Jeremías 39:16 - Bible in Tzeltal Bachajón

¹⁶ Bahan halbeya te Ebed-melec te etíope-winic: Hich yaloj te Jehová te scuentahinej spisil, te Dios yu'un Israel: Ya jc'ohtes ta pasel te bin caloj ta stojol te pueblo ini te bin chopol, ma ha'uc te bin leque. Ya xc'oht ta pasel ini ta stojol asit.

Bible in Tzeltal de Oxchuc y Tenejapa

¹⁶ —Baan ilawil, c'opona te Ebed-melec, te etiope-winique. Albeya: “Te Cajwaltic te Spisil ya xju' yu'une, te Dios yu'un Israel, ya yalbat: ‘Ya me jc'otes ta pasel te bila calojix yu'un te lume, ta swenta bila amen ta stojol, ma ta swentauc yutsilal. C'alal ya xc'ot ta pasel, ya me awil.

Jeremías 39:16 Referans Kwoze

Daniel 9:12

Ha la sc'ohtes ta pasel te bin la yal ta jtojolcotic soc ta stojol te jcuentahinwanejetic cu'uncotic, ha te la yac' tal ta jtojolcotic bayel wocol; mayuc hich c'ohem ta pasel ta ye'tal ch'ulchan te bin ut'il c'oht ta stojol Jerusalén.

Zacarías 1:6

Pero te c'opetic soc te mandariletic cu'un te la jcalbe ta mandar te jalwanejetic te a'batetic cu'un, ¿ma bal la stahic te ame'atatique? Ha yu'un la suhtes yo'tanic te ame'atatic, hich la yalic: Te Jehová te scuentahinej spisil hich la spasbotic te bin ut'il la sc'an te behetic soc te a'teliletic cu'untique, xchihic.

San Mateo 24:35

Ya xlaj ch'ulchan soc bahlumilal, pero ma ba ya xlaj stuquel te jc'ope.

Jeremías 36:31

Ya ca'be castigo soc te sts'umbal soc te a'batetic yu'un ta scaj te smulique. Ya cac' ta stojolic soc te mach'atic nahinemic ta Jerusalén soc te winiquetic yu'un Judá spisil te bin chopol la jcalbe sc'oblal, te ma ba la yich'ic ta cuenta, xchi.

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.

Jeremías 34:22

Ya cal mandar, xchi te Jehová, soc ya cac' te ya suhtic tal ta pueblo ini. Ya me ya'beyic guerra, ya me yu'untayic soc ya me ya'beyic sc'ahc'al. Soc ya cac' te ya xlaj te pueblohetic yu'un Judá, mayuc mach'a ya xhil ta nahinel tey a, xchi.

Jeremías 26:20

Ay yan winic te c'opoj ta sc'op-jalwanej ta scuenta sbihil Jehová, ha te Urías snich'an Semaías, te talem ta Quiriat-jearim, c'opoj ta scontrahinel te pueblo soc te q'uinal ini, hich te bin ut'il la yal te Jeremías.

Jeremías 26:18

Te Miqueas te talem ta Moreset c'opoj ta sc'op-jalwanej te c'alal ay ta ajwalil yu'un Judá a te Ezequías, hich la yalbe spisil te pueblo yu'un Judá: Hich yaloj te Jehová te scuentahinej spisil: Te Sión ya yich' tuquel ta arado hich te bin ut'il q'uinal, te Jerusalén ya xc'atp'uj ta busul jinel soc te wits yu'un te templo ya xnoj ta pimil q'uinal, xchi.

Jeremías 26:15

Pero na'ahic me teme yac amilonic, ya xc'oht ta atojolic te sch'ich'el mach'a mayuc smul soc ta stojol te pueblo ini soc te mach'atic nahinemic tey a, como melel sticonejon ta atojolic te Jehová yu'un ya calbeyex spisil te c'opetic ini te yac awa'iybelique, xchi.

Jeremías 5:14

Ha yu'un hich ya yal te Jehová te Dios te scuentahinej spisil: Te bin ut'il hich la yalic, ya cac' jc'op ta awe hich ya xc'oht te bin ut'il c'ahc', soc te pueblo ini hich ya xc'oht te bin ut'il si' te ya xchic'ot yu'un.

Salmos 92:11

Ya me quil ta jsit te ya xyahlic te jcontratac; ya me ca'iy ta jchiquin sc'oblal te mach'atic chopolic te hahch scontrahinonique.

2 Crónicas 36:21

scuenta yu'un ya xc'oht ta pasel te bin yaloj te Jehová ta scuenta Jeremías, ha to c'alal ts'acay te yorahil te ya scux yo'tan te q'uinale. Te q'uinal la scux yo'tan te jayeb ora jihnem, ha to c'alal c'ax te lajuneb schanwinic (70) ha'bil.

Jeremías 44:27

como yacon ta yilel ta stojolic te ya ca'be te bin chopol, ma ha'uc te bin leque. Spisil te winiquetic yu'un Judá te ayic ta sq'uinal Egipto ya me xlajic ta espada soc ta wi'nal, ha to c'alal ya xlaj spisilic.

Amós 9:4

Teme ya x'ic'otic bahel ta chuquel yu'un te scontratac, tey ya jticon bahel a te espada te ya xmilotic yu'un. Ya cac' jsit ta stojolic yu'un ya jpasbe te bin ma lecuc, ma ha'uc te bin leque.

Jeremías 40:3

Yo'tic la sc'ohtesix ta pasel te bin yaloje. Hich c'oht ta pasel ta atojolic como la ata amulic ta stojol te Jehová, ma ba la awich'beyic ta cuenta te sc'ope.