Jeremías 4:23 - Bible in Tzeltal Bachajón

²³ La jquil te lumq'uinal, jihnem soc jochol; la jquil te ch'ulchan, mayuc sacal q'uinal yu'un.

Bible in Tzeltal de Oxchuc y Tenejapa

²³ Ac'boton quil te balumilale, jochol taquin q'uinal yilel, jich nax ay; la quil moel te ch'ulchane, ma'yuc luz tey a.

Jeremías 4:23 Referans Kwoze

San Mateo 24:29

Xc'ax nax a te bayel wocole, ya x'ihc'ub te c'ahc'al, ma xyac' sts'anabul te u, ya xch'ay cohel tal ta ch'ulchan te eq'uetic soc ya me syuc' sbahic te bintic ay ta sjamalil ch'ulchan.

Isaías 13:10

Te eq'uetic soc te xana-eq'uetic ta ch'ulchan ma ba ya yac' sc'ahc'al; ya x'ihc'ub te c'ahc'al te c'alal ya xloc' tal, soc te u ma ba ya yac' sts'anabul.

Génesis 1:2

Te bahlumilal ma chahpambiluc soc jochol; te yihc'al q'uinal ha smacoj te mero sc'ubulil ha', soc te espíritu yu'un Dios behen ta baba ha'.

Amós 8:9

Ta hich ora, xchi te Jehová, te Ajwalil, ya cac' te ya xmahl c'ahc'al ta ohlil c'ahc'al, c'alal saquix q'uinal a ya jmuc ta yihc'al q'uinal.

Joel 2:10

Te lumq'uinal ya snihc sba ta stojolic, te ch'ulchan ya syuc' sba yu'unic; te c'ahc'al soc te u ya x'ihc'ub, ya xch'ay sts'anabul te eq'uetique.

Isaías 5:30

Ta hich ora ya x'awonic ta stojol hich te bin ut'il sc'op te mar. Ya yilic te lumq'uinal, ya me yilic yihc'al q'uinal soc wocol, ya x'ihc'ub te sacal q'uinal yu'un te tocale.

San Mateo 24:35

Ya xlaj ch'ulchan soc bahlumilal, pero ma ba ya xlaj stuquel te jc'ope.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Jeremías 2:12

¡Xchamuc awo'tan yu'un, ch'ulchan! ¡Nihcan yu'un tulan xiwel! xchi te Jehová.

Lamentaciones 3:2

Ha la stenon bahelta yihc'al q'uinal, ma ha'uc ta sacal q'uinal;

Zacarías 14:6

Ta hich ora mayuc sacal q'uinal, mayuc sic soc mayuc me'sic.