Jeremías 4:4 - Bible in Tzeltal Bachajón

⁴ Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

Bible in Tzeltal de Oxchuc y Tenejapa

⁴ Ants-winiquetic ta Judá soc Jerusalén, ac'a abaic ta yich'el circuncisión soc na'bonic jba te Awajwalonique, ac'a ta awo'tanic te smarcail te tratoe. Ma me ta scajuc amen awat'elic te tey ya xtil jajch'el jichuc c'ajc' te quilimbae, ya me xtil te ma'yuc mach'a ya xju' yu'un stubele.

Jeremías 4:4 Referans Kwoze

Deuteronomio 10:16

Pasahic circuncisión ta awo'tanic, ma me xawac' tonobuc xan awo'tanic.

Colosenses 2:11

Ha nix ta scuenta te la awich'ic te circuncisión te ma pasbiluc ta c'abal, awich'ojic te circuncisión yu'un Cristo, ha te hilix awu'unic te apoco'-talelic yu'un mulil.

Deuteronomio 30:6

Te Jehová te Dios awu'un ya ya'bat circuncisión ta awo'tan soc ta yo'tanic te patil al-nich'aniletic awu'un, scuenta yu'un c'ux yac awa'iy ta awo'tan te Jehová te Dios awu'un ta spisil awo'tan soc ta spisil ach'uhlel, scuenta yu'un hich ya xcuxajat a.

Jeremías 9:26

ha te Egipto, te Judá, Edom, Amón soc Moab, soc spisil te mach'atic ya xnahinic ta jochol taquin q'uinal te ya sloq'ues te stsotsel sjolic ta xuhc schiquinique. Como spisil te nacionetic ini ma ba yich'ojic circuncisión ta smelelil, soc ha nix hich te pueblo Israel ma ba yich'ojic circuncisión ta yo'tanic, xchi.

Jeremías 21:12

Sts'umbalex David, hich ya yal te Jehová: Stojil me xawa'iyic chahpanwanej ta sab, ac'ahic ta libre te mach'a tembil yu'un te j'uts'inwanej, scuenta yu'un ma ba ya xloc' talte quilimba hich te bin ut'il c'ahc'te ya xtihl te mayuc mach'a ya xhu' yu'un stup'el, ta scaj te chopol awa'telique.

Amós 5:6

Lehahic te Jehová, hich ya xcuxajex; teme ma'uque, ha ya xc'ax bahel ta sna José hich te bin ut'il c'ahc', ya xlajinot yu'un, mayuc mach'a ta Bet-el te ya stup'.

Sofonías 2:2

te c'alal ma to ba c'ohem ta pasel a te bin chapbil soc te hich ya xc'ax bahel te sc'ahc'alel te bin ut'il suhlil trigo; c'alal ma to ba c'ohem ta atojolic a te tulan sc'ahc'al yilimba te Jehová; c'alal ma to ba c'ohem ta atojolic a te sc'ahc'alel yilimba te Jehová.

Ezequiel 20:33

Ho'on cuxulon, xchi te Jehová, te Ajwalil, ya jcuentahinex ta scuenta yip jc'ab soc te hachbil jc'ab, soc ta scuenta quilimba.

Ezequiel 24:13

Te abohlil ha te bin chopol yac amulan. La jc'an la jpocat pero ma ba pocbil c'ohat yu'un abohlil; ma ba pocbil ya xc'ohat ha to c'alal ya xc'ax co'tan te quilimba ta atojol.

Lamentaciones 4:11

Te Jehová ts'acal c'oht te yilimba, la smal cohel te sc'ahc'al yo'tan, la ya'be sc'ahc'al te Sión te la slajin c'alal ta yich'o-ip.

Ezequiel 24:8

Scuenta yu'un ya xtohy xan ilinel, scuenta yu'un yaq'uel spacol, ya cac' ta sba ch'ulul ton te sch'ich'ele, scuenta yu'un ma ba ya yich' muquel a.

Ezequiel 16:38

Ya jchahpambat hich te bin ut'il ya sc'an j'antsinel-ants soc te mach'a ya smal ch'ich', ya jmalat ta ch'ich' yu'un quilimba soc yu'un xut'et co'tan.

Ezequiel 8:18

Ha yu'un ya me x'a'tejon soc sc'ahc'al quilimba; ma ba ya jpasbe perdón, ma ba ya jna'be yo'bolil sbahic. Aunque tulan ya x'awonic ta jchiquin, ma ba ya ca'iybe sc'opic, xchi te Jehová.

