Jeremías 40:3 - Bible in Tzeltal Bachajón

³ Yo'tic la sc'ohtesix ta pasel te bin yaloje. Hich c'oht ta pasel ta atojolic como la ata amulic ta stojol te Jehová, ma ba la awich'beyic ta cuenta te sc'ope.

Bible in Tzeltal de Oxchuc y Tenejapa

³ Ta ora yo'tic la sc'otes ta pasel te sc'ope. Jich c'ot ta pasel ta atojolic te ja'exe, melel la apasic mulil ta stojol te Cajwaltique, ma la awich'beyic ta muc' te sc'ope.

Jeremías 40:3 Referans Kwoze

Romanos 2:5

Pero ta scaj te tonoben awo'tan soc te ma ba suhtem awo'tan, ha'at nix yac atsobel ilimba ta yorahil ya xchicnaj te ilimba soc te stojil chahpanel yu'un Dios,

Jeremías 50:7

Lajinotic yu'un spisil te mach'atic tahotic yu'une; hich la yalic te scontratac: Ma jmulticuc ho'otic, como ha la sta smulic ta stojol Jehová, te banti ya xnahin te bin stojil ta pasel, te ha smuc'ul yo'tanic te sme'static, xchihic.

Romanos 3:19

Jna'ojtic te spisil bintic ya yal te Ley, ha ya yalbe te mach'atic ayic ta scuenta te Ley, scuenta yu'un spisilic ya xmahc yehic soc spisil bahlumilal ya xhil ta scuenta ich'el ta c'op yu'un Dios,

Nehemías 9:33

Pero te ha'at, toj awo'tan yu'un spisil te bintic c'oht ta jtojolcotic; como toj bin la apas, yan te ho'otcotic chopol bin jpasojcotic.

Nehemías 9:28

Pero te c'alal lamalix q'uinal la ya'iyic, la scha'pasic xan te bin chopol ta atojol. Ha yu'un la awihquitay hilel ta sc'ab te scontratac te ha u'untayotic yu'unic. Pero te c'alal cha'suhtic xan tal soc la yawtayat, la awa'iybe sc'opic c'alal ta ch'ulchan, soc ta scuenta sc'uxul awo'tan bayel buelta la acoltay.

Deuteronomio 29:25

Hich me ya sjaq'uic: Yu'un la yihquitayic hilel te chapbil-c'op yu'un Jehová te Dios yu'un te sme'static, ha te c'op la schap soc c'alal la sloq'ues tal ta sq'uinal Egipto;

Jeremías 44:23

Ta scaj te la achiq'uic pom soc la ata amulic ta stojol Jehová soc ma ba la ach'uhumbeyic sc'op te Jehová soc ma ba la at'unic te Ley o te mandariletic o te testigo-c'op yu'une, ha scuentahil te tal ta atojolic te bintic chopol ini, hich te bin ut'il ay c'alal ora ini, xchi.

Jeremías 11:17

Te Jehová te scuentahinej spisil, te mach'a la sts'unat, yalojix mandar te ay bin chopol ya xc'oht ta atojol, ta scaj te bintic chopol spasojic te sna Israel soc te sna Judá, te hich la shachbonic quilimba yu'un te la schic'beyic pom te Baal, xchi.

Jeremías 22:8

Bayel ants-winiquetic ta yantic nacionetic ya me xc'axic bahel ta stojol te pueblo ini, hich ya sjoc'obe sbahic: ¿Bin yu'un te hich pasbot yu'un Jehová te muc'ul pueblo ini? xchihic.

Jeremías 39:16

Bahan halbeya te Ebed-melec te etíope-winic: Hich yaloj te Jehová te scuentahinej spisil, te Dios yu'un Israel: Ya jc'ohtes ta pasel te bin caloj ta stojol te pueblo ini te bin chopol, ma ha'uc te bin leque. Ya xc'oht ta pasel ini ta stojol asit.

Lamentaciones 2:17

Te Jehová la spas te bin snopoj ta yo'tan, la sc'ohtes ta pasel te sc'op te nameyix la schahpambe sc'oblale. La sjin, ma ba la sna' yo'bolil sbahic, la yac' te tse'el yo'tan ta atojol te acontra soc la stoybe yip te acontrataque.