Jeremías 44:22 - Bible in Tzeltal Bachajón

²² Te Jehová ma ba cuhchix yu'un te schopolil awa'telic soc te bintic ilobtic sba te la apasique; ha yu'un te jihnemix te aq'uinalic, te sutp'ij ta bin xiweltic sba soc ta bin chopol c'oblalil, te mayuquix mach'a nahinemic tey a, hich te bin ut'il ay c'alal ora ini.

Bible in Tzeltal de Oxchuc y Tenejapa

²² Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Jeremías 44:22 Referans Kwoze

Jeremías 25:18

ta Jerusalén, ta pueblohetic yu'un Judá, ta stojol te ajwaliletic soc te príncipaletic yu'une, scuenta yu'un jimbil soc jochol ya xc'ohtic, ya yich'ic tse'layel, labanel, soc halel ma lecuc sc'oblalic, hich te bin ut'il ta ora ini.

Malaquías 2:17

La awaq'uic luhbuc te Jehová ta scaj te c'opetic awu'unique. Hich yac ajoc'oyic: ¿Bin la jluhbtesatcotic a? xchihex. Yu'un hich yac awalic: Mach'ayuc a te ya spas bin chopol, lec ta stojol Jehová, lec yo'tan ta stojol, xchihex, o te hich yac awalic: ¿Banti ay te Dios te toj ya xchahpanwan? xchihex.

Jeremías 44:12

Ya jtsac te mach'atic hilemic yu'un Judá te mero hich ya sc'an yo'tanic te ya xnahinic ta sq'uinal Egipto, ya me xlajic tey a. Ya me xlajic ta espada soc ta wi'nal. Muc' biq'uit ya xlajic ta espada soc ta wi'nal, soc ya xc'atp'ujic ta bin chopol sc'oblal, ta bin xiweltic sba, ta bin bohloben sc'oblal soc ta bin p'ajbil.

Jeremías 25:38

Hich loc' tal te bin ut'il choj ta sch'en, jc'axel jihn te q'uinal yu'unic ta scaj yilimba te j'uts'inwanej, ta scaj sc'ahc'al te yilimbahe.

Jeremías 25:11

Spisil te q'uinal ini ya xc'atp'uj ta jimbil q'uinal; soc te nacionetic ini ya me yac' sbahic ta a'batinel ta stojol te ajwalil yu'un Babilonia lajuneb schanwinic (70) ha'bil.

Jeremías 18:16

La sutp'inic ta jochol q'uinal te sq'uinalic, te labambil spisil ora. Spisil mach'atic ya xc'axic tey a xcham yo'tanic yu'un, ya sjimulan sjolic yu'un.

Isaías 43:24

Ma ba la amambon tal jalal te sumet yic', soc ma ba la awac' nojuc jch'uht yu'un sjuhp'el te chic'bil mahtaniletic awu'une. Pero la awa'bon jcuch te muliletic awu'un, soc la alubteson yu'un te chopoliletic awu'une.

Isaías 7:13

Ha yu'un hich la yal te Isaías: A'iya me awa'iy ta ora, sna David: ¿Ma bal tic'uc yac awa'iy a te yac awuts'in te ants-winiquetic, ya bal awuts'in ec te Dios cu'une?

Romanos 9:22

¿Ha xan teme Dios, te bin ut'il la sc'an ya yac' ta ilel te yilimba soc te ya yac' ta na'el te yu'el, te cuhch yu'un te bayel la smahliy te vasohetic te ihlaybil yu'un, te chapal ya yich' jinele?

Amós 2:13

Ha yu'un ya jtenex cohel tey ta banti ayex, hich te bin ut'il ya xtenawan te carreta te nojel ta trigo:

Daniel 9:12

Ha la sc'ohtes ta pasel te bin la yal ta jtojolcotic soc ta stojol te jcuentahinwanejetic cu'uncotic, ha te la yac' tal ta jtojolcotic bayel wocol; mayuc hich c'ohem ta pasel ta ye'tal ch'ulchan te bin ut'il c'oht ta stojol Jerusalén.

Ezequiel 5:13

Hich ya xlaj te quilimba, ya cac' c'ohtuc ta stojolic te sc'ahc'al co'tan, hich ya xlahmaj a. Hich me ya sna'ic a te ho'on Jehovahon c'opojonix soc xut'et co'tan, c'alal ya jts'acaytes ta stojolic te quilimbahe.

Jeremías 44:6

Ha yu'un mal cohel ta stojolic te quilimba soc te sc'ahc'al co'tan, soc tihl ta stojol te pueblohetic yu'un Judá soc ta callehetic ta Jerusalén. Hich jihnic soc jochol hilic c'alal ora ini.

Jeremías 44:2

Hich yaloj te Jehová te scuentahinej spisil, te Dios yu'un Israel: Awilojic spisil te bintic chopol la jquich' tal ta stojol Jerusalén soc spisil te pueblohetic yu'un Judá. Yo'tic jihnemiquix, mayuc mach'a nahinemic tey a

Jeremías 29:19

Como ma ba la ya'iybonic jc'op, xchi te Jehová, te bayel buelta la jticombe ta scuenta te a'batetic cu'un, ha te jalwanejetique. Ha nix hichex, ma ba la awa'iybonic te jc'ope, xchi te Jehová.

