Jeremías 4:24 - Bible in Tzeltal Bachajón

²⁴ La jquil te witsiltic, yacalic ta nihquel; spisil te tsehletic xyuq'uinaj ta nihquel.

Bible in Tzeltal de Oxchuc y Tenejapa

²⁴ La quil te witstiquile, yacalic ta nijq'uel; spisilic te ch'in witstiquile nijq'uic.

Jeremías 4:24 Referans Kwoze

Ezequiel 38:20

te chayetic ta mar, te mutetic ta toyol, te chambahlametic ta q'uinal, spisil te bintic staslajan ya xbehenic ta lumq'uinal, soc spisil te ants-winiquetic ta bahlumilal, ya me xnihquic ta jtojol. Ya xhemts'ujic cohel te witsiltic, ya xhemts'ujic cohel te tontiquil, soc spisil te ts'ahquetic ya xhemts'ujic cohel ta lum.

Jeremías 10:10

Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

Isaías 5:25

Ha scuentahil te tihl yilimba Jehová ta stojol te pueblo yu'un, soc te la shach sc'ab ta scontrahinel soc te la yehchentes; nihc te witsiltic, te schamen-baq'uetalic ch'ojbilic hilel ta callehetic. Ta spisil ini, ma ba quehchaj te yilimba Jehová, shachoj to te sc'ab ta yaq'uel castigo.

Miqueas 1:4

Ya x'uhl cohel te witsiltic ta ye'tal yoc, ya xjat cohel te spamlejetic hich te bin ut'il chabec' ya x'uhl ta stojol te c'ahc', hich te bin ut'il ya x'oquin cohel ha' ta cohel q'uinal.

Salmos 97:4

Te tsantsehwaletic yu'un ya sacubtes te bahlumilal; te bahlumilal ya yil soc ya xnihc yu'un.

Salmos 18:7

La syuc' sba soc nihc te q'uinale, la syuc' sbahic te yich'o-ip te witsiltic; nihquic ta scaj te ilin te Jehová.

1 Reyes 19:11

Hich halbot yu'un Jehová: Loc'an tal, tehc'ana aba ta wits ta stojol Jehová, xchi sc'oblal. Ta hich ora c'ax bahel te Jehová, tal mero tulan ic' te la sjaticlan te witsetic soc la stop'ticlan muc'ul tonetic ta stojol Jehová; pero te Jehová ma ba tey ay a ta ic'. C'alal c'ax te ic', tal nihquel; pero te Jehová ma ba tey ay a ta nihquel.

Habacuc 3:10

La yilat te witsetic, nihquic yu'un; c'ax bahel te snojel ha'etic; c'opoj te xahab soc la stoy sc'ab ta toyol.

Habacuc 3:6

Ya stehc'an sba, ya yac' nihcuc te q'uinale; ya yil, nihc te nacionetic yu'un. Te namey witsiltic ya xhemts'uj cohel, te namey tsehletic ya xch'ayic cohel; pero stalel ay te behetic yu'une.

Jeremías 8:16

C'alal ta Dan chicnaj yic'al sni' scawuhic; c'alal x'ilajanic te scawuhic te ay yipic ya xnihc spisil te lumq'uinale. Tal sjinic te q'uinal soc spisil bintic ay tey a, te muc'ul pueblo soc te mach'atic nahinemic tey a, xchihic.

Salmos 77:18

Chicnaj sc'op st'ohmel chahwuc awu'un ta sutu-ic', te tsantsehwaletic awu'un la sacubtesic te bahlumilal, nihc te lumq'uinal, yuq'uilanot yu'un.

Apocalipsis 6:14

Te ch'ulchan ch'ay bahel hich te bin ut'il ya yich' balel hun, soc jeltaybot yawilic spisil witsiltic soc te q'uinaletic joytaybilic ta ha'.

Éxodo 19:18

Potsot ta ch'ahil spisil te wits Sinaí, yu'un co tal ta yohlil c'ahc' tey a te Jehová. Te ch'ahil xtomet yac ta mohel hich te bin ut'il sch'ahilel horno, soc spisil te wits mero tulan yac ta nihquel.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Isaías 13:13

Yu'un ya cac' ya xnihc te ch'ulchan, soc te bahlumilal ya me xyanij yawil ta scuenta yilimba te Jehová te scuentahinej spisil ta yorahil te sc'ahc'al yilimba.

Isaías 24:20

Hich ya xnihc te q'uinal te bin ut'il jyacubel, hich ya xyuc'ot te bin ut'il lehch-na; c'ax al te smule, ya xyahl cohel yu'un, mayuc bin ora ya xhahch xan.