Jeremías 41:16 - Bible in Tzeltal Bachajón

¹⁶ Te Johanán soc spisil te capitanetic yu'un te soldadohetic te joquimbilic yu'un la yic'ticlanic bahel spisil te mach'atic cuxul hilic, te ic'otic loq'uel tal ta chuquel ta Mizpa yu'un te Ismael te c'alal laj smilbel a te Gedalías snich'an Ahicam: ha te soldadohetic, antsetic, alaletic soc eunuco-winiquetic te ic'bilic loq'uel tal ta Gabaón yu'un te Johanán.

Bible in Tzeltal de Oxchuc y Tenejapa

¹⁶ Te Johanán soc spisil te capitanetic yu'un te soldadoetic te sjoinej sbaic soque, la yic' te jayeb soldadoetic, antsetic, alaletic soc te mach'atic tulan yat'elic te la yic' tel ta chuquel te Ismael, te c'alal loc' tel ta Mizpa te bit'il smilojix jilel a te Gedaliase. Spisilic ic'otic sujt'el tel yu'un Johanán c'alal to ta Gabaón.

Jeremías 41:16 Referans Kwoze

Jeremías 42:8

Hich la yic' tal te Johanán snich'an Carea soc spisil te capitanetic yu'un te soldadohetic te joquimbil yu'un, soc spisil te pueblo, muc' biq'uit,

Jeremías 41:10

Patil te Ismael la schucticlan spisil te mach'atic hilemic ta Mizpa, te yantsil-nich'nab te ajwalil soc spisil te ants-winiquetic te hilemic ta Mizpa, te a'botic hilel ta scuenta Gedalías snich'an Ahicam yu'un te Nabuzaradán, capitán yu'un te soldadohetic te ya scanantayic ajwalil. Te Ismael la schucticlan bahel yu'un ya xc'ax bahel ta stojol te amonetique.

2 Reyes 25:23

C'alal la ya'iyic spisil te capitanetic ta Judá soc te winiquetic yu'unic te otsesot ta gobernador te Gedalías yu'un te ajwalil yu'un Babilonia, talic ta stojol te Gedalías ta Mizpa: ha te Ismael snich'an Netanías, Johanán snich'an Carea, Seraías snich'an Tanhumet te talem ta Netofa, soc Jaazanías snich'an jtuhl maacateo-winic soc mach'atic ay yu'unic.