Jeremías 4:26 - Bible in Tzeltal Bachajón

²⁶ La jquil, c'atp'ujem ta jochol taquin q'uinal te yaxal q'uinale, soc spisil te pueblohetic yu'un jihnticlambilic ta stojol te Jehová, ta stojol te sc'ahc'al yilimba.

Bible in Tzeltal de Oxchuc y Tenejapa

²⁶ La quil soc la jta ta ilel te yaxal q'uinale, c'atp'ujem ta jochol taquin q'uinal, soc spisil te lumetic jinemiquix. Te yilimba Cajwaltic te xiweltic nax sba jich me c'ot ta loq'uel yu'un spisil.

Jeremías 4:26 Referans Kwoze

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Miqueas 3:12

Ha yu'un ha'ex ta acuentahic ya yich' tuquel te Sión, ya xc'atp'uj ta busul jinel te Jerusalén, soc te wits yu'un te Templo ya xpotsot ta ha'mal.

Jeremías 12:4

¿Bin to ora te jochol ya xhil te lumq'uinal soc te ya sayub te aquiltic ta spisil te q'uinale? Ta scaj schopolil te mach'atic nahinemic tey a te lajemiquix te chambahlametic soc te ha'mal mutetique, como hich ya yalic: Dios ma ba ya yil bin ut'il ya xc'ohotic ta loq'uel, xchihic.

Salmos 76:7

¡Ha'at xi'bilat atuquel! ¿Mach'a c'an hu'uc yu'un te ya stehc'an sba ta atojol te c'alal ya xtihl awilimba?

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Jeremías 12:13

La sts'unic trigo, pero ch'ix la stsobic; tulan a'tejic, pero mayuc bin la stahic a. Ya me xq'uexawic yu'un te sit ya stsobic, ta scaj sc'ahc'al yilimba te Jehová.

Levítico 26:31

Jc'axel jochol ya xhil cu'un te pueblohetic awu'unic, ya jimbeyex te ch'ul awilaletic awu'unic soc ma ba ya jsic'be sumumal yic' te lequil perfume awu'unique.

Jeremías 7:34

Ya cac' te ya xquehchaj ta pueblohetic yu'un Judá soc ta callehetic yu'un Jerusalén te sc'op yutsil q'uinal soc tse'el-o'tanil, te sc'op te mamalalil soc sc'op ihnamil, como jochol ya xc'oht te q'uinale, xchi te Jehová.

Jeremías 25:11

Spisil te q'uinal ini ya xc'atp'uj ta jimbil q'uinal; soc te nacionetic ini ya me yac' sbahic ta a'batinel ta stojol te ajwalil yu'un Babilonia lajuneb schanwinic (70) ha'bil.

Lamentaciones 2:7

Te Cajwaltic la sp'aj te scajtajib ta chiq'uel mahtanil yu'un soc mayuc sc'oblal c'oht ta yo'tan te ch'ul awilal yu'une; la ya'be ta sc'ab scontra te spahc'ul te nahetic yu'un ajwalil; awonic ta sna Jehová hich te bin ut'il ta sc'ahc'alel q'uin.

Sofonías 1:18

Ta sc'ahc'alel yilimba te Jehová ma ba ya xcoltayotic yu'un te plata o te oro yu'unique; ya xlaj spisil te q'uinal ta sc'ahc'al te xut'et yo'tan, como ora nax jc'axel ya slajin spisil te mach'atic nahinemic ta q'uinal.