Jeremías 43:12 - Bible in Tzeltal Bachajón

¹² Ya me ya'be sc'ahc'al te templohetic yu'un te diosetic yu'un Egipto; ya me ya'be sc'ahc'al soc ya me yic'ticlan bahel ta chuquel te diosetic yu'unique. Ya me spoc te sq'uinal Egipto hich te bin ut'il jtuhl jcanan-tuminchij ya sac' te sc'u'e, hich jun yo'tan ya xloc' bahel.

Bible in Tzeltal de Oxchuc y Tenejapa

¹² Ya me xchic'bey jilel te temploetic yu'un te lotil diosetic ta Egipto, soc ya yich' chiq'uel jilel te lotil diosetique, o ya x'ich'ot bael jichuc jchuqueletic. Ya me sloq'uesbey sbiluc te sq'uinal Egipto, jich bit'il jtul jcanan-chij ya sloq'uesbey sac-uch'il te sc'u'e, soc jich me ya xbajt' ta ora, ma me ayuc mach'a ya xcomot yu'un.

Jeremías 43:12 Referans Kwoze

Ezequiel 30:13

Hich yaloj te Jehová, te Ajwalil: Ha nix hich ya jinticlan te loc'ombahetic, soc ya jinticlan te loc'ombahetic yu'un Menfis; mayuquix bin ora te ay jcuentahinwanej ta sq'uinal Egipto, soc ya cac' xiwel tey a.

Isaías 49:18

Toya mohel asit, ilawil ta ajoyobal, spisil ya stsob sbahic, ya xtalic ta atojol. Ho'on cuxulon, xchi te Jehová, ya cal ta jamal, ya me alapic spisil ini hich te bin ut'il ch'albil c'u'ul; ha yac ach'al aba a hich te bin ut'il ach'ix te ya xnuhpune.

Isaías 19:1

Ha te bin halbot sc'oblal te Egipto: Ilawil te Jehová mohem ta sba tocal te ya x'ahnimaj bahel, ya x'och bahel ta Egipto. Te loc'ombahetic yu'un Egipto ya xnihquic ta stojol, soc xcham yo'tanic te egipciohetique.

Jeremías 48:7

Te bin ut'il ha smuc'ulinej awo'tanic te awa'telic soc ac'ulejalic, ha nix hich ya me awich' tsaquel. Te Quemos ya x'ic'ot bahel ta chuquel soc te sacerdotehetic soc te príncipaletic yu'une.

Jeremías 46:25

Hich yaloj te Jehová te scuentahinej spisil, te Dios yu'un Israel: Ya ca'be castigo te Amón te dios yu'un Tebas, te faraón, Egipto soc te diosetic soc te ajwaliletic yu'un, soc te mach'atic smuc'ulinej yo'tanic te faraón.

Salmos 104:2

Te Dios potsbil ta sacal q'uinal hich te bin ut'il c'u'ul; ha ya slim te ch'ulchan hich te bin ut'il pac',

Job 40:10

Ch'ala aba ta smuc'ul awu'el soc awutsilal, c'u'ina te ich'el ta muc' soc at'ujbilal.

Ester 6:9

patil ac'a ya'beyic te nahtil-c'u'ul soc te cawu ta sc'ab jtuhl príncipal te mero muc' sc'oblal yu'un te ajwalil, ac'a ya'beyic slap sc'u' te mach'a ya sc'an ya x'ac'ot ta ich'el ta muc' yu'un te ajwalil, ac'a yac' behenuc ta cawu ta plaza yu'un te pueblo soc hich ac'a yich' halel ta stojol: ¡Hich ya yich' pasbeyel te winic te ya x'ac'ot ta ich'el ta muc' yu'un te ajwalil! xchi te Amán.

2 Samuel 5:21

Te filisteohetic la yihquitayic hilel tey a te loc'ombahetic yu'unic, te David soc te winiquetic yu'un la schic'ticlanic.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Colosenses 3:14

Ta sba spisil ini, lapahic te c'uxul-o'tanil, te ha ya xchuc spisil te jun ya xc'ohtic ta mero smelelil.

Colosenses 3:12

Ha yu'un, ha'ex te tsahbilex yu'un Dios, te ch'ultesbilex soc c'uxultaybilex, lapahic te c'uxultaywanej, lequil-o'tanil, peq'uel-o'tanil, manso-o'tanil, soc ac'a cuhchuc awu'unic.

Efesios 6:11

Lapahic spisil te mahquilal yu'un Dios scuenta yu'un ay yip awo'tanic te hich ma ba ya stsalat a te lo'loyel yu'un te pucuje.

Efesios 4:24

soc lapahic me te yach'il cuxlejal, te hich pasbil te bin ut'il ay te Diose, te toj bin ya spas soc te ch'ultesbil ta smelelil.

Romanos 13:12

C'uhbenix ahc'abal, nopol ya sacub te q'uinale. Ha yu'un ac'a jch'aytic hilel te bin scuenta te yihc'al q'uinal, ha ac'a jchahpan jbahtic soc te a'tejibaletic yu'un te sacal q'uinale.

Sofonías 2:11

Te Jehová xiweltic sba ya xc'oht ta stojolic, ya sjinticlan spisil te diosetic ta q'uinal; spisil te nacionetic ta sti'il te q'uinal ya me squejan sbahic ta stojol tey nix ta banti ayique.

