Jeremías 44:4 - Bible in Tzeltal Bachajón

⁴ Bayel buelta la jticonlan ta atojolic spisil te jalwanejetic, te a'batetic cu'un, te hich la yalic: ¡Ma me xapasic te bin ilobtic sba ini te p'ajbil cu'un! xchihon.

Bible in Tzeltal de Oxchuc y Tenejapa

⁴ La jticun bayal buelta te j'alwanejetic te abatetic cu'une, yu'un ya yalbeyex te manchuc ya apasic te bitic c'ax amen te ya quilaye.

Jeremías 44:4 Referans Kwoze

Jeremías 26:5

teme ma ba yac awa'iybeyic sc'op te jalwanejetic, te a'batetic cu'un te bayel buelta la jticombeyex tal, te ma ba la awa'iybeyic te sc'opique,

Jeremías 7:25

c'alal bin ora loq'uic tal ta Egipto te ame'atatic c'alal yo'tic. Bayel buelta la jticonlambeyex spisil te a'batetic cu'un, ha te jalwanejetique.

Jeremías 7:13

Yo'tic, te bin ut'il hich apasojic spisil ini, xchi te Jehová, soc te bin ut'il la jc'oponlanex, pero ma ba la awa'iyic, soc la jquiq'uex, pero ma ba la ajac'bonic,

Zacarías 7:7

¿Ma bal ha'uc ini te c'opetic la yal te Jehová ta scuenta te nahil jalwanejetic, te c'alal ay mach'atic nahinemic ta Jerusalén soc te lamal q'uinal a, soc te ay mach'atic nahinemic a ta pueblohetic yu'un ta sjoyobal soc te Neguev soc te Sefela?

Ezequiel 16:47

Ma ha'uc nax at'unoj te behetic yu'unic soc apasoj te bintic ilobtic sba yu'unic, ma tic'uc la awa'iy a, ora nax c'ax hich chopol la apas a te bin ut'il la spas stuquelic.

Ezequiel 8:10

Ha yu'un ochon bahel, la jquil ta bayuc ta ts'ahc bombil ta lop'tayel spisil ta chahp te chambahlametic staslajan ya xbehenic ta lum soc yantic chambahlametic te bohloben sc'oblalic, soc spisil ta chahp te loc'ombahetic yu'un te sna Israel.

Jeremías 29:19

Como ma ba la ya'iybonic jc'op, xchi te Jehová, te bayel buelta la jticombe ta scuenta te a'batetic cu'un, ha te jalwanejetique. Ha nix hichex, ma ba la awa'iybonic te jc'ope, xchi te Jehová.

Jeremías 16:18

Nahil ya ca'be stojic cheb buelta yu'un te schopolilic soc te smulique, como la sbohlobtesbonic sc'oblal te jq'uinal ta scuenta te pujajtic sloc'ombahic te ihlaybilic, soc la snojesic te jq'uinal ta bintic ilobtic sba yu'unic, xchi te Jehová.

2 Crónicas 36:15

Te Jehová te Dios yu'un te sme'stat spisil ora la sc'oponlan ta scuenta te jal-c'opetic yu'un, como ay sc'uxul yo'tan ta stojol te pueblo yu'un soc te Templo yu'une.

1 Pedro 4:3

Tic'uquix a te yorahil te c'axix awu'unic ta spasel te bin ya smulanic spasel te mach'atic ma ba ya sna'be sba te Diose, ha te ma q'uexlalil, chijil-o'tanil, yacubel, pas-q'uin, yac'oltayel q'uinal, soc sch'uhuntayel lotil diosetic te ihlaybilique.

Ezequiel 16:36

Hich ya yal te Jehová, te Ajwalil: Te bin ut'il watal c'ohat yu'un te antsinel awu'un soc te chicnaj aq'uexlal ta stojol te mach'atic ya smulanat soc ta stojol te loc'ombahetic awu'un te ilobtic sbahic, soc te la awa'be sch'ich'el te awalataque,

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.

Jeremías 32:33

La yac' spatic ta jtojol, ma ha'uc te yelawique. Aunque ta shahchibal to tal la jca'be snopic, ma ba la ya'iyic soc ma ba la sc'anic tojobtesel.

Jeremías 32:34

La yaq'uic bintic ilobtic sba ta na te yich'oj te jbihile, hich la sbohlobtesbeyic sc'oblal.

Jeremías 32:35

La spasbeyic toyol awilaletic yu'un Baal ta sjuclej yu'un Ben-hinom, yu'un ya yaq'uic scuenta chic'bil mahtaniletic te queremetic soc ach'ixetic yu'unic ta stojol Moloc, ha te bin ma ba la jpas ta mandar. ¡Mayuc banti tal ta co'tan te hich ya spasic te bin c'ax ilobtic sba, te hich ya ya'be sta smul a te Judá!

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

Daniel 9:6

Ma ba la jquich'cotic ta cuenta te jalwanejetic te a'batetic awu'un te c'opojic ta scuenta abihil ta stojol te ajwaliletic, te príncipaletic, jme'jtatcotic soc spisil te pueblo yu'un te q'uinale.

Nehemías 9:30

Bayel ha'bil cuhch awu'un, soc la atsits ta scuenta te espíritu awu'un ta scuenta te jalwanejetic awu'un, pero ma ba la sc'an la ya'iyic. Ha yu'un la awa'be ta sc'ab te nacionetic ta q'uinal.

Nehemías 9:34

Te ajwaliletic cu'uncotic, príncipaletic, sacerdotehetic soc te jme'jtatcotic ma ba la sc'ohtesic ta pasel te Ley awu'un, soc ma ba la yich'ic ta cuenta te mandariletic soc te testigo-c'op te la atsitsticlan a.

Jeremías 7:17

¿Ma bal awilojuc te bintic ya spasic ta pueblohetic yu'un Judá soc ta callehetic ta Jerusalén?

Jeremías 7:18

Te al-nich'anetic ya stsobic tal si', te tatiletic ya stsunic c'ahc', te antsetic ya swots'ic harina yu'un spasbeyel tut panetic te ajwalil-ants yu'un ch'ulchan; soc ya ya'beyic malbil mahtaniletic yantic diosetic, yu'un ya shachbonic quilimba a.

Ezequiel 18:31

Ch'oja bahel spisil te bintic ac'axuntayejic te la atahic mulil yu'une, pasahic ta yach'il te awo'tanic soc yach'il espíritu awu'unic. ¿Bin yu'un ya xlajat, pueblo Israel?