Jeremías 39:18 - Bible in Tzeltal Bachajón

¹⁸ Ya cac'at ta libre, ma ba ya xlajat ta espada, ha pojbil ta guerra ya xc'oht acuxlejal, como la smuc'ulinon awo'tan, xchi te Jehová.

Bible in Tzeltal de Oxchuc y Tenejapa

¹⁸ Jo'on ya jcoltayat, te ma smilate. Ya me xcolat soc acuxlejal, melel la smuc'ulinon awo'tan. Jo'on, Ajwalilon, jich ya cal’, xi' me sc'op,” uta me —xi' te Cajwaltique.

Jeremías 39:18 Referans Kwoze

Jeremías 38:2

Hich yaloj te Jehová: Te mach'a ya xhil ta pueblo ya me xlaj ta espada, ta wi'nal o ta jmilawal-chamel; yan te mach'a ya xc'ax bahel ta stojol te caldeohetic, ya xcuxaj. Te scuxlejal hich ya xc'oht te bin ut'il bin pojbil ta guerra, cuxul ya xhil, xchi.

Salmos 34:22

Pero te Jehová ya yac' ta libre te a'batetic yu'un; ma ba ya xhalbotic te ay smulic te mach'atic ha smuc'ulinej yo'tanique.

Jeremías 21:9

Te mach'a ya xhil ta pueblo ini ya me xlaj ta espada, ta wi'nal, o ta jmilawal-chamel; yan te mach'a ya xloc' bahel soc ya yac' sba ta sc'ab te caldeohetic te yac sjoytaybelexe, ya me xcuxaj; hich ya xcol te scuxlejale.

Efesios 1:12

scuenta yu'un ya xhalbot yutsil sc'oblal ta jcuentacotic, ho'otcotic te nahil smuc'ulinej co'tancotic te Cristohe.

Salmos 84:12

¡Jehová te scuentahinej spisil, bayel me yutsil te mach'a smuc'ulinejat yo'tane!

Salmos 147:11

te Jehová ya smulan te mach'atic ya x'ich'ot ta muc' yu'unic, te mach'atic smuc'ulinej yo'tanic te sc'uxul yo'tane.

1 Crónicas 5:20

Coltayotic yu'un Dios ta ya'beyel guerra, hich och ta sc'abic spisil te agarenohetic soc te mach'atic sjoquinejic, como tulan la yalbeyic wocol te Dios ta yorahil te guerra, hich coltayotic yu'un, como ha smuc'ulinej yo'tanic.

Salmos 37:3

Ac'a smuc'ulin awo'tan te Jehová soc pasa te bin leque; hich ya x'ayinat ta q'uinal soc yac amulan te bin smelelile.

Salmos 33:18

Te sit te Jehová ay ta stojol te mach'atic ya yich'ic ya muc', te mach'atic ha smuc'ulinej yo'tanic te sc'uxul yo'tan,

1 Pedro 1:21

Ha nix ta scuenta te yac ach'uhunic Dios, ha te mach'a la scha'cuxajtes ta yohlil mach'atic chamenic soc la ya'be yutsilal, ha scuentahil te awac'oj sch'uhunel awo'tanic soc smuc'ul awo'tanic ta stojol te Diose.

Romanos 2:12

Spisil te mach'atic ma ba yich'ojic te Ley a te slehoj smulic, mayuc Ley ta stojolic ya xbahtic ta ch'ayel; yan te mach'atic ayic ta scuenta te Ley a te slehoj smulic, ya x'ich'otic ta c'op yu'un te Ley;

Isaías 26:3

Ha'at yac awac' te lamal q'uinal ya ya'iy te mach'a spisil ora yac sna'belat, como ha smuc'ulinejat yo'tan.

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

Job 5:20

Ta yorahil wi'nal ya me scoltayat loq'uel ta lajel, soc ta yorahil guerra ya me scoltayat loq'uel ta yip te espada.

Salmos 91:7

Ya xlajic jmil ta jtuhl ta ats'ehl, lajunmil ta swa'el ac'ab, pero ma ba ya stahat te ha'ate.