Jeremías 44:2 - Bible in Tzeltal Bachajón

² Hich yaloj te Jehová te scuentahinej spisil, te Dios yu'un Israel: Awilojic spisil te bintic chopol la jquich' tal ta stojol Jerusalén soc spisil te pueblohetic yu'un Judá. Yo'tic jihnemiquix, mayuc mach'a nahinemic tey a

Bible in Tzeltal de Oxchuc y Tenejapa

² —Te Cajwaltic te Spisil ya xju' yu'un, te Dios yu'un Israel, ya yal: “Awilojic ja'ex ta spisil te bila woclajel la cac' taluc ta stojolic ta Jerusalén soc ta yantic lumetic ta Judá. Ta ora yo'tic jiniquix ta jyalel, ma'yuquix mach'a nainemic tey a

Jeremías 44:2 Referans Kwoze

Jeremías 34:22

Ya cal mandar, xchi te Jehová, soc ya cac' te ya suhtic tal ta pueblo ini. Ya me ya'beyic guerra, ya me yu'untayic soc ya me ya'beyic sc'ahc'al. Soc ya cac' te ya xlaj te pueblohetic yu'un Judá, mayuc mach'a ya xhil ta nahinel tey a, xchi.

Jeremías 9:11

Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

Miqueas 3:12

Ha yu'un ha'ex ta acuentahic ya yich' tuquel te Sión, ya xc'atp'uj ta busul jinel te Jerusalén, soc te wits yu'un te Templo ya xpotsot ta ha'mal.

Jeremías 4:7

Loq'uemix tal choj ta yawil, te jinawal yu'un nacionetic yaquix ta behel; loq'uemix tal ta slumal scuenta yu'un ya sjimbat te alumale, jimbil soc jochol ya xhilic te pueblohetic awu'une.

Zacarías 1:6

Pero te c'opetic soc te mandariletic cu'un te la jcalbe ta mandar te jalwanejetic te a'batetic cu'un, ¿ma bal la stahic te ame'atatique? Ha yu'un la suhtes yo'tanic te ame'atatic, hich la yalic: Te Jehová te scuentahinej spisil hich la spasbotic te bin ut'il la sc'an te behetic soc te a'teliletic cu'untique, xchihic.

Lamentaciones 5:18

ta scaj te wits Sión te jochol hilem, soc ya xbehenix waxetic tey a.

Lamentaciones 1:16

Ha scuentahil te yacon ta oq'uel; ha scuentahil te ya xloc' te ya'lel jsite, como namal ay te mach'a ya smuc'ubtesbon co'tan soc te ya ya'bon jcux co'tan. La yich'ic jinel te jnich'nab, como ha la ya'iy tsalaw te jcontrahe.

Lamentaciones 1:1

¡Mero stuquel hil te Jerusalén, te nojel ta ants-winiquetic ta nahil to! Te mach'a muc' ta yohlil te nacionetic hich c'ohem te bin ut'il me'ba' ants; te ants ich'bil ta cuenta ta jsehpelsehp q'uinal ochix ta mosohil.

Jeremías 44:22

Te Jehová ma ba cuhchix yu'un te schopolil awa'telic soc te bintic ilobtic sba te la apasique; ha yu'un te jihnemix te aq'uinalic, te sutp'ij ta bin xiweltic sba soc ta bin chopol c'oblalil, te mayuquix mach'a nahinemic tey a, hich te bin ut'il ay c'alal ora ini.

Jeremías 25:11

Spisil te q'uinal ini ya xc'atp'uj ta jimbil q'uinal; soc te nacionetic ini ya me yac' sbahic ta a'batinel ta stojol te ajwalil yu'un Babilonia lajuneb schanwinic (70) ha'bil.

Jeremías 7:34

Ya cac' te ya xquehchaj ta pueblohetic yu'un Judá soc ta callehetic yu'un Jerusalén te sc'op yutsil q'uinal soc tse'el-o'tanil, te sc'op te mamalalil soc sc'op ihnamil, como jochol ya xc'oht te q'uinale, xchi te Jehová.

Isaías 24:12

Jimbil hilel te pueblo, wuybil c'oht te yochibal.

2 Reyes 21:13

Te bin la jp'is a te Samaria, ha nix ya jp'is te Jerusalén, soc ya ca'be te plomo te la jp'is a te mach'atic ay yu'un Acab. Ya jpoc te Jerusalén hich te bin ut'il ya yich' poquel jun plato te ya yich' cusel soc nujanel.

Josué 23:3

Ha'ex awilojic spisil bintic la spas Jehová te Dios awu'unic ta stojol spisil te nacionetic ini ta acuentahic; como Jehová te Dios awu'unic ha te la yac' guerra ta acuentahic.

Deuteronomio 29:2

Hich te Moisés la stsob tal spisil te snich'nab Israel, hich la yalbe: Ha'ex la awilic spisil te bintic la spas Jehová ta atojolic ta Egipto ta stojol te faraón soc spisil te a'batetic yu'un, soc ta spisil sq'uinal,

Levítico 26:43

Pero ya xhil yu'unic te q'uinale, bayel me yutsil te jayeb tiempo ya scux yo'tan, te bin ut'il jochol hilel yu'unic. Ya me yich'ic te castigo yu'un smulic, ta scaj te mayuc sc'oblal ta yo'tanic te mandariletic cu'un soc te la yihlayic te bintic chapal cu'une.

Éxodo 19:4

Ha'ex awilojic te bin la jpasbe te egipciohetic, soc te bin ut'il la jcajanex tal ta sba xic' muc'ul jxic soc la jquiq'uex tal ta jtojol.

Levítico 26:31

Jc'axel jochol ya xhil cu'un te pueblohetic awu'unic, ya jimbeyex te ch'ul awilaletic awu'unic soc ma ba ya jsic'be sumumal yic' te lequil perfume awu'unique.

Jeremías 44:23

Ta scaj te la achiq'uic pom soc la ata amulic ta stojol Jehová soc ma ba la ach'uhumbeyic sc'op te Jehová soc ma ba la at'unic te Ley o te mandariletic o te testigo-c'op yu'une, ha scuentahil te tal ta atojolic te bintic chopol ini, hich te bin ut'il ay c'alal ora ini, xchi.

Daniel 9:12

Ha la sc'ohtes ta pasel te bin la yal ta jtojolcotic soc ta stojol te jcuentahinwanejetic cu'uncotic, ha te la yac' tal ta jtojolcotic bayel wocol; mayuc hich c'ohem ta pasel ta ye'tal ch'ulchan te bin ut'il c'oht ta stojol Jerusalén.

Jeremías 8:3

Ya slehic slajelic, ma ha'uc scuxlejalic, spisil te mach'atic cuxul ya xhilic yu'un te jcaj ts'umbalil ini te chopol yo'tanic, ta spisil banti ya jpucticlan bahel, xchi te Jehová te scuentahinej spisil.