Jeremías 51:44

Hich ya yal te Jehová: Ya me ca'be castigo te Bel ta Babilonia, ya ca'be xehtay loq'uel te bin sbic'oje. Te nacionetic ma ba ya xtaliquix ta stojol; ya xjihn cohel te sts'ahcul te Babilonia.

Jeremías 50:2

Pucahic ta halel ta stojol te nacionetic, a'beya sna'ic; toyahic bandera, halbeyahic sc'oblal, ma me xamuquic, hich me xawal: ¡Och ta c'abal te Babilonia! ¡Ay ta q'uexlal te Bel! ¡Nojel ta xiwel te Marduc! La yich'ic q'uexlaltesel te loc'ombahetic yu'un, jimbilic te sloc'ombahic, xchihex me.

Isaías 61:10

Bayel yutsil co'tan ta stojol Jehová, ay yutsil yo'tan jch'uhlel ta stojol te Dios cu'une; como la ya'bon jlap sc'u'ulel colel soc la sjoytayon yu'un pac' scuenta bin stojil ta pasel, hich te bin ut'il lecolil te ya xnuhpun te ya sch'ahl sjol ta corona, hich te bin ut'il ach'ix te ya xnuhpun te ya sch'ahl sba ta sch'ahlelaletique.

Isaías 61:5

Te jyanlumetic ya scanantayic te tuminchijetic awu'unic, ya x'a'tejic ta aq'uinal soc ta ts'usubiltic awu'unic.

Isaías 59:17

La slap bin stojil ta pasel hich te bin ut'il smahquil stahn, soc la smac sjol a te ta colele; la slap c'u'ul yu'un ya'beyel spacol soc hich la smuc sba ta xut'et yo'tan te bin ut'il smahquil pac'.

Isaías 52:1

¡Wic'a asit, wic'a asit, ich'a awip, Sión! Lapa at'ujbil c'u', ha'at Jerusalén, te ch'ul pueblo; como mayuc bin ora ya xtal xan ta atojol te mach'a ma ba yich'oj circuncisión o te bohloben sc'oblal.

Isaías 46:1

¡La squejan sba te Bel, la snijan sba te Nebo! Te loc'ombahetic yu'unic cuchbilic bahel ta chambahlametic, ta chambahlametic yu'un ihcatsijel. Al te bintic ya yich'ic cuchel, al ihcatsil yu'un te chambahlametic te luhbenique.

Isaías 21:9

¡Ilawil, yac ta talel winiquetic cajajtic, cha'cha'tuhlic scholoj sbahic! xchi. Patil hich la yal: ¡Yahlix, yahlix te Babilonia! Te loc'ombahetic yu'un te diosetic yu'un wuyiquix ta lum, xchi.

Salmos 132:18

Te scontratac ya ca'be sc'u'inic q'uexlal, yan stuquel xlipet te scorona, xchi.

Salmos 132:16

Te sacerdotehetic yu'un ya ca'be sc'u'inic te colele, soc te mach'atic yu'un te ch'ultesbilic ya me xc'ayojinic soc yutsil yo'tanic.

Isaías 46:2

Ya snijan sbahic, pajal ya xyahlic ta lum, ma xhu' yu'un scoltaybel sbahic a tey ta ihcatsil, ha'ic nix ya me x'ic'ot bahel ta chuquel.

Jeremías 43:13

Ya me swuyticlan te bahlal tonetic yu'un Heliópolis te ay ta sq'uinal Egipto, soc ya me ya'be sc'ahc'al te templohetic yu'un te diosetic yu'un Egipto, xchi.

Jeremías 49:27

Ya ca'be sc'ahc'al te ts'ahquetic yu'un Damasco, ya slajin te muc'ul nahetic yu'un Ben-adad, xchi.

Ezequiel 29:11

Ma ba ya xc'ax yoc ants-winic o yoc chambahlam tey a; cha'winic (40) ha'bil mayuc mach'a ya xnahin tey a.

Daniel 11:8

Soc ya me yich'ic bahel ta Egipto te diosetic yu'unic, ha te loc'ombahetic yu'unic te pasbilic ta uhltesbil taquin, soc yantic biluquetic pasticlambil ta oro soc ta plata. Ay ha'bil te ma ba ya ya'be guerra te ajwalil ta norte.

Jeremías 10:11

Hich me xawalbeyic: Te diosetic te ma ba la spasic te ch'ulchan soc te bahlumilal, ya me xch'ayic ta jc'axel ta bahlumilal soc ta ye'tal ch'ulchan, xchihat.

Jeremías 10:15

Ma xtuhun, tojol a'tel; ta yorahil yich'el castigo, ya xlaj.

Jeremías 25:19

La jca'be yuch' te faraón ajwalil yu'un Egipto, te a'batetic yu'un, te príncipaletic soc spisil te pueblo yu'un,

Ezequiel 29:19

Ha yu'un hich yaloj te Jehová, te Ajwalil: Ya ca'be yu'untay Egipto te Nabucodonosor ajwalil yu'un Babilonia; ya me yich'be bahel te sc'ulejal, ya spojbe sbiluc soc ya yelc'ambe te bintic ay yu'une, ha stojol te soldadohetic yu'une.