Jeremías 43:13 - Bible in Tzeltal Bachajón

¹³ Ya me swuyticlan te bahlal tonetic yu'un Heliópolis te ay ta sq'uinal Egipto, soc ya me ya'be sc'ahc'al te templohetic yu'un te diosetic yu'un Egipto, xchi.

Bible in Tzeltal de Oxchuc y Tenejapa

¹³ Ya me sjin te najt'il jayal ton te ay ta lum Heliópolis ta Egipto, soc ya me xchic'bey jilel te temploetic yu'un te lotil diosetic ta Egipto’, xi' me te Cajwaltique”, uta me —xi'.

Jeremías 43:13 Referans Kwoze

Isaías 19:18

Ta hich ora ay ho'eb pueblohetic ta Egipto te ya xc'opojic ta sc'op Canaán soc te ya yalic ta jamal te jun yo'tanic ta stojol te Jehová te scuentahinej spisil. Te jun pueblo ya x'a'bot sbihilin Pueblo yu'un Herez.

Génesis 41:45

Te faraón la ya'be yan sbihil te José: Zafnat-panea c'oht yu'un, soc la ya'be yihnamin te Asenat te yantsil-nich'an Potifera te sacerdote ta On. Hich loc' bahel ta spahmal sq'uinal Egipto te José.

Isaías 46:2

Ya snijan sbahic, pajal ya xyahlic ta lum, ma xhu' yu'un scoltaybel sbahic a tey ta ihcatsil, ha'ic nix ya me x'ic'ot bahel ta chuquel.

Jeremías 43:12

Ya me ya'be sc'ahc'al te templohetic yu'un te diosetic yu'un Egipto; ya me ya'be sc'ahc'al soc ya me yic'ticlan bahel ta chuquel te diosetic yu'unique. Ya me spoc te sq'uinal Egipto hich te bin ut'il jtuhl jcanan-tuminchij ya sac' te sc'u'e, hich jun yo'tan ya xloc' bahel.

Jeremías 44:1

Ha sc'op Jehová te tal ta stojol Jeremías te la yalbe sc'oblal spisil te judiohetic te nahinemic ta sq'uinal Egipto, ta Migdol, ta Tafnes soc Menfis, soc ta sq'uinal Patros, hich la yal:

Jeremías 46:25

Hich yaloj te Jehová te scuentahinej spisil, te Dios yu'un Israel: Ya ca'be castigo te Amón te dios yu'un Tebas, te faraón, Egipto soc te diosetic soc te ajwaliletic yu'un, soc te mach'atic smuc'ulinej yo'tanic te faraón.

Ezequiel 26:11

Ya stehc'ticlan ta yoc cawuhetic yu'un spisil te callehetic awu'un. Ya smilbat ta espada te alumale, soc ya xyahl cohel ta lum te tulan bahlal oyetic awu'une.

Daniel 11:8

Soc ya me yich'ic bahel ta Egipto te diosetic yu'unic, ha te loc'ombahetic yu'unic te pasbilic ta uhltesbil taquin, soc yantic biluquetic pasticlambil ta oro soc ta plata. Ay ha'bil te ma ba ya ya'be guerra te ajwalil ta norte.

Isaías 19:1

Ha te bin halbot sc'oblal te Egipto: Ilawil te Jehová mohem ta sba tocal te ya x'ahnimaj bahel, ya x'och bahel ta Egipto. Te loc'ombahetic yu'un Egipto ya xnihquic ta stojol, soc xcham yo'tanic te egipciohetique.

Jeremías 10:11

Hich me xawalbeyic: Te diosetic te ma ba la spasic te ch'ulchan soc te bahlumilal, ya me xch'ayic ta jc'axel ta bahlumilal soc ta ye'tal ch'ulchan, xchihat.

Jeremías 25:19

La jca'be yuch' te faraón ajwalil yu'un Egipto, te a'batetic yu'un, te príncipaletic soc spisil te pueblo yu'un,

Ezequiel 30:13

Hich yaloj te Jehová, te Ajwalil: Ha nix hich ya jinticlan te loc'ombahetic, soc ya jinticlan te loc'ombahetic yu'un Menfis; mayuquix bin ora te ay jcuentahinwanej ta sq'uinal Egipto, soc ya cac' xiwel tey a.

Ezequiel 30:17

Te queremetic yu'un Avén soc yu'un Pibeset ya me xlajic ta espada; soc ya xbahtic ta chuquel te antsetique.