Jeremías 44:3 - Bible in Tzeltal Bachajón

³ ta scaj te bintic chopol la spasic, te la yac' ilinucon yu'un, ha te la ya'beyic smahtanin pom soc la sch'uhuntayic yantic diosetic te ma ba sna'beyejic sba, ni ha'uquex ni ha'uc te ame'atatique.

Bible in Tzeltal de Oxchuc y Tenejapa

³ ta scaj te bila amen la spasique. La yac' ilinucon yu'un te la xch'uunic lotil diosetic soc la yac'beyic pom; te lotil diosetique, ni ja'ic, ni ja'ex, ni te antiguo ame'-atatique, ma'yuc ta awo'tanic ta neelal to.

Jeremías 44:3 Referans Kwoze

Deuteronomio 29:26

baht yac' sbahic ta a'batinel yu'un yantic diosetic, la squejan sbahic ta stojol diosetic te ma ba la sna'beyic sba soc te mayuc bin a'botic yu'unic.

Deuteronomio 32:17

La ya'beyic milbil smahtan pucujetic, ma ha'uc te Diose, ha diosetic te ma ba sna'beyejic sba, ha diosetic te ach' to nax chicnaj, te ma ba ich'bilic ta muc' yu'un te ame'atatique.

Deuteronomio 13:6

Teme abanquil o awihts'in, aquerem-nich'an, awantsil-nich'an, awihnam o awamigo te mero jun awo'tan aba soc, teme hich ya sjucat ta muquen: Conic, ya jch'uhuntic yantic diosetic te ma xana'be sba ni ha'uc te ame'atatic la sna'beyic sba,

Daniel 9:5

La jta jmulcotic, la jpascotic te bintic chopol, la jpascotic te bin ma lecuc, la jtoy jbahcotic soc la jquihquitaycotic hilel te mandariletic awu'un soc te bin awaloj ta mandar.

Jeremías 44:8

¿Bin yu'un yac awac' ilinucon yu'un te ya'tel ac'abic, ha te yac awa'beyic pom te yantic diosetic ta sq'uinal Egipto ta banti talemex ta nahinel, te yac alehic ajihnelic, te ya xc'atp'ujex ta bin chopol sc'oblal soc ta bin p'ajbil ta stojol spisil te nacionetic ta bahlumilal?

Nehemías 9:33

Pero te ha'at, toj awo'tan yu'un spisil te bintic c'oht ta jtojolcotic; como toj bin la apas, yan te ho'otcotic chopol bin jpasojcotic.

Ezequiel 9:9

Hich la yalbon: C'ax muc' te schopolil te sna Israel soc Judá; te q'uinal nojel ta smalel ch'ich' soc te pueblo nojel ta bin chopol; como hich yalojic: Te Jehová la yihquitayix hilel te q'uinal, ma ba ya yil, xchihic.

Lamentaciones 4:13

Ha ta scaj smulic te jalwanejetic soc te schopolil te sacerdotehetic yu'unic, te tey nix ta yohlil te Jerusalén la smalbeyic sch'ich'el te mach'atic toj yo'tanic.

Lamentaciones 1:8

Jerusalén bayel stahoj smul, ha scuentahil te bohlob sc'oblal; spisil te mach'atic la yich'ic ta muc' ya sp'ajiquix, como watal la yilic; ya x'ahcanaj, ya sut bahel sit ta spat.

Jeremías 22:9

Hich ya xjac'botic: Como la yihquitayic hilel te chapbil-c'op yu'un te Jehová te Dios yu'unique, la sch'uhuntayic te yantic diosetic soc la yac' sbahic ta a'batinel yu'unic, xchi te Jehová.

Jeremías 11:17

Te Jehová te scuentahinej spisil, te mach'a la sts'unat, yalojix mandar te ay bin chopol ya xc'oht ta atojol, ta scaj te bintic chopol spasojic te sna Israel soc te sna Judá, te hich la shachbonic quilimba yu'un te la schic'beyic pom te Baal, xchi.

Jeremías 7:19

¿Ho'on bal te ya shachbonic quilimba? ¿Ma bal ha'uquic nix te ya yac' sbahic ta q'uexlal?

Jeremías 5:29

¿Ma bal yacuc ca'be castigo yu'un? xchi te Jehová. ¿Ma bal yacuc ca'be spacol te nación te hich yilel stalel?

Jeremías 5:19

C'alal ya sjoc'oyic: ¿Bin yu'un te hich la spasbotic te Jehová te Dios cu'untic? teme xchihique, hich yac awalbe: Hich te bin ut'il la awihquitayonic soc la awac' abahic ta a'batinel ta stojol yan diosetic ta aq'uinalic, hich yac awac' abahic ta a'batinel ta stojol jyanlumetic ta yan q'uinal, uta me, xchi.

Hebreos 3:16

¿Mach'atic a te la ya'iyic soc te la stoy sbahic ta stojol? ¿Ma bal ha'uc spisil te mach'atic ic'otic loq'uel tal ta sq'uinal Egipto yu'un te Moisés?

Isaías 3:8

Como jihnemix te Jerusalén, yahlemix te Judá; como te sc'opic soc te ya'telic scontrahinejic te Jehová, la stsal sba soc te smuc'ul yutsilale.

Jeremías 32:30

Como te snich'nab Israel soc te snich'nab Judá ha nax la spasic ta jtojol te bintic chopol c'alal ta squeremil to; te snich'nab Israel ha nax la yaq'uic te ya x'ilinon yu'un te ya'tel te sc'abique, xchi te Jehová.

Jeremías 44:23

Ta scaj te la achiq'uic pom soc la ata amulic ta stojol Jehová soc ma ba la ach'uhumbeyic sc'op te Jehová soc ma ba la at'unic te Ley o te mandariletic o te testigo-c'op yu'une, ha scuentahil te tal ta atojolic te bintic chopol ini, hich te bin ut'il ay c'alal ora ini, xchi.

Deuteronomio 29:25

Hich me ya sjaq'uic: Yu'un la yihquitayic hilel te chapbil-c'op yu'un Jehová te Dios yu'un te sme'static, ha te c'op la schap soc c'alal la sloq'ues tal ta sq'uinal Egipto;

Jeremías 16:10

C'alal yac awalbe te pueblo spisil te c'op ini, ya me sjoc'obat: ¿Bin yu'un la yal Jehová te ya xtal ta jtojoltic spisil te bintic chopol te c'ax muq'ue? ¿Bin chopol jpasojcotic? ¿Bin mulil jpasojcotic ta stojol Jehová te Dios cu'untique? xchihic.

Jeremías 29:19

Como ma ba la ya'iybonic jc'op, xchi te Jehová, te bayel buelta la jticombe ta scuenta te a'batetic cu'un, ha te jalwanejetique. Ha nix hichex, ma ba la awa'iybonic te jc'ope, xchi te Jehová.