Jeremías 44:23 - Bible in Tzeltal Bachajón

²³ Ta scaj te la achiq'uic pom soc la ata amulic ta stojol Jehová soc ma ba la ach'uhumbeyic sc'op te Jehová soc ma ba la at'unic te Ley o te mandariletic o te testigo-c'op yu'une, ha scuentahil te tal ta atojolic te bintic chopol ini, hich te bin ut'il ay c'alal ora ini, xchi.

Bible in Tzeltal de Oxchuc y Tenejapa

²³ Ja' te woclajel te ayix ta ora to, ja' me tal yu'un te la awac'beyic pom te lotil diosetique. Jich la ata amulic ta stojol te Cajwaltique, melel ma la ach'uunbeyic te p'ijubtesel soc te mandaliletic yu'une, ma la awich'ic ta muc' —xi' te Jeremiase.

Jeremías 44:23 Referans Kwoze

1 Reyes 9:9

Hich ya xhalbotic: Scaj te la yihquitayic te Jehová te Dios yu'unic te loq'uesotic tal yu'un ta Egipto te sme'static, och sch'uhuntayic yantic diosetic, la yich'ic ta muc' soc la yac' sbahic ta a'batinel yu'unic, ha yu'un te Jehová la yac' taluc ta stojolic spisil bintic chopol ini, xchi te Jehová.

Salmos 119:150

Nohpojic tal te mach'atic chopolic te ya sc'an ya yuts'inonic; namal hilem yu'unic te ley awu'une.

Nehemías 13:18

¿Ma bal hichuc la spasic te ame'atatic, ha yu'un te Dios cu'untic la yac' taluc spisil te wocol ini ta jtojoltic soc ta stojol te pueblo ini? ¿Ya bal awaq'uic tohyuc xan yilimba ta stojol Israel yu'un te yac abohlobtesbeyic sc'oblal te sc'ahc'alel cux-o'tan? la jcut.

2 Corintios 6:16

¿Bin ut'il te jun ya schap sc'opic te templo yu'un Dios soc te loc'ombahetique? Ha'ex templohex yu'un te cuxul Dios, hich te bin ut'il yaloj te Diose: Ya xnahinon soc ya xbehenon ta yohlilic; ho'on Dioson yu'unic ya xc'ohon, soc ha pueblo cu'un ya xc'ohtic.

1 Corintios 10:20

Ma'uc, pero te c'alal ya yaq'uic te milbil mahtaniletic te jyanlumetic, ha ya ya'beyic te pucujetic, ma ha'uc ya ya'beyic te Diose. Ma jc'an te jun awo'tanic ya xc'ohex soc te pucujetique.

Lamentaciones 1:8

Jerusalén bayel stahoj smul, ha scuentahil te bohlob sc'oblal; spisil te mach'atic la yich'ic ta muc' ya sp'ajiquix, como watal la yilic; ya x'ahcanaj, ya sut bahel sit ta spat.

Jeremías 44:21

¿Ma bal sna'ojuc Jehová, ma bal yacuc xtal ta yo'tan te pom la achiq'uic ta pueblohetic yu'un Judá soc ta callehetic yu'un Jerusalén, ha'ex soc ame'atatic, te ajwaliletic soc te príncipaletic awu'unic, soc te ants-winiquetic ta q'uinal?

Jeremías 44:18

Pero te c'alal la jquihquitaycotic ta ya'beyel pom soc ta ya'beyel malbil mahtaniletic te ajwalil-ants yu'un ch'ulchan, mayuc bin ay cu'uncotic soc ya xlajotcotic ta espada soc ta wi'nal, xchihic.

Jeremías 44:8

¿Bin yu'un yac awac' ilinucon yu'un te ya'tel ac'abic, ha te yac awa'beyic pom te yantic diosetic ta sq'uinal Egipto ta banti talemex ta nahinel, te yac alehic ajihnelic, te ya xc'atp'ujex ta bin chopol sc'oblal soc ta bin p'ajbil ta stojol spisil te nacionetic ta bahlumilal?

Jeremías 40:3

Yo'tic la sc'ohtesix ta pasel te bin yaloje. Hich c'oht ta pasel ta atojolic como la ata amulic ta stojol te Jehová, ma ba la awich'beyic ta cuenta te sc'ope.

Salmos 119:155

Te coltayel namal ay ta stojol te mach'atic chopolic, como ma ba ya slehic te halbil mandariletic awu'une.

Salmos 78:56

Pero la stsajic soc la shachbeyic yo'tan te Dios te mero toyol ay, ma ba la sch'uhumbeyic spasel te mandariletic yu'une.

2 Crónicas 36:16

Pero la slabanic te jal-c'opetic yu'un Dios soc ma ba la yich'beyic ta cuenta te sc'ope, la stse'layic te jalwanejetic ha to c'alal tohy yilimba Jehová ta scontra te pueblo yu'une, ma ba weht bin ya yich' pasbeyel.

Salmos 78:10

Ma ba la yich'ic ta cuenta te chapbil-c'op yu'un Dios soc ma ba la sc'an la st'unic te Ley yu'une.

Salmos 119:136

Muc'ul ha' ya xloc' ta jsit, yu'un ma ba ya sch'uhunic spasel te Ley awu'une.

Jeremías 26:4

Hich yac awalbe: Hich yaloj te Jehová: Teme ma ba yac awich'bonic ta cuenta soc ma ba yac at'unic te Ley cu'un te la jca'beyexe,

Jeremías 44:2

Hich yaloj te Jehová te scuentahinej spisil, te Dios yu'un Israel: Awilojic spisil te bintic chopol la jquich' tal ta stojol Jerusalén soc spisil te pueblohetic yu'un Judá. Yo'tic jihnemiquix, mayuc mach'a nahinemic tey a

Jeremías 44:3

ta scaj te bintic chopol la spasic, te la yac' ilinucon yu'un, ha te la ya'beyic smahtanin pom soc la sch'uhuntayic yantic diosetic te ma ba sna'beyejic sba, ni ha'uquex ni ha'uc te ame'atatique.

Jeremías 44:10

C'alal ora yo'tic ma ba pehc'ajem yo'tanic soc ma ba xi'ojic; ma ba st'unojic te Ley cu'un o te mandariletic te la jca'beyex ta atojolic soc ta stojol te ame'atatique.

2 Reyes 17:15

Ha la sch'aybeyic te mandariletic, te chapbil-c'op la schap soc te sme'static soc te scomelic te halbotic yu'une. La st'unic diosetic te mayuc stuquic, soc ha nix hich mayuc stuc bahtic yu'un, ha la st'umbeyic stalel te nacionetic ayic ta sjoyobal, te pasotic ta mandar yu'un Jehová te manchuc hich ya spasique.

Daniel 9:13

Hich te bin ut'il ts'ihbabil ta ley yu'un Moisés, c'oht ta jtojolcotic spisil te bintic wocol ini; pero ma ba calbeyejcotic wocol Jehová te Dios cu'untic, ma ba la jquihquitaycotic te jchopolilcotic o ma ba la jquich'cotic ta cuenta te smelelil c'op awu'une.