Jeremías 44:19 - Bible in Tzeltal Bachajón

¹⁹ Soc hich la yalic te antsetic: Te c'alal la jca'becotic pom soc malbil mahtaniletic te ajwalil-ants yu'un te ch'ulchan, ¿ma bal sna'ojic te jmamalalcotic te la jpasbecotic pimil pan te pajal yilel soc sloc'omba soc te la jca'becotic malbil mahtaniletic? xchihic.

Bible in Tzeltal de Oxchuc y Tenejapa

¹⁹ Te antsetic la yac'beyic xan yip te c'ope: —Te jo'otic la jpastic tojol-pats' ta ch'uunel cu'untic te Antsil Ajwalil yu'un te Ch'ulchane, soc la cac'beytic pom soc majt'anil vino. Ta spisil, jich yo'tanic uuc te jmamlaltique. Jich me ya jpasulaytic bael —xiic te antsetique.

Jeremías 44:19 Referans Kwoze

Jeremías 7:18

Te al-nich'anetic ya stsobic tal si', te tatiletic ya stsunic c'ahc', te antsetic ya swots'ic harina yu'un spasbeyel tut panetic te ajwalil-ants yu'un ch'ulchan; soc ya ya'beyic malbil mahtaniletic yantic diosetic, yu'un ya shachbonic quilimba a.

Jeremías 44:15

Ha yu'un spisil te mach'atic sna'ojic te ya'beyejic pom te yantic diosetic te antsetic yu'unic, soc spisil te antsetic te tey ayic a, c'ax tsobolic, soc spisil te ants-winiquetic te nahinemic ta Patros ta sq'uinal Egipto, hich la sjac'beyic sc'op te Jeremías:

2 Crónicas 21:6

Pero la st'umbe sbe te ajwaliletic yu'un Israel, hich te bin ut'il la spas te sts'umbal Acab, como yic'oj yihnamin te yantsil nich'an Acab; la spas te bin chopol ta stojol Jehová.

1 Reyes 21:25

(Ta melel mayuc mach'a yan hich te bin ut'il Acab te la yac' sba ta spasel te bin chopol ta stojol Jehová, como ha jucot yu'un te Jezabel te yihname.

Génesis 3:6

C'alal la yil te ants te lec ta lo'beyel sit te te' soc t'ujbil ta ilel, soc te bic'tal-o'tantic sba te ya yac' p'ijil-o'tanil, hich la stulbe sit, la slo', soc la ya'be te smamalal te ha nix hich la slo'.

Proverbios 11:21

Te mach'atic chopol yo'tanic, ya me yich'ic castigo ta mero melel, yan te mach'atic toj yo'tanic, libre ya xc'ohtic.

Jeremías 44:20

Hich te Jeremías la sc'opon spisil te winiquetic soc antsetic te hich jac'bot yu'unic, hich la yalbe:

Números 30:8

Yan teme ma hichuc yo'tan te smamalal te c'alal la ya'iy, ma ba hich chapal ya xhil te bin schapoj o te bin la yal ta jamal te la schuc sba a. Te Jehová ya spasbe perdón.

Números 30:12

Yan teme la slajimbe sc'oblal te smamalal te bin ora la ya'iy, ma ba hich chapal ya xhil spisil te bin schapoj o te bin jc'axel yaloj ta jamal te ya spase; lajimbot sc'oblal yu'un te smamalal. Te Jehová ya spasbe perdón.