Jeremías 26:6

ya cac' te hich ya xc'oht te na ini te bin ut'il Silo soc te pueblo ini ya cac' te ma lecuc sc'oblal ya xc'oht ta stojol spisil te nacionetic ta bahlumilal, xchi.

Jeremías 24:9

Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Jeremías 15:6

Ha'at la awihquitayon, xchi te Jehová, suhtat bahel ta apat; ha yu'un ya jach jc'ab ta atojol, ya jinat. ¡Luhbenonix yu'un jna'belat yo'bolil aba!

Isaías 1:24

Ha yu'un hich ya yal te Cajwaltic, te Jehová te scuentahinej spisil, te Mach'a Tulan yu'un Israel: ¡Tiq'uix a! ¡Ya ca'be stoj te jcontratac, ya ca'be spacol te mach'atic ya scontrahinonic!

Génesis 19:13

yu'un ya me jlajincotic te lugar ini, como bayel c'opetic ta scontra te yajwal te pueblo ini te c'ohtix ta stojol Jehová; ha yu'un te Jehová la sticonotcotic talel ta slajinel, xchihic.

Génesis 6:3

La yal te Jehová: Ma spisiluc ora ya x'a'tej te espíritu cu'un ta stojol te ants-winiquetic como ha ch'ich'-baq'uet nax; wacwinic (120) nax ha'bil ya cuxajic, xchi sc'oblalic.

Jeremías 4:4

Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

Jeremías 21:12

Sts'umbalex David, hich ya yal te Jehová: Stojil me xawa'iyic chahpanwanej ta sab, ac'ahic ta libre te mach'a tembil yu'un te j'uts'inwanej, scuenta yu'un ma ba ya xloc' talte quilimba hich te bin ut'il c'ahc'te ya xtihl te mayuc mach'a ya xhu' yu'un stup'el, ta scaj te chopol awa'telique.

Jeremías 23:2

Ha yu'un te Jehová, te Dios yu'un Israel, hich ya yalbe te jcanan-tuminchijetic te ya scanantaybonic te pueblo cu'un: Ha'ex la apucticlanic bahel te tuminchijetic cu'un soc la axiwteslanic; ma ba la acanantayic. Ha yu'un ya ca'bat castigo yu'un te schopolil awa'telique, xchi te Jehová.

Jeremías 29:18

Ya jnutsticlan bahel ta espada, ta wi'nal soc ta jmilawal-chamel, soc ya cac' te xiweltic sba ya xc'ohtic ta stojol spisil te nacionetic ta bahlumilal, te ma lecuc sc'oblalic, te xiweltic sba, labambilic soc tse'laybilic ta stojol spisil te nacionetic ta banti la jpucticlan bahele.

Jeremías 30:14

Spisil te mach'atic smulanejat ya xch'ayat ta yo'tanic; ma ba ya slehat, yu'un la jquehchentesat hich te bin ut'il acontra, ha te castigo yu'un j'uts'inwanej, ta scaj te c'ax muc' achopolil soc te bayel amul.

Jeremías 34:22

Ya cal mandar, xchi te Jehová, soc ya cac' te ya suhtic tal ta pueblo ini. Ya me ya'beyic guerra, ya me yu'untayic soc ya me ya'beyic sc'ahc'al. Soc ya cac' te ya xlaj te pueblohetic yu'un Judá, mayuc mach'a ya xhil ta nahinel tey a, xchi.

Jeremías 42:18

Hich yaloj te Jehová te scuentahinej spisil, te Dios yu'un Israel: Hich te bin ut'il mal cohel te quilimba soc sc'ahc'al co'tan ta stojol te mach'atic nahinemic ta Jerusalén, hich ya xmal cohel ta atojolic te c'alal ya xbahex ta Egipto. Ha te bin wocol soc te bin xiweltic sba ya xc'ohex, te bin ac'bil ta lajel soc te bin p'ajbil; mayuc bin ora ya suhtex tal ta lugar ini, xchi.

Jeremías 48:9

A'beya xic' te Moab yu'un ya xwihl bahel, como jochol ya xhilic te pueblohetic yu'un, mayuc mach'a ya xnahin tey a.

Ezequiel 39:23

Soc te nacionetic ya me sna'ic te ic'otic bahel ta chuquel te sna Israel ta scaj smulic, como ma junuc yo'tanic ta jtojol. Ha yu'un la jmuc jsit quelaw ta stojolic, la jcaq'uic ta sc'ab te scontratac, soc spisilic lajic ta espada.

2 Reyes 17:15

Ha la sch'aybeyic te mandariletic, te chapbil-c'op la schap soc te sme'static soc te scomelic te halbotic yu'une. La st'unic diosetic te mayuc stuquic, soc ha nix hich mayuc stuc bahtic yu'un, ha la st'umbeyic stalel te nacionetic ayic ta sjoyobal, te pasotic ta mandar yu'un Jehová te manchuc hich ya spasique.

Jeremías 5:9

¿Ma bal yacuc ca'be castigo yu'un? xchi te Jehová. Te jun nación hich te bin ut'il ini ¿ma bal yacuc ca'be spacol?

Daniel 9:11

Spisil Israel la sc'axuntaybat te Ley awu'un, la yihquitayic sch'uhunel ac'op. Ha yu'un tal ta jtojolcotic te bin ma lecuc sc'oblal soc te bin halbil ta jamal te ts'ihbabil ta ley yu'un Moisés, te a'bat yu'un Dios, como la jta jmulcotic ta stojol Dios.