Jeremías 43:10 - Bible in Tzeltal Bachajón

¹⁰ Hich me xawalbe: Hich yaloj te Jehová te scuentahinej spisil, te Dios yu'un Israel: Ya jticon ta iq'uel tal te ca'bat Nabucodonosor ajwalil yu'un Babilonia, ya ca'be shuctajib ta sba te tonetic ini te la jmuque, soc ya slim bahel te axinal pac' yu'un ta sba.

Bible in Tzeltal de Oxchuc y Tenejapa

¹⁰ Albeya: “Te Cajwaltic te Spisil ya xju' yu'une, te Dios yu'un Israel, ya yal: ‘Ya me cac' xtal te cabat Nabucodonosor muc' ajwalil yu'un Babilonia. Jo'on ya cac' li'to te smuc'ul nactijib soc axinal pac' ta swenta ajwalil, ta sba te tonetic la yich'ic muquele.

Jeremías 43:10 Referans Kwoze

Jeremías 1:15

Yac quic'bel tal spisil ta chahp ants-winiquetic te ban c'alal ya xcuentahinwan ajwaliletic ta stojol norte, xchi te Jehová. Ya me xtalic te ajwaliletic yu'unic, ya me schahpan shuctajibic ta yochibal te Jerusalén ta stojol spisil sts'ahcul te ay ta sjoyobal soc ta scontrahinel spisil te pueblohetic yu'un Judá.

Isaías 44:28

Ho'on me te ya calbe sc'oblal te Ciro: Ha jcanan-tuminchij cu'un, ya spas spisil te bintic ya sc'an co'tan, hich ya yalbe te Jerusalén: Ya me awich' xan pasel, xchi, soc hich ya yalbe te templo: Ya me yich' pasel awich'o-ip, xchi.

Salmos 31:20

Ta banti muquen ay ta atojol tey yac anac'ticlan a ta stojol te bin chopol schahpanej te winiquetique; yac anac'ticlan ta Anahilpac' ta stojol te chopol c'opetique.

Salmos 27:5

Ya me snac'on ta Nahilpac' Templo yu'un ta yorahil wocol; ya me yac'on ta mero yutil te sna; toyol me ya yac'on ta sba muc'ul ton.

Salmos 18:11

La spots sba ta yihc'al q'uinal, ha smahquil c'oht ta sjoyobal; ha te yihc'al tocal ta ch'ulchan te nojel ta ha'.

San Mateo 22:7

C'alal hich la ya'iy te ajwalil, ilin yu'un, la sticon bahel soldadohetic yu'un, la slajin te jmilawetic soc la schic'be te pueblo yu'unique.

Daniel 2:21

Ha ya syanijtes te tiempohetic soc te ha'biletic; ya sloq'ues soc ya yotses ajwaliletic, ya ya'be sp'ijil yo'tan te mach'atic ay sp'ijilic, ya ya'be sna'ojibal te mach'atic ay bintic sna'ojique.

1 Reyes 20:16

Loq'uic bahel ta ohlil c'ahc'al, te c'alal jun yo'tan yacalic ta yacubel ta snahilpaq'uic a te Ben-adad soc te lahchayeb scha'winic (32) ajwaliletic sjoquinej.

1 Reyes 20:12

Te c'alal la ya'iy te c'op ini te Ben-adad, yac ta uch'el a soc te ajwaliletic ta snahilpaq'uic, hich la yalbe te a'batetic yu'un: ¡Chahpana abahic ta guerra! xchi. Hich la schahpan sbahic ta ya'beyel guerra te Samaria.

Isaías 45:1

Te Jehová hich ya yalbe te Ciro, te mach'a tsahbil yu'un, te la jtsac ta swa'el-c'ab yu'un ya cac' scuentahin te nacionetic soc yu'un ya spojbe ya'tejibic yu'un guerra te ajwaliletic; yu'un ya jambe puertahetic ta stojol, puertahetic te ma ba ya yich'ic maquel:

Jeremías 43:9

Ta sitic te ants-winiquetic yu'un Judá, tsaca cha'oxpis muc'ul tonetic, mucticlana ta ahch'al ta be pasbil ta ladrillo ta yochibal te sna faraón ta Tafnes.

Jeremías 46:13

Te sc'op Jehová te la yalbe te jalwanej Jeremías sc'oblal te ya xtal te Nabucodonosor ajwalil yu'un Babilonia yu'un ya yochintay te sq'uinal Egipto:

Ezequiel 5:12

Ya me xlaj jun ta yoxebal ta jmilawal-chamel soc ya me xchamic ta wi'nal ta awohlil; jun ta yoxebal ya xlaj ta espada ta ajoyobal; soc jun ta yoxebal ya jpuc bahel ta ic'; soc ya jloq'ues te espada ta sna, ya jnuts bahel a.

Jeremías 49:38

Ya cac' muc'ul huctajibal cu'un ta Elam, soc ya jlajimbe te ajwalil soc te príncipaletic yu'une, xchi te Jehová.