Jeremías 42:10 - Bible in Tzeltal Bachajón

¹⁰ Teme ya xhilex ta q'uinal ini, ya ca'beyex awich' awipic, ma ba ya jinex; ya jts'unex, ma ba ya jbulex loq'uel, yu'un ya jsut jc'op yu'un te bin chopol la jpasbeyexe.

Bible in Tzeltal de Oxchuc y Tenejapa

¹⁰ “Teme jich awo'tanic te li' ya xjilex ta lumq'uinal to, ya me cac' esmajuquex; ma ba ya jinexix, tulan ya jts'unex, ma ba ya jbulex xan. Ya jmel co'tan yu'un te bila amen la jticunbeyex ta atojolique.

Jeremías 42:10 Referans Kwoze

Ezequiel 36:36

Hich te nacionetic ta ajoyobal ya me sna'ic te ho'on Jehovahon la jcha'pas xan te bin jihnem soc la jts'unticlan te banti jochol hil; ho'on, Jehovahon, calojix, soc hich me ya jpas.

Jeremías 31:28

Hich te bin ut'il la jtsahtay ta sbulel loq'uel soc ta jinel cohel, ta slajinel, ch'ayel soc ta ya'beyel swocolic, ha nix hich ya jtsahtay ta spasel soc ta sts'unel, xchi te Jehová.

Jeremías 24:6

Ya cac' jsit ta stojolic scuenta yutsil slequilic, soc ya cac' suhtuc talel ta q'uinal ini. Ya ca'be yich' yipic, ma ba ya jinticlan; ya jts'unticlan, ma ba ya jbulticlan.

Joel 2:13

Jata awo'tanic, ma ha'uc xach'i' te ac'u'ique, suhtanic tal ta stojol Jehová te Dios awu'unique, como ay sc'uxul yo'tan, soc ya sna' yo'bolil jbahtic, ma orahuc ya x'ilin soc ay bayel sc'uxul yo'tan, c'ux ya ya'iy te ya yac' castigo.

Amós 7:6

Ha yu'un te Jehová la suht sc'op, hich la yal: Ha nix hich ma ba ya xc'oht ta pasel, xchi.

Jeremías 33:7

Ya cac' suhtuc tal te jchuqueletic yu'un Judá soc yu'un Israel, soc ya jcha'pas xan hich te bin ut'il ayic ta nahil to.

Jonás 4:2

La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

Jonás 3:10

Te Dios la yil te bin la spasic, ha te la suhtes yo'tanic yu'un te chopol be yu'unique, hich la suht sc'op yu'un te bin chopol yaloj te ya spasbe.

Amós 7:3

Ha yu'un te Jehová la suht sc'op, hich la yal: Ma hichuc ya xc'oht ta pasel, xchi.

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

Éxodo 32:14

Ha yu'un te Jehová la suhtes yo'tan yu'un te bin chopol yaloj te ya spasbe te pueblo yu'une.

Hechos 15:16

Ta patil ya xcha'talon xan, ya jcha'pas xan te nahilpac' yu'un David te jihnemixe; ya jchahpan xan te bintic jihnem yu'un, soc ya jcha'tehc'an xan,

Jeremías 26:19

Te Ezequías ajwalil yu'un Judá, soc spisil Judá, ¿la bal smilic te Miqueas? ¿Ma bal ha'uc la yich' ta muc' te Jehová soc la sc'ambe te lecuc yo'tan ta stojol? ¿Ma bal lajuc sut sc'op te Jehová yu'un te bin chopol yaloj te ya spasbe? ¿Ya bal cac' taluc ta jtojoltic te bin c'ax chopole? xchihic.

Salmos 106:45

la sna' xan te chapbil-c'op yu'un ta stojolic, hich la sut sc'op ta scaj te bayel sc'uxul yo'tan.

Salmos 102:16

como te Jehová ya me scha'pas xan te Sión, soc tey ya xchicnaj a te yutsilale.

Salmos 69:35

como Dios ya me scoltay te Sión, soc ya me xcha'pasticlan te pueblohetic yu'un Judá; ya me xnahinic tey a soc ya me yu'untayic.

Salmos 37:3

Ac'a smuc'ulin awo'tan te Jehová soc pasa te bin leque; hich ya x'ayinat ta q'uinal soc yac amulan te bin smelelile.

2 Samuel 24:16

C'alal la shach sc'ab te ch'ul a'bat ta stojol Jerusalén yu'un slajinel, te Jehová la sut sc'op, hich la yalbe te ch'ul a'bat te yac ta lajinwanej: Tiq'uix a; coma te ac'abe, xchi. Te ch'ul a'bat yu'un Jehová ay ta sq'uiyojibal trigo yu'un te Arauna te jebuseo-winique.

Jueces 2:18

Te c'alal ya yac' chicnajuc juecetic te Jehová, joquimbil yu'un Jehová te juez, soc ya scoltay loq'uel ta sc'ab scontrahic te jayeb c'ahc'al cuxul te juez; como te Jehová ya sna'be yo'bolil sbahic c'alal ya ya'iybe yacanic yu'un te mach'atic uts'inotic soc te a'botic swocolic yu'une.

Deuteronomio 32:36

Te Jehová ya me schahpan te pueblo yu'un, soc ya me sna'be yo'bolil sbahic te a'batetic yu'un c'alal ya yil te lajix yipic, soc te mayuquix hilem a'bat o te mach'a libre aye.

Jeremías 27:11

Yan te nación te ya yac' ta snuc' te yugo yu'un te ajwalil yu'un Babilonia soc te ya yac' sba ta a'batinel yu'une, ya cac' te ya xhil ta sq'uinal, ya schahpan te sq'uinal soc ya xhil ta nahinel tey a, xchi.

Jeremías 43:4

Ha yu'un te Johanán snich'an Carea, spisil te capitanetic yu'un te soldadohetic soc spisil te ants-winiquetic ma ba la sch'uhunic te bin la yal te Jehová te ya me xhilic ta sq'uinal Judá.

Jonás 3:4

Te Jonás hahch bahel ta yutil te muc'ul pueblo, jun c'ahc'al behen ochel, hich yac ta yalel: Ta cha'winic c'ahc'al ya me xlaj te Nínive, xchi.