Jeremías 43:9 - Bible in Tzeltal Bachajón

⁹ Ta sitic te ants-winiquetic yu'un Judá, tsaca cha'oxpis muc'ul tonetic, mucticlana ta ahch'al ta be pasbil ta ladrillo ta yochibal te sna faraón ta Tafnes.

Bible in Tzeltal de Oxchuc y Tenejapa

⁹ —Tsaca cha'oxp'ijuc muc'ul tonetic. Ta sitic te ants-winiquetic yu'un Judá, muca ochel ta bay tulanil lum, pamanbil ta stojol yochibal te spalacio te ajwalil ta lum.

Jeremías 43:9 Referans Kwoze

Apocalipsis 18:21

Ay ch'ul a'bat te bayel yip, la sq'uech muc'ul ton te sjel ta muc'ul cha', la sch'oj ochel ta mar, hich la yal: Hich me ya yich' ch'ojel cohel te Babilonia, te muc'ul pueblo, ma ba ya xwehtix ta lehel.

Hechos 21:11

C'alal la yilotcotic, la yich'be schuhquil sch'uht te Pablo, la schucticlan yoc sc'ab a, hich la yal: Hich ya yal te Ch'ul Espíritu: Hich ya xc'oht ta chuquel yu'un judíohetic ta Jerusalén te yajwal ha'i chuquilch'uhtul ini, soc ya me ya'beyic ta sc'ab jyanlumetic, xchi.

Nahúm 3:14

Chahpana awa'al yu'un yac awich' joytayel ta guerra, a'beya xan yip te joyob-ts'ahquetic awu'un, ochan ta ahch'al, wots'a ta teq'uel, tsaca te spasojibal ladrillo.

Oseas 12:10

La jc'opon te jalwanejetic, la jca'be yilic bayel nahalsitiletic, soc la jcal sloc'ombahil c'op ta scuenta te jalwanejetique.

Ezequiel 4:1

Ha'at, snich'anat winic, tsaca jun adobe, ac'a ta atojol, pasbeya sloc'ombahil te Jerusalén tey a.

2 Samuel 12:31

Soc la yic'ticlan loq'uel te mach'atic tey ayic a, la yac'ticlan ta a'tel ta sierra, ta smajojibal trigo pasbil ta taq'uin soc ta echej, soc la yac'ticlan ta a'tel ta hornohetic yu'un ladrillo. Hich nix la spasbe spisil te pueblohetic yu'un te amonetique. Patil suht xan bahel ta Jerusalén te David soc spisil te soldadohetic yu'une.

Éxodo 1:14

La ya'beyic swocolic yu'un spasel tulan a'tel ta swots'el ahch'al soc ta spasel adobe, soc ta spasel spisil a'tel ta q'uinal. Ta spisil te ya'telic la stenic ta spasel.

Jeremías 43:8

Tal te sc'op Jehová ta stojol Jeremías ta Tafnes te hich la yal:

Jeremías 43:10

Hich me xawalbe: Hich yaloj te Jehová te scuentahinej spisil, te Dios yu'un Israel: Ya jticon ta iq'uel tal te ca'bat Nabucodonosor ajwalil yu'un Babilonia, ya ca'be shuctajib ta sba te tonetic ini te la jmuque, soc ya slim bahel te axinal pac' yu'un ta sba.

Jeremías 44:30

Hich yaloj te Jehová: Ya cac' te faraón Hofra ajwalil yu'un Egipto ta sc'ab te mach'atic ya slehbe scuxlejal, hich te bin ut'il la jcac' te Sedequías ajwalil yu'un Judá ta sc'ab te Nabucodonosor ajwalil yu'un Babilonia, ha te scontra te lehbot scuxlejal yu'une, xchi.

Jeremías 25:19

La jca'be yuch' te faraón ajwalil yu'un Egipto, te a'batetic yu'un, te príncipaletic soc spisil te pueblo yu'un,