Jeremías 44:13 - Bible in Tzeltal Bachajón

¹³ Te mach'atic nahinemic ta sq'uinal Egipto ya ca'be castigo ta espada, ta wi'nal soc ta jmilawal-chamel, hich te bin ut'il la jca'be castigo te Jerusalén.

Bible in Tzeltal de Oxchuc y Tenejapa

¹³ Ya me cac'bey castigo mach'atic ayic ta Egipto, jich bit'il la cac'bey castigo ta Jerusalén: ta guerra, ta wi'nal soc milawal chamel.

Jeremías 44:13 Referans Kwoze

Jeremías 43:11

Ya me xtal sjin te sq'uinal Egipto. Ya xlajic te mach'atic sc'oblal ya xlajic, ya yich'ic chuquel te mach'atic sc'oblal ya xchucotic, soc ya xlajic ta espada te mach'atic sc'oblal ya xlajic ta espada.

Jeremías 11:22

Ha yu'un hich ya yal te Jehová te scuentahinej spisil: Ya me ca'be castigo: ya xlajic ta espada te jcolel winiquetic, ya xlajic ta wi'nal te squerem-nich'nabic soc yantsil-nich'nabic.

Jeremías 42:18

Hich yaloj te Jehová te scuentahinej spisil, te Dios yu'un Israel: Hich te bin ut'il mal cohel te quilimba soc sc'ahc'al co'tan ta stojol te mach'atic nahinemic ta Jerusalén, hich ya xmal cohel ta atojolic te c'alal ya xbahex ta Egipto. Ha te bin wocol soc te bin xiweltic sba ya xc'ohex, te bin ac'bil ta lajel soc te bin p'ajbil; mayuc bin ora ya suhtex tal ta lugar ini, xchi.

Jeremías 24:10

Ya cac' tal ta stojolic espada, wi'nal soc jmilawal-chamel ha to c'alal jc'axel ya xlajic ta q'uinal te ca'beyej soc te sme'statique, xchi te Jehová.

Jeremías 21:9

Te mach'a ya xhil ta pueblo ini ya me xlaj ta espada, ta wi'nal, o ta jmilawal-chamel; yan te mach'a ya xloc' bahel soc ya yac' sba ta sc'ab te caldeohetic te yac sjoytaybelexe, ya me xcuxaj; hich ya xcol te scuxlejale.

Jeremías 42:16

te espada te yac axi'ic ya me stahex c'ohel tey a ta sq'uinal Egipto, soc te wi'nal te yac axi'ic ya me st'unex bahel tey a, tey ya xchamex a.

Jeremías 42:17

Spisil te mach'atic hich yo'tanic te ya xbahtic ta nahinel ta Egipto ya me xlajic ta espada, ta wi'nal soc ta jmilawal-chamel. Mayuc mach'a cuxul ya xhil o te ya x'ahn loq'uel ta stojol te bin chopol ya cac' tal ta stojolic, xchi.

Jeremías 24:9

Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Jeremías 42:15

ha yu'un a'iya me awa'iyic te sc'op Jehová, ha'ex te hilemex ta Judá, como hich yaloj te Jehová te scuentahinej spisil, te Dios yu'un Israel: Teme hich awo'tanic te ya xbahex ta Egipto yu'un ya xnahinex tey a,

Oseas 9:6

Bahtic ta scaj te jinele; ha ya x'ic'otic yu'un Egipto, ya xmucotic yu'un Menfis. Ya x'u'untayotic yu'un ch'ix te bintic pasbilic ta plata yu'unic, soc ya xcol ch'ixetic ta snahic.