Jeremías 44:25 - Bible in Tzeltal Bachajón

²⁵ Hich yaloj te Jehová te scuentahinej spisil, te Dios yu'un Israel: Te ha'ex soc te antsetic awu'unic la awalic ta awehic soc la apasic ta ac'abic, te hich la awalic: Ya me jc'ohtescotic ta pasel te bintic calojcotic ta jamal, ha te ya jchic'becotic pom te ajwalil-ants yu'un ch'ulchan soc ya ca'betic malbil mahtaniletic, xchihex. Ha yu'un pasa te bin la awalic ta jamal, pasahic te bin awalojique.

Bible in Tzeltal de Oxchuc y Tenejapa

²⁵ Te Cajwaltic te Spisil ya xju' yu'une, te Dios yu'un Israel, ya yal: “Te ja'ex antsetic ya awalic loq'uel ta aweic, soc ya ac'otesic ta pasel. Ja'ex awalojic ta jamal te ya awac'beyic pom soc majt'anil vino te Antsil Ajwalil yu'un Ch'ulchan, te ya ac'otesic ta pasel ta jyalel te bila awalojique. Jichuc, c'otesaic ta pasel te ac'opique, soc pasaic te bila awalojique.

Jeremías 44:25 Referans Kwoze

San Mateo 14:9

Te ajwalil la smel yo'tan yu'un, pero ta scaj te yalojix ta jamal soc ta scaj te mach'atic sjoquinejic ta mesa, la spas mandar te ya x'a'bot te bin yac sc'ambele.

Judas 1:13

Ha tulan stselajan mar te capal soc sbuhl ya scuch tal te sq'uexlalic; ha howiyem eq'uetic te chapal sc'oblalic te ha yawilic sbahtel q'uinal ya xc'oht te mero yihc'al q'uinale.

Ezequiel 20:39

Soc te ha'ex, snahex Israel, hich yaloj te Jehová: ¡Jujutuhlex, t'unahic te loc'ombahetic awu'unic yu'un yac awac' abahic ta stojolic, teme ma xac'an yac ach'uhumbonic te jc'ope; pero ma me ba yac abohlobtesbeyiquix sc'oblal te jch'ul bihil ta scuenta te mahtaniletic soc te loc'ombahetic awu'unique!

Isaías 28:15

Hich la awalic: Jchapoj jc'optic soc te lajele, jchapoj jc'optic soc te muquenale. Te c'alal ya xtal tulan wocol ma ba ya stahotic; como ha cac'ojtic ta ahnibal cu'untic te lote, ya jnac' jbahtic ta stojol te bin ma meleluque, xchihex.

Job 34:22

Mayuc yihc'al q'uinal soc yaxinal lajel ta banti ya xhu' ya snac' sbahic te mach'atic chopol bin ya spasic.

Jeremías 32:29

Te caldeohetic te yacalic ta ya'beyel guerra te pueblo ini ya me x'ochic talel, ya me schiq'uic ta c'ahc' te pueblo soc te nahetic te banti la schic'beyic pom te Baal ta sba nahetic soc banti la ya'beyic malbil mahtaniletic te yantic diosetic, yu'un ya shachbonic quilimba.