Jeremías 40:11 - Bible in Tzeltal Bachajón

¹¹ Ha nix hich spisil te judiohetic te ayic ta Moab, Amón, Edom soc te yantic nacionetic, c'alal la ya'iyic te ay mach'atic ihquitayotic hilel ta Judá yu'un te ajwalil yu'un Babilonia soc te la yac' te ya xcuentahinotic yu'un te Gedalías,

Bible in Tzeltal de Oxchuc y Tenejapa

¹¹ Jich nix te judioetic te ayic ta Moab, Amón, Edom soc te yantic nacionetique, la yaiyic stojol te la sc'an yo'tan te muc' ajwalil yu'un Babilonia te ay judioetic te la yac' xan jilel ta sq'uinalic, soc te ja' ac'ot jilel ta ajwalil yu'unic te Gedaliase.

Jeremías 40:11 Referans Kwoze

Isaías 16:4

Ac'a sjoquinat ta nahinel te mach'atic yu'un Moab te loq'uemic ta ahnel; ha'ucat ahnibalat yu'unic ta stojol te jlajinwanej. Como ya xlaj te j'uts'inwanej, ay slajibal te jlajinwanej, te jts'o'aw ta teq'uel ya xch'ay ta q'uinal.

Ezequiel 35:15

Te bin ut'il tse'el awo'tan yu'un te bin a'bot yich' te sna Israel, como la yich' jinel, ha yu'un hich ya jpasbat: ¡jimbil ya xhilat, wits Seir, ha'at soc spisil Edom! Ya me sna'ic te ho'on Jehovahon, xchi.

Ezequiel 35:5

Te bin ut'il spisil ora acontrahinej te snich'nab Israel soc la awa'be ta stojol te yip te espada ta yorahil swocolic, ta yorahil te la yich'ic te slajibal castigo yu'un te schopolile,

Ezequiel 25:12

Hich yaloj te Jehová, te Ajwalil: Te Edom, te bin ut'il la sutbe spacol ta stojol te sna Judá, te hich la sta bayel smul a,

Ezequiel 25:8

Hich yaloj Jehová, te Ajwalil: Te bin ut'il hich la yal te Moab soc Seir: Ilawil, te sna Judá pajal soc spisil te nacionetic, te xchihique,

Ezequiel 25:6

Como hich yaloj te Jehová, te Ajwalil: Te bin ut'il la apac' ac'ab soc la amaj ta awoc soc te tse'el awo'tan ta spisil te p'ajel awu'un ta stojol te sq'uinal Israel,

Ezequiel 25:2

Snich'anat winic, ac'a asit awelaw ta stojol te amonetic, halbeya sc'op-jalwanej ta scontrahinel.

Ezequiel 5:12

Ya me xlaj jun ta yoxebal ta jmilawal-chamel soc ya me xchamic ta wi'nal ta awohlil; jun ta yoxebal ya xlaj ta espada ta ajoyobal; soc jun ta yoxebal ya jpuc bahel ta ic'; soc ya jloq'ues te espada ta sna, ya jnuts bahel a.

Ezequiel 5:3

Soc tsaca cha'oxlihc stsotsel ajol, chuca ta yoc te anahtil-c'u'.

Jeremías 24:9

Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

1 Samuel 12:12

Pero te c'alal la awilic te ya xtal ya'beyex guerra te Nahas, te ajwalil yu'un te amonetic, hich la awalbonic: Ma'uc, ac'a scuentahinotcotic ajwalil, xchihex, aunque ha ajwalil awu'unic te Jehová te Dios awu'unique.

1 Samuel 11:1

Patil te Nahas te amon-winic, baht ya'be guerra te Jabes yu'un Galaad. Spisil mach'atic ayic ta Jabes hich la yalbeyic te Nahas: Ya jchap jc'optic, hich ya cac' jbahcotic ta a'batinel awu'un, xchihic.

Números 25:1

Te Israel c'alal ayic ta Sitim a hahch yic' yantsimbeyic te yantsil-nich'nab moabetic,

Números 22:1

Loq'uic bahel te snich'nab Israel, c'oht spas scampamentohic ta spamlej yu'un Moab, ta ti' muc'ul-ha' Jordán, te snuhp'usitayej sba soc Jericó.

Génesis 36:8

Hich c'oht nahinuc ta witsiltic yu'un Seir te Esaú, te Edom yan sbihile.

Números 25:2

te ha ic'otic bahel yu'unic ta banti ya yich' a'beyel milbil smahtan te diosetic yu'unique. We'ic te israeletic soc la squejan sbahic ta stojol te diosetic yu'unique.

Isaías 11:14

ya x'anumajic bahel ta scontrahinel te filisteohetic ta smahlib c'ahc'al, soc ya spojbeyic sbiluquic te mach'atic ayic ta stojol sloq'uib c'ahc'al. Te Edom soc Moab ya me yac' sbahic ta a'batinel yu'unic, soc ya me xch'uhumbot sc'op yu'un te sts'umbal Amón.

Jeremías 9:26

ha te Egipto, te Judá, Edom, Amón soc Moab, soc spisil te mach'atic ya xnahinic ta jochol taquin q'uinal te ya sloq'ues te stsotsel sjolic ta xuhc schiquinique. Como spisil te nacionetic ini ma ba yich'ojic circuncisión ta smelelil, soc ha nix hich te pueblo Israel ma ba yich'ojic circuncisión ta yo'tanic, xchi.

Jeremías 41:10

Patil te Ismael la schucticlan spisil te mach'atic hilemic ta Mizpa, te yantsil-nich'nab te ajwalil soc spisil te ants-winiquetic te hilemic ta Mizpa, te a'botic hilel ta scuenta Gedalías snich'an Ahicam yu'un te Nabuzaradán, capitán yu'un te soldadohetic te ya scanantayic ajwalil. Te Ismael la schucticlan bahel yu'un ya xc'ax bahel ta stojol te amonetique.

Jeremías 43:5

Te Johanán snich'an Carea soc spisil te capitanetic yu'un te soldadohetic la stsobic spisil te mach'atic hilemic yu'un Judá, te suhtemiquix tal ta spisil te nacionetic te banti puhquemic yu'un ya xnahinic ta sq'uinal Judá,

Ezequiel 34:6

Te tuminchijetic cu'un howiyemic ta behel ta spisil te witsiltic soc spisil te toyol tsehletique. Puhquic bahel ta spahmal bahlumilal te tuminchijetic cu'un, mayuc mach'a la sle soc mayuc mach'a la sjoc'oy ta scuenta.

Jeremías 43:6

ha te winiquetic, antsetic, alaletic, te yantsil-nich'nab te ajwalil, te jalwanej Jeremías soc Baruc snich'an Nerías soc spisil te mach'atic ihquitayotic hilel yu'un Nabuzaradán, capitán yu'un te soldadohetic te ya scanantayic ajwalil, ta stojol Gedalías snich'an Ahicam.