Jeremías 43:2 - Bible in Tzeltal Bachajón

² te Azarías snich'an Osaías, te Johanán snich'an Carea, soc spisil te toyba winiquetic hich la yalbeyic te Jeremías: ¡Lotil te bin yac awal! Te Jehová te Dios cu'untic ma ba hich la sticonat ta yalel: Ma me xbahex ta nahinel ta Egipto, ma xchihuc.

Bible in Tzeltal de Oxchuc y Tenejapa

² te Azarías snich'an Osaías, te Johanán snich'an Carea, soc yantic toyba winiquetic la yalbeyic te Jeremías: —Te bila ya awale, lotil. Te Cajwaltic te Dios cu'untique ma ba la yac'bat tel ta awenta awalbelotic te ma xbootic ta Egipto.

Jeremías 43:2 Referans Kwoze

Isaías 7:9

Te jolal yu'un Efraín, ha te Samaria, te jolal yu'un Samaria, ha te snich'an Remalías. Teme mayuc sch'uhunel awo'tanic, ma ba ya xhilex, xchi.

2 Crónicas 36:13

Ha nix hich la stoy sba ta scontrahinel Nabucodonosor, te la yal ta jamal ta stojol Dios te junuc me yo'tan ta stojol. Tulanij yo'tan, ma ba la sc'an la suhtes yo'tan ta stojol Jehová te Dios yu'un Israel.

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.

Santiago 4:6

Pero c'ax bayel xan yutsil-o'tanil ya yac' te Diose. Ha scuentahil te hich ya yal: Dios ya scontrahin te mach'a ya stoy sba, pero ya sc'uxultay te mach'a peq'uel ay, xchi.

Jeremías 43:1

C'alal laj yo'tan te Jeremías ta yalbeyel spisil te pueblo spisil te bin la yal te Jehová te Dios yu'unic, spisil te bintic ticombil yu'un Jehová te ya yalbe ya'iyique,

Jeremías 42:1

Spisil te capitanetic yu'un soldadohetic soc te Johanán snich'an Carea, te Jezanías snich'an Osaías soc spisil te pueblo, muc' biq'uit, talic

Jeremías 40:8

talic ta stojol te Gedalías ta Mizpa. Te mach'atic te talic, ha te Ismael snich'an Netanías, Johanán soc Jonatán snich'nab Carea; Seraías snich'an Tanhumet; te snich'nab Efai te ay ta Netofa, soc Jezanías snich'an maacateo-winic, soc te swinictaque.

Jeremías 13:15

A'iya awa'iy ta lec, ma me xatoy abahic, como c'opojix te Jehová.

Proverbios 16:5

Te Jehová ya yihlay spisil mach'atic ya stoy sbahic; fuersa me ya yich' castigo.

Jeremías 41:16

Te Johanán soc spisil te capitanetic yu'un te soldadohetic te joquimbilic yu'un la yic'ticlanic bahel spisil te mach'atic cuxul hilic, te ic'otic loq'uel tal ta chuquel ta Mizpa yu'un te Ismael te c'alal laj smilbel a te Gedalías snich'an Ahicam: ha te soldadohetic, antsetic, alaletic soc eunuco-winiquetic te ic'bilic loq'uel tal ta Gabaón yu'un te Johanán.

Proverbios 30:9

yu'un teme ya xnoj jch'uht ya wan jmucat ta co'tan, soc hich wan ya cal: ¿Mach'a a te Jehová? xchihon; o teme pobrehon ya wan ca'iy elec', hich ya jbohlc'optaybe sbihil te Dios cu'une.

Proverbios 8:13

Te xi'el te Jehová, ha te sp'ajel te bin chopol; ya quihlay te toybahil soc te muc' ya scuy sba, te chopol be soc te chopol c'op.

Proverbios 6:17

ha te toyba ta sit, ya'iyel lot, te c'abaletic te ya smilic mach'a mayuc smul,

Salmos 123:4

Bayel c'axemix jwocolcotic ta labanel yu'un te mach'atic toyol yac'oj sbahic, soc ta ihlayel yu'un te mach'atic ya stoy sbahique. C'ayoj yu'un mohel bahel ta Jerusalén; yu'un David.

Salmos 119:21

Ha'at yac awut te mach'atic stoyoj sbahic, te chopol sc'oblalic, te ya xhowiyic ta stojol te mandariletic awu'une.

Salmos 12:3

Te Jehová ac'a slajin spisil te mach'atic ya xbahbac'opojic soc te ya yalic toyba-c'op;

Éxodo 9:17

Pero ya to atoy xan aba ta scontrahinel te pueblo cu'un te ma xawac' loq'uele.

Éxodo 5:2

Pero la sjac' te faraón: ¿Mach'a a te Jehová te ya jch'uhumbe sc'op te ya cac' bahel te Israel? Ma jna'be sba te Jehová yac awale, soc ma ba ya cac' bahel te Israel, xchi.

Génesis 19:14

Hich loc' bahel te Lot, baht sc'opon te queremetic te chapal ya yic' sbahic soc te yantsil-nich'nab, hich la yalbe ya'iyic: Hahchanic, loc'anic bahel ta lugar ini, yu'un te Jehová ya slajin te pueblo ini, la yut. Pero te queremetic la scuyic ta labanel.

Jeremías 18:18

Hich la yalic: La'ic, ya jchahp jc'optic ta scontrahinel te Jeremías; como ma xpasot falta te nohptesel yu'un te sacerdotehetic, te j'ac'-o'tanil yu'un te mach'atic ay sp'ijilic, soc te sc'op te jalwanejetique. La'ic, ya jcomtic ta c'op, ma ba ya quich'tic ta cuenta te bin ya yale, xchihic.

Jeremías 41:18

ta scaj te caldeohetique. Ha la xi'ic yu'un te milot yu'un Ismael te Gedalías te otsesot ta gobernador ta slumal yu'un te ajwalil yu'un Babilonia.

Jeremías 42:5

Hich la yalbeyic te Jeremías: Te Jehová ha'uc smelelil soc stojil testigo ta cohlilcotic teme ma ba ya jpascotic te bin ya sticonat ta yalel ta jtojolcotic te Jehová te Dios awu'une.

Jeremías 42:20

¿Bin yu'un la alo'loy abahic? Ha'ex nix la aticononic ta stojol Jehová te Dios awu'unic, te hich la awalic: C'opombotic Jehová te Dios cu'untic, soc a'botcotic jna'cotic spisil te bin ya yal te Jehová te Dios cu'untic, hich me ya jpascotic, xchihex.

Jeremías 44:16

Ma ba ya quich'cotic ta cuenta te c'op la awalbotic ta scuenta Jehová.

Isaías 9:8

Te Cajwaltic la sticon bahel c'op ta stojol Jacob, ha c'oht ta stojol Israel.