Jeremías 44:6 - Bible in Tzeltal Bachajón

⁶ Ha yu'un mal cohel ta stojolic te quilimba soc te sc'ahc'al co'tan, soc tihl ta stojol te pueblohetic yu'un Judá soc ta callehetic ta Jerusalén. Hich jihnic soc jochol hilic c'alal ora ini.

Bible in Tzeltal de Oxchuc y Tenejapa

⁶ Jich yu'un, te quilimba til jajch'el jichuc c'ajc' ta lumetic ta Judá soc ta calleetic ta Jerusalén. Jinic jilel, jojch'ajic ta jc'axel asta c'alal ora yo'tic.

Jeremías 44:6 Referans Kwoze

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Ezequiel 8:18

Ha yu'un ya me x'a'tejon soc sc'ahc'al quilimba; ma ba ya jpasbe perdón, ma ba ya jna'be yo'bolil sbahic. Aunque tulan ya x'awonic ta jchiquin, ma ba ya ca'iybe sc'opic, xchi te Jehová.

Jeremías 42:18

Hich yaloj te Jehová te scuentahinej spisil, te Dios yu'un Israel: Hich te bin ut'il mal cohel te quilimba soc sc'ahc'al co'tan ta stojol te mach'atic nahinemic ta Jerusalén, hich ya xmal cohel ta atojolic te c'alal ya xbahex ta Egipto. Ha te bin wocol soc te bin xiweltic sba ya xc'ohex, te bin ac'bil ta lajel soc te bin p'ajbil; mayuc bin ora ya suhtex tal ta lugar ini, xchi.

Jeremías 21:5

Ho'on jachoj jc'ab ta ya'beyelex guerra soc yip jc'ab, soc quilimba soc smuc'ul sc'ahc'al co'tan.

Jeremías 7:34

Ya cac' te ya xquehchaj ta pueblohetic yu'un Judá soc ta callehetic yu'un Jerusalén te sc'op yutsil q'uinal soc tse'el-o'tanil, te sc'op te mamalalil soc sc'op ihnamil, como jochol ya xc'oht te q'uinale, xchi te Jehová.

Isaías 51:20

Tup' yiq'uic te awalatac, metsajtic ta jujuxuhc callehetic, hich te bin ut'il ha'mal chij te ochem ta yaquil. Nojelic ta yilimba te Jehová, nojel ta spisil te utel yu'un te Dios awu'une.

Isaías 51:17

Wic'a asit, wic'a asit, hahchan, Jerusalén, ha'at te la awuch'be yilimba ta copa te ay ta sc'ab te Jehová, te la awuch' spisil te copa te ya yac' te xhanlajanic ya xbehenic yu'une.

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

Nahúm 1:2

Te Jehová, ha Dios te ay xut'et yo'tan soc te ya yac' spacol; te Jehová ya ya'be spacol soc ay bayel yilimba; ya ya'be spacol te mach'atic ya xcontrahinot yu'un soc ya yilintay te scontrataque.

Daniel 9:12

Ha la sc'ohtes ta pasel te bin la yal ta jtojolcotic soc ta stojol te jcuentahinwanejetic cu'uncotic, ha te la yac' tal ta jtojolcotic bayel wocol; mayuc hich c'ohem ta pasel ta ye'tal ch'ulchan te bin ut'il c'oht ta stojol Jerusalén.

Ezequiel 24:13

Te abohlil ha te bin chopol yac amulan. La jc'an la jpocat pero ma ba pocbil c'ohat yu'un abohlil; ma ba pocbil ya xc'ohat ha to c'alal ya xc'ax co'tan te quilimba ta atojol.

Ezequiel 24:8

Scuenta yu'un ya xtohy xan ilinel, scuenta yu'un yaq'uel spacol, ya cac' ta sba ch'ulul ton te sch'ich'ele, scuenta yu'un ma ba ya yich' muquel a.

Ezequiel 20:33

Ho'on cuxulon, xchi te Jehová, te Ajwalil, ya jcuentahinex ta scuenta yip jc'ab soc te hachbil jc'ab, soc ta scuenta quilimba.

Ezequiel 6:12

Te mach'a namal, ay ya xcham ta jmilawal-chamel; te mach'a nopol ay, ya xlaj ta espada; te mach'a cuxul ya xhil, ya xcham ta wi'nal. Hich me ts'acal ya xc'oht te quilimba ta stojolique.

Ezequiel 5:13

Hich ya xlaj te quilimba, ya cac' c'ohtuc ta stojolic te sc'ahc'al co'tan, hich ya xlahmaj a. Hich me ya sna'ic a te ho'on Jehovahon c'opojonix soc xut'et co'tan, c'alal ya jts'acaytes ta stojolic te quilimbahe.

