Jeremías 42:6 - Bible in Tzeltal Bachajón

⁶ Chican teme lec o teme ma lecuc, ya jch'uhumbecotic te Jehová te Dios cu'untic te ya jticonatcotic bahel ta stojole, scuenta yu'un hich lec ya xc'ohotic a, yu'un te ya jch'uhumbecotic sc'op te Jehová te Dios awu'une, xchihic.

Bible in Tzeltal de Oxchuc y Tenejapa

⁶ Chican teme ya jmulantic, o ma jmulantic, ya me jch'uunbeytic sc'op te Cajwaltic Diose te la jc'antic te ya ac'oponbotique, swenta yu'un jich me lec ya xc'ootic ta loq'uel —xiic ta yalel.

Jeremías 42:6 Referans Kwoze

Jeremías 7:23

Pero la jcalbe te mandar ini: Ch'uhumbonic te jc'ope, hich Dioson awu'unic ya xc'ohon soc ha'ex pueblo cu'un ya xc'ohex. T'unahic bahel spisil te behetic te la jcalbeyexe, scuenta yu'un lec ya xc'ohex a, xchihon.

Deuteronomio 5:29

¡Te hichuc ay yo'tanic spisil ora, te yacuc xi'onic soc te yacuc sch'uhumbonic spisil ora te mandariletic cu'un, scuenta yu'un lec ya xc'ohtic soc yal-snich'nabic ta spisil ora!

Romanos 8:7

Como te mach'a ya ya'telin sna'ulanel te bintic scuenta ch'ich'-baq'uet, scontrahinej Dios abi, yu'un ma ba ya yac' sba ta cuentahinel yu'un te Ley yu'un Dios, soc ma ba ya xhu' yu'un;

Deuteronomio 5:33

Behenanic ta be te la spasex ta mandar te Jehová te Dios awu'unic, scuenta yu'un hich ya xcuxajex soc lec ya xc'ohex a, soc te naht aworahil ya xnahinex tey ta q'uinal te yac awu'untayique.

Romanos 7:13

¿Yu'un bal ha la yac'on ta lajel te bin leque? ¡Ban c'an hichuc! Pero scuenta yu'un ya xchicnaj te ha mulil, la yac'on ta lajel ta scuenta te bin lec, scuenta yu'un ta scuenta te mandaril c'ax chopol c'oht te mulile.

Romanos 7:7

¿Bin ya caltiquix yu'un a hiche? ¿Mulil bal te Ley? ¡Ban c'an hichuc! Te manchuc ay te Ley, ma ba la jna' bin a te mulil te hichuque. Ma ba la jna' bin a te bic'tal-o'tanil te manchuc hich ya yal ta Ley: Ma me xbic'taj awo'tanic, te xchihe.

Isaías 3:10

Halbeya te mach'a toj te lec ya xc'oht ta loq'uel, como ya me swe'be sit te ya'tel sc'ab.

Salmos 128:2

Te c'alal awe'be sit te ya'tel ac'ab, bayel me awutsil soc lec ya xc'ohat.

Josué 24:24

Te pueblo la sjac'beyic sc'op te Josué: Te Jehová te Dios cu'untic ya me cac' jbahcotic ta a'batinel yu'un soc ya me jpascotic te bin ya yalbotcotic, xchihic.

Éxodo 24:7

Patil la stsac te libro yu'un te chapbil-c'op, la yilbe ya'iy te pueblo; hich la yalic yu'un: Ya jpascotic spisil te bin yalojix te Jehová, ya jch'uhuncotic spasel, xchihic.

Deuteronomio 5:27

Nohpojan bahel ha'at, a'iya awa'iy bin ya yal te Jehová te Dios cu'untic. Ha'at yac awalbotic ca'iycotic spisil te bintic ya yalbat te Jehová te Dios cu'untic, te ho'otcotic ya ca'iycotic soc ya jpascotic, xchihex.

Jeremías 22:15

¿Ha bal ajwalilat ya xc'ohat yu'un te joytaybilat ta cedro? ¿Ma bal we' uch'uc te atat, soc la spas te bin toj ta pasel, hich lec c'oht ta loq'uel?

Jeremías 43:4

Ha yu'un te Johanán snich'an Carea, spisil te capitanetic yu'un te soldadohetic soc spisil te ants-winiquetic ma ba la sch'uhunic te bin la yal te Jehová te ya me xhilic ta sq'uinal Judá.

Salmos 78:36

La yutsil-c'optayic, pero la spasic ta lot;