Jeremías 4:29 - Bible in Tzeltal Bachajón

²⁹ Ta scuenta yawic te mach'atic mohemic ta cawu soc te mach'atic ya yaq'uic t'ihmalte', spisil te pueblohetic ya xloq'uic ta ahnel; ya snac' sbahic ta pimil q'uinal, ya xmohic bahel ta toyol tontiquil; spisil te pueblohetic ihquitayotic hilel, mayuc mach'a ya xnahin tey a.

Bible in Tzeltal de Oxchuc y Tenejapa

²⁹ Ta swenta yawic te mach'atic moemic ta caballo soc te jt'imuywanejetique, spisil te lum ya xloq'uic bael ta animal ta anel. Ya snac' sbaic ta pimil q'uinal, o ya xmoic bael ta najt'il tontiquil. Spisil te lumetic ya xjojch'ajic jilel; ma'yuquix jtuluc yajwal ya xjil.

Jeremías 4:29 Referans Kwoze

Jeremías 4:7

Loq'uemix tal choj ta yawil, te jinawal yu'un nacionetic yaquix ta behel; loq'uemix tal ta slumal scuenta yu'un ya sjimbat te alumale, jimbil soc jochol ya xhilic te pueblohetic awu'une.

San Lucas 23:30

Hich me ya xhahch yalbeyic te witsiltic: Hemts'ujan cohel tal ta jtojolcotic, soc: La', mucawotcotic, ya me yutic te tsehletique.

Amós 9:1

La jquil te Cajwaltic teq'uel ta sts'ehl te scajtajib ta chiq'uel mahtanil, hich la yal: Maja te sni'il te bahlal oy, ac'a syuq'uilan te puertahetic, wuyticlana cohel ta sjol spisilic. Te mach'atic cuxul ya xhilic ya jmilticlan ta espada; mayuc mach'a ya x'ahnic bahel, mayuc mach'a ya xcol.

Jeremías 52:7

la yich' jamel te sts'ahcul te pueblo, spisil te soldadohetic loq'uic ta ahnel. Ta ahc'abal loq'uic bahel ta pueblo ta ochibal te ay ta yohlil te cheb ts'ahc te nopol ayic ta ts'umbil nichimetic yu'un te ajwalile, bahtic ta sbehlal Arabá, aunque joytaybil yu'un te caldeohetic te pueblohe.

Isaías 30:17

Jmil ta tuhl ya x'ahnex bahel ta scuenta jtuhl nax te ya xiwteswan; ya x'ahnex bahel apisilic ta scuenta ho'tuhl te ya xiwteswanic, ha to c'alal hich ya xhilex te bin ut'il uhnen te' ta ba wits, hich te bin ut'il bandera ta ba tsehl.

2 Crónicas 33:11

Ha scuentahil te Jehová la yic' tal te jtsobawetic yu'un te soldadohetic yu'un te ajwalil ta Asiria. La schuquic bahel te Manasés ta gancho ta sni' soc ta cadenahetic pasbilic ta bronce, la yiq'uic bahel ta Babilonia.

1 Samuel 13:6

Te c'alal la yilic te winiquetic yu'un Israel te ma xhu' yu'unic (como mero tembilic te pueblo), la snac' sbahic ta ch'en, ta pimil q'uinal, ta sc'uhb muc'ul tontiquil, ta be-ha' ch'entiquil soc ta hotbil yawil.

Isaías 6:12

ha to c'alal te Jehová ya sloq'ues ta namal te ants-winiquetic soc ay bayel q'uinal te ihquitaybil.

Jeremías 6:23

Chapalic soc st'ihmalte'ic soc slanzahic; ha j'uts'inwanejetic, mayuc xc'uxul yo'tanic. Te sc'opic hich ay te bin ut'il ya x'awon te mar, soc cajajtic ta cawu hich te bin ut'il winiquetic chapalic yu'un ya ya'bat guerra yantsil-nich'anat Sión, xchi.

Jeremías 16:16

Ya jticon tal bayel jtsac-chayetic, xchi te Jehová, te ya stsacticlanic. Patil ya jticon tal bayel jnutsojeletic, ya me snutsic ta spisil witsiltic, tsehletic soc sc'uhb tontiquil.