Jeremías 42:16 - Bible in Tzeltal Bachajón

¹⁶ te espada te yac axi'ic ya me stahex c'ohel tey a ta sq'uinal Egipto, soc te wi'nal te yac axi'ic ya me st'unex bahel tey a, tey ya xchamex a.

Bible in Tzeltal de Oxchuc y Tenejapa

¹⁶ tey nix me ya staex c'oel a te lajel yu'un guerra soc wi'nal te mero bayal ya axi'ique.

Jeremías 42:16 Referans Kwoze

Ezequiel 11:8

La axi'ic te espada, ha nix espada te ya cac' ta atojolic, xchi te Jehová, te Ajwalile.

Jeremías 44:27

como yacon ta yilel ta stojolic te ya ca'be te bin chopol, ma ha'uc te bin leque. Spisil te winiquetic yu'un Judá te ayic ta sq'uinal Egipto ya me xlajic ta espada soc ta wi'nal, ha to c'alal ya xlaj spisilic.

San Juan 11:48

Teme hich nax ya xhil cu'untic, spisilic ya sch'uhunic, soc hich ya xtal te romanohetic, ya me sjimbotic te ch'ul awilal cu'untic soc te nación cu'untique, xchihic.

Zacarías 1:6

Pero te c'opetic soc te mandariletic cu'un te la jcalbe ta mandar te jalwanejetic te a'batetic cu'un, ¿ma bal la stahic te ame'atatique? Ha yu'un la suhtes yo'tanic te ame'atatic, hich la yalic: Te Jehová te scuentahinej spisil hich la spasbotic te bin ut'il la sc'an te behetic soc te a'teliletic cu'untique, xchihic.

Jeremías 42:13

Yan teme hich yac awalic: Ma ba ya xhilotic ta q'uinal ini, teme xchihexe, te hich ma ba yac ach'uhumbeyic te sc'op Jehová te Dios awu'unic,

Proverbios 13:21

Te bin chopol ha ya snuts te jmulawiletique, yan te mach'atic toj yo'tanic ya x'a'botic smahtanin te bin leque.

Deuteronomio 28:45

Spisil te chopol c'oblaliletic ini ya me xtal ta atojol, ya me snutsat soc ya me stahat ha to teme ya xch'ayat bahel, ta scaj te ma ba la awa'iybe sc'op te Jehová te Dios awu'un, ma ba la ach'uhun spasel spisil te mandariletic te la yalbat ta mandar.

Deuteronomio 28:22

Te Jehová ya me sticombat tal sac-obal, c'ahc', siht'el, sc'uxul c'ahc'al, taquin q'uinal, wocol te repente nax ya xtal, soc stotol ats'unub-awawal; ya me snutsat ha to c'alal ya xch'ayat bahel.

Deuteronomio 28:15

Pero teme ma ba yac awa'iybe sc'op te Jehová te Dios awu'un, teme ma ba yac ac'ohtes ta pasel spisil te mandariletic soc te bintic chapal yu'un te yac calbelat ta ora ini, ya me xtal ta atojol soc ya me stahat spisil te chopol c'oblaliletic ini:

Jeremías 27:8

Teme ay nación o ajwalil te ma ba ya yac' sba ta a'batinel yu'un te Nabucodonosor ajwalil yu'un Babilonia, te ma ba ya yac' ta snuc' te yugo yu'un te ajwalil yu'un Babilonia, ya ca'be castigo ta espada, ta wi'nal soc ta jmilawal-chamel ha to c'alal ya xlaj ta sc'ab, xchi te Jehová.

Jeremías 41:18

ta scaj te caldeohetique. Ha la xi'ic yu'un te milot yu'un Ismael te Gedalías te otsesot ta gobernador ta slumal yu'un te ajwalil yu'un Babilonia.