Ezequiel 6:12

Te mach'a namal, ay ya xcham ta jmilawal-chamel; te mach'a nopol ay, ya xlaj ta espada; te mach'a cuxul ya xhil, ya xcham ta wi'nal. Hich me ts'acal ya xc'oht te quilimba ta stojolique.

Jeremías 36:7

Ya wan xc'oht ta stojol Jehová te bin ya yalic wocol yu'un, soc jujutuhl ya wan yihquitayic hilel te chopol be yu'unique; como muc' te yilimba soc sc'ahc'al yo'tan te Jehová te ya xhul ta stojol te pueblo ini, xchi.

Jeremías 23:19

Ilawil, te tulan yic'al ha'al yu'un Jehová tulan ya xloc' bahel; tulan sutu-ic' ya xc'oht ta stojol te mach'atic chopolique.

Jeremías 21:5

Ho'on jachoj jc'ab ta ya'beyelex guerra soc yip jc'ab, soc quilimba soc smuc'ul sc'ahc'al co'tan.

Isaías 51:17

Wic'a asit, wic'a asit, hahchan, Jerusalén, ha'at te la awuch'be yilimba ta copa te ay ta sc'ab te Jehová, te la awuch' spisil te copa te ya yac' te xhanlajanic ya xbehenic yu'une.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Ezequiel 21:17

Ha nix hichon ya jpac' jc'ab, ya cac' lahmajuc te quilimba. Ho'on, Jehovahon, calojix, xchi.

Ezequiel 18:31

Ch'oja bahel spisil te bintic ac'axuntayejic te la atahic mulil yu'une, pasahic ta yach'il te awo'tanic soc yach'il espíritu awu'unic. ¿Bin yu'un ya xlajat, pueblo Israel?

Deuteronomio 32:22

Como tihlix hahchel sc'ahc'al quilimba, ya me schic' c'alal ta sc'ubulil yawil mach'atic chamenic; ya slajin te q'uinal soc te bintic ya sitin tey a, ya yac'ticlambe sc'ahc'al te yich'o-ip te witsiltique.

Romanos 2:25

Melel ay stuc te circuncisión teme yac ach'uhun spasel te Ley; yan teme yac ac'axuntay te Ley, hich c'ohem te ma ba awich'oj circuncisión.

Levítico 26:41

te ha la jcontrahinic yu'un soc te la cac' ochuquic ta sq'uinal te scontrahic, teme ya spehc'an te yo'tanic te ma ba yich'ojic circuncisión, teme ya sna'ic te ay smulique,

Isaías 10:17

Te sacal q'uinal yu'un Israel ya sutp'ij ta c'ahc', te Ch'ul Dios yu'unic ya sutp'ij ta yat c'ahc' te ta junax c'ahc'al ya schic' soc ya slajin te pimil ch'ixetic soc te ch'ixetic yu'une.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

Jeremías 9:25

Ya me sta sc'ahc'alel, xchi te Jehová, te ya ca'be castigo spisil te mach'atic ha nax yich'ojic circuncisión ta scuenta sbaq'uetalic:

Jeremías 44:22

Te Jehová ma ba cuhchix yu'un te schopolil awa'telic soc te bintic ilobtic sba te la apasique; ha yu'un te jihnemix te aq'uinalic, te sutp'ij ta bin xiweltic sba soc ta bin chopol c'oblalil, te mayuquix mach'a nahinemic tey a, hich te bin ut'il ay c'alal ora ini.

Ezequiel 44:7

La awaq'uic ochel jyanlumetic ta ch'ul awilal cu'un, ha te mach'atic ma ba yich'ojic circuncisión ta yo'tanic soc ta sbaq'uetalic, la abohlobtesbeyic sc'oblal te ch'ul awilal cu'un c'alal yac awa'bonic jmahtanin we'elil, sjuhp'el soc ch'ich', soc la ajimbonic te chapbil-c'op cu'un ta scuenta spisil te bintic ilobtic sba awu'unique.

2 Crónicas 34:25

ta scaj te la yihquitayonic soc la schic'beyic pom te yantic diosetic, hich la shachbonic quilimba a yu'un spisil te bintic la spasique. Ha yu'un ya xtal quilimba ta stojol te lugar ini, ma ba ya xtup'.

Jeremías 15:14

Ya cac'at ta mosohil yu'un acontratac ta q'uinal te ma xana'be sba, como ta scuenta te quilimba tsumbilix c'ahc' te ya xtihl ta atojolic, xchi te Jehová.