Jeremías 42:11 - Bible in Tzeltal Bachajón

¹¹ Ma me xaxi'ic te ajwalil yu'un Babilonia, te yac axi'belic ta ora ini. Ma me xaxi'ic, xchi te Jehová, yu'un ya joquinejex yu'un ya jcoltayex soc ya jloq'uesex ta libre ta sc'ab.

Bible in Tzeltal de Oxchuc y Tenejapa

¹¹ Ma x'axi'ic te muc' ajwalil yu'un Babilonia, te bayal ay ta xi'el awu'unique. Ma me x'axi'ic, melel joinejex ta jcoltabelex, soc ya jloq'uesex ta sc'ab. Jo'on Ajwalilon, jich ya cal.

Jeremías 42:11 Referans Kwoze

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

Jeremías 1:19

Ya me ya'bat guerra, pero ma ba ya stsalat, como ya joquinat yu'un ya cac'at ta libre, xchi te Jehová.

Jeremías 1:8

Ma me xiwat ta stojolic, como joquinejat yu'un ya jcoltayat, xchi te Jehová.

Isaías 43:5

Ma me xiwat, como joquinejat; ya quic'bat tal awal-anich'nabic ta stojol banti ya xloc' tal c'ahc'al soc ya jtsobat tal c'alal ta smahlib c'ahc'al.

Isaías 43:2

Te c'alal ya xc'axat ta ha'etic, ho'on ya joquinat; te c'alal ya c'axat ta muc'ul-ha'etic, ma ba ya smulat. C'alal ya xc'axat ta c'ahc', ma ba ya xchic'at; ma ba ya spetat te yat c'ahq'ue.

2 Timoteo 4:17

Pero ay ta jts'ehl te Cajwaltic soc la ya'bon quip, scuenta yu'un hich ts'acal la yich' halel te Sc'op Dios ta jcuenta, yu'un hich me ya ya'iyic spisil a te jyanlumetique. Hich colon ta ye jti'awal choj.

Jeremías 41:18

ta scaj te caldeohetique. Ha la xi'ic yu'un te milot yu'un Ismael te Gedalías te otsesot ta gobernador ta slumal yu'un te ajwalil yu'un Babilonia.

Jeremías 27:17

Ma me xawa'iybeyic te sc'opique; ac'a abahic ta a'batinel yu'un te ajwalil yu'un Babilonia, hich ya xcuxajex. ¿Bin yu'un ya yich' jinel te pueblo ini?

Jeremías 15:20

Ya cac' te ha tulan ts'ahc pasbil ta bronce ya xc'ohat ta stojol te pueblo ini; ya ya'bat guerra, pero ma ba ya stsalat, como joquinejat yu'un ya jcoltayat soc yu'un ya cac'at ta libre, xchi te Jehová.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Salmos 46:11

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Josué 1:5

Mayuc mach'a ya xhu' ya stsalat te jayeb c'ahc'al cuxulat. Hich te bin ut'il la joquin te Moisés, ha nix hich ya joquinat; ma ba ya quihquitayat soc ma ba ya jpihtesat.

Deuteronomio 20:4

como te Jehová te Dios awu'unic ya me sjoquinex yu'un ya ya'be guerra te acontrahic, yu'un hich ya scoltayex a.

Números 14:9

Ha yu'un ma me xatoy abahic ta scontrahinel Jehová soc ma me xaxi'ic te yajwal te q'uinale, como te ho'otic ya me jwe'tic hichuc pan. Mayuquix canantayel yu'unic, yan te ho'otic sjoquinejotic te Jehová; ma me xaxi'ic, xchihic.

Hechos 18:10

como ho'on joquinejat, mayuc mach'a ya xhu' ya yuts'inat, yu'un ay to tsobol ants-winiquetic cu'un li' ta pueblo ini, xchi.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

Jeremías 27:12

Ha nix hich la jcalbe te Sedequías ajwalil yu'un Judá spisil te c'opetic ini: Ac'a ta anuc' te yugo yu'un te ajwalil yu'un Babilonia; ac'a aba ta a'batinel ta stojol soc ta stojol te pueblo yu'une, hich me ya xcuxajex a.

Salmos 46:7

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

2 Reyes 25:26

Ha yu'un spisil te pueblo, muc' biq'uitetic, soc te capitanetic yu'un soldadohetic bahtic ta Egipto yu'un la xi'ic te caldeohetique.

Salmos 118:6

Sjoquinejon te Jehová; ma xiwon. ¿Bin ya xhu' ya spasbon te winique?

Jeremías 27:11

Yan te nación te ya yac' ta snuc' te yugo yu'un te ajwalil yu'un Babilonia soc te ya yac' sba ta a'batinel yu'une, ya cac' te ya xhil ta sq'uinal, ya schahpan te sq'uinal soc ya xhil ta nahinel tey a, xchi.