Jeremías 36:7

Ya wan xc'oht ta stojol Jehová te bin ya yalic wocol yu'un, soc jujutuhl ya wan yihquitayic hilel te chopol be yu'unique; como muc' te yilimba soc sc'ahc'al yo'tan te Jehová te ya xhul ta stojol te pueblo ini, xchi.

Jeremías 21:12

Sts'umbalex David, hich ya yal te Jehová: Stojil me xawa'iyic chahpanwanej ta sab, ac'ahic ta libre te mach'a tembil yu'un te j'uts'inwanej, scuenta yu'un ma ba ya xloc' talte quilimba hich te bin ut'il c'ahc'te ya xtihl te mayuc mach'a ya xhu' yu'un stup'el, ta scaj te chopol awa'telique.

Jeremías 4:4

Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Levítico 26:31

Jc'axel jochol ya xhil cu'un te pueblohetic awu'unic, ya jimbeyex te ch'ul awilaletic awu'unic soc ma ba ya jsic'be sumumal yic' te lequil perfume awu'unique.

Isaías 1:7

Jihnemix te aq'uinal, lajic ta chiq'uel te pueblohetic awu'unic; ta asitic la swe'beyex te ts'unub awawalic te jyanlumetic, jihnem, hich te bin ya yich' jinel yu'un jyanlumetic.

Jeremías 4:27

Hich la yal te Jehová: Spisil te q'uinal ya me yich' jinel, pero ma ba ya jin ta jc'axel.

Jeremías 7:17

¿Ma bal awilojuc te bintic ya spasic ta pueblohetic yu'un Judá soc ta callehetic ta Jerusalén?

Jeremías 34:22

Ya cal mandar, xchi te Jehová, soc ya cac' te ya suhtic tal ta pueblo ini. Ya me ya'beyic guerra, ya me yu'untayic soc ya me ya'beyic sc'ahc'al. Soc ya cac' te ya xlaj te pueblohetic yu'un Judá, mayuc mach'a ya xhil ta nahinel tey a, xchi.

Lamentaciones 1:13

C'alal ta toyol la sticon tal c'ahc' te och c'alal ta jbaquel; la slimbon jyacol ta coc, la yac' suhton bahel ta jpat; jimbil la yihquitayon hilel, spisil ora c'ux ya ca'iy.

Ezequiel 20:34

Ya jloq'uesex tal ta yohlil te pueblohetic soc ya jtsobex tal ta q'uinaletic te banti puhquemex bahel ta scuenta yip jc'ab soc te hachbil jc'ab soc ta scuenta sc'ahc'al te quilimba;

Zacarías 1:2

Bayel ilinem Jehová ta stojol ame'atatic.

Zacarías 7:14

ha la jpucticlan bahel ta sutu-ic' ta stojol spisil te nacionetic te ma ba sna'beyejic sbahe. Jimbil hil te q'uinal c'alal ihquitayot yu'unic, mayuc mach'a xtal xc'ax tey a; hich la sc'atp'unic ta jochol taquin q'uinal te t'ujbil q'uinale, xchi.

Jeremías 8:3

Ya slehic slajelic, ma ha'uc scuxlejalic, spisil te mach'atic cuxul ya xhilic yu'un te jcaj ts'umbalil ini te chopol yo'tanic, ta spisil banti ya jpucticlan bahel, xchi te Jehová te scuentahinej spisil.

Jeremías 44:22

Te Jehová ma ba cuhchix yu'un te schopolil awa'telic soc te bintic ilobtic sba te la apasique; ha yu'un te jihnemix te aq'uinalic, te sutp'ij ta bin xiweltic sba soc ta bin chopol c'oblalil, te mayuquix mach'a nahinemic tey a, hich te bin ut'il ay c'alal ora ini.

Lamentaciones 1:1

¡Mero stuquel hil te Jerusalén, te nojel ta ants-winiquetic ta nahil to! Te mach'a muc' ta yohlil te nacionetic hich c'ohem te bin ut'il me'ba' ants; te ants ich'bil ta cuenta ta jsehpelsehp q'uinal ochix ta mosohil.

Lamentaciones 5:18

ta scaj te wits Sión te jochol hilem, soc ya xbehenix waxetic tey a.

Zacarías 1:6

Pero te c'opetic soc te mandariletic cu'un te la jcalbe ta mandar te jalwanejetic te a'batetic cu'un, ¿ma bal la stahic te ame'atatique? Ha yu'un la suhtes yo'tanic te ame'atatic, hich la yalic: Te Jehová te scuentahinej spisil hich la spasbotic te bin ut'il la sc'an te behetic soc te a'teliletic cu'untique, xchihic.