc ochemix talel ta nahetic yu'un ajwalil cu'untic, yu'un ya slajinlan te alaletic ta callehetic soc te jcolel queremetic ta plazahetic.

Jeremías 7:19

¿Ho'on bal te ya shachbonic quilimba? ¿Ma bal ha'uquic nix te ya yac' sbahic ta q'uexlal?

Proverbios 15:32

Te mach'a mayuc scuentahil ta yo'tan te tojobtesel ha nix ya sp'aj sba, yan te mach'a ya ya'iy te tojobtesel ya sta sp'ijil yo'tan.

Proverbios 5:22

Te mach'a chopol ha nix ya stsacot yu'un te sbohlile; ha nix ya xchucot yu'un te slazohil te smule.

1 Samuel 15:3

Ha yu'un bahan, a'beya guerra te Amalec, jc'axel lajina spisil bintic ay yu'un, ma me xana'be yo'bolil sba; milticlana winiquetic, antsetic, alaletic soc tut alaletic te ya to xchu'unic, soc nix wacaxetic, tuminchijetic soc tentsunetic, camellohetic soc burrohetic, xchi.

Jueces 21:11

Pero hich me yac apasic: ya me amilic spisil winiquetic soc spisil antsetic te ma ach'ixuquix, xchihic.

Josué 6:21

La smilic ta espada spisil bintic ay ta pueblo: winiquetic, antsetic, alaletic soc me'el mamaletic, soc wacaxetic, tuminchijetic, tentsunetic soc burrohetic.

Deuteronomio 32:25

Ta fuera ya me xlajic ta espada, ta yutil nahnatic ya x'ayin xiwel; ya xlajic querem soc ach'ix, chu'alal soc mach'a saquix sjol.

Jeremías 44:8

¿Bin yu'un yac awac' ilinucon yu'un te ya'tel ac'abic, ha te yac awa'beyic pom te yantic diosetic ta sq'uinal Egipto ta banti talemex ta nahinel, te yac alehic ajihnelic, te ya xc'atp'ujex ta bin chopol sc'oblal soc ta bin p'ajbil ta stojol spisil te nacionetic ta bahlumilal?

Jeremías 42:20

¿Bin yu'un la alo'loy abahic? Ha'ex nix la aticononic ta stojol Jehová te Dios awu'unic, te hich la awalic: C'opombotic Jehová te Dios cu'untic, soc a'botcotic jna'cotic spisil te bin ya yal te Jehová te Dios cu'untic, hich me ya jpascotic, xchihex.

Jeremías 26:19

Te Ezequías ajwalil yu'un Judá, soc spisil Judá, ¿la bal smilic te Miqueas? ¿Ma bal ha'uc la yich' ta muc' te Jehová soc la sc'ambe te lecuc yo'tan ta stojol? ¿Ma bal lajuc sut sc'op te Jehová yu'un te bin chopol yaloj te ya spasbe? ¿Ya bal cac' taluc ta jtojoltic te bin c'ax chopole? xchihic.

Jeremías 25:7

Pero ma ba la awa'iybonic te jc'ope, xchi te Jehová, la awac' ilinucon ta scaj te bin la apas ta ac'abic, te hich tal te bin chopol ta atojolique.

Proverbios 8:36

Pero te mach'a ya sta smul ta jtojol, ya ya'be sba swocol, spisil te mach'atic ya sp'ajonic ha c'ux ta yo'tanic te lajele, xchi te P'ijil-o'tanile.

Proverbios 1:18

Pero te winiquetic ini ha'ic nix ya smacliyic sch'ich'elic, ha'ic nix ya smil sbahic.

1 Samuel 22:19

Soc te Saúl la smilticlan ta espada te mach'atic ayic ta Nob, ha te pueblo yu'un te sacerdotehetic: ha winiquetic, antsetic, alaletic soc tut alaletic te chu'ic to, soc wacaxetic, burrohetic soc tuminchijetic, spisil la smilticlan ta espada.

Jeremías 3:24

Te loc'ombahetic te q'uexlaltic sba la slajimbeyic sit ya'tel te jme'jtatic, c'alal ta jqueremiltic: ha te tuminchijetic soc wacaxetic, te queremetic soc ach'ixetic yu'unic.

Lamentaciones 2:22

La awic'ticlan tal ta bayuc te jcontratac, hich te bin ut'il ta sc'ahc'alel q'uin. Ta sc'ahc'alel yilimba Jehová mayuc mach'a col, mayuc mach'a cuxul hil. Te mach'atic la jcoltes soc te la jcanantay, ¡lajinot yu'un te jcontrahe!

Jeremías 25:6

Ma me xat'unic bahel yantic diosetic yu'un yac awac' abahic ta a'batinel yu'unic soc yac ach'uhuntayic; soc ma me xawac' ilinucon ta scaj ya'tel ac'abic. Hich mayuc bin chopol ya jpasbe, xchihic.

Jeremías 38:17

Ha yu'un te Jeremías la yalbe Sedequías: Hich yaloj te Jehová te scuentahinej spisil, te Dios yu'un Israel: Teme yac awac' aba ta sc'ab te príncipaletic yu'un te ajwalil yu'un Babilonia, hich ya xcuxajat soc te mach'atic ay awu'un, soc ma ba ya yich' chiq'uel te pueblo ini.

Ezequiel 9:6

Milticlanahic mamaletic, queremetic, ach'ixetic, alaletic soc antsetic, pero ma me xawuts'inic te mach'atic yich'oj te señahe. Ya me xhahchex ta ch'ul awilal cu'un, xchi. Ha yu'un nahil hahchic ta banti ay te mamaletic ta stojol te templo.