Jeremías 39:14 - Bible in Tzeltal Bachajón

¹⁴ la sticonic ta iq'uel tal te Jeremías te ay ta yamaq'uil te cárcel. La ya'beyic ta sc'ab te Gedalías snich'an Ahicam, snich'an Safán, yu'un ya yic' bahel ta sna. Hich nahin te Jeremías ta yohlil te slumale.

Bible in Tzeltal de Oxchuc y Tenejapa

¹⁴ la yalic mandal ta loq'uesel Jeremías ta bay amac' yu'un soldadoetic. La yac'beyic ta swenta scanantayel te Gedalías, te snich'an Ahicam, smam Safán, swenta yu'un ya yiq'uic bael ta sna Gedalías. Jich jil Jeremías ta yolil te lume.

Jeremías 39:14 Referans Kwoze

Jeremías 38:28

Te Jeremías hil ta yamaq'uil te cárcel ha to c'alal ochintayot te Jerusalén.

Jeremías 26:24

Pero te Ahicam snich'an Safán c'opoj ta scoltayel te Jeremías scuenta yu'un ma ba ya x'och ta sc'ab te pueblo yu'un ya smilic.

2 Reyes 22:12

Hich la spas ta mandar te Hilcías, Ahicam snich'an Safán, Acbor snich'an Micaías, Safán te secretario, soc Asaías te a'bat yu'un te ajwalil:

Jeremías 40:1

Ha te sc'op Jehová te tal ta stojol Jeremías te c'alal ac'otix ta libre ta Ramá yu'un te Nabuzaradán, capitán yu'un te soldadohetic te ya scanantayic ajwalil, te c'alal chucul ta cadena a c'oht sta ta yohlil spisil te jchuqueletic yu'un Jerusalén soc Judá te yaquic ta iq'uel bahel ta chuquel ta Babilonia.

Jeremías 39:15

C'alal chucul to ta yamaq'uil cárcel a te Jeremías, tal sc'op Jehová ta stojol, hich la yal:

Jeremías 38:13

Hich te winiquetic la sloq'uesic mohel ta lazohetic ta hotbil ch'en. Te Jeremías hil ta yamaq'uil te cárcel.

Jeremías 37:21

Ha yu'un te ajwalil Sedequías la yal mandar te ya yich' canantayel te Jeremías ta yamaq'uil te cárcel soc te jujun c'ahc'al ya x'a'bot jpehch pimil pan ta calle yu'un te jpas-panetic ha to c'alal ya xlaj spisil te pan ta pueblo. Hich hil ta yamaq'uil te cárcel te Jeremías.

Salmos 105:19

Ha to c'alal c'oht ta pasel te bin la yal, ha to c'alal chican te melel te bin la yal te Jehová.

2 Reyes 22:14

Ha yu'un te sacerdote Hilcías, Ahicam, Acbor, Safán soc Asaías baht sc'oponic te jalwanej-ants Hulda te yihnam Salum, snich'an Ticva, smam Harhas, te jcanan-c'u'uletic, te nahinem ta Schebal Barrio ta Jerusalén.

2 Crónicas 34:20

La spas ta mandar te Hilcías, te Ahicam snich'an Safán, te Abdón snich'an Micaías, te Safán te secretario, soc te Asaías te a'bat yu'un te ajwalil, hich la yalbe:

Jeremías 32:2

Ha nix yorahil a te soldadohetic yu'un te ajwalil yu'un Babilonia la sjoyintayic ta guerra te Jerusalén, soc te jalwanej Jeremías chucul ta yamaq'uil te cárcel te ay ta sna te ajwalil yu'un Judá.

Jeremías 39:13

Ha yu'un te Nabuzaradán, capitán yu'un te soldadohetic te ya scanantayic ajwalil, soc te Nabusazbán jtsobaw yu'un te eunucohetic, te Nergal-Sarezer te tulan ya'tel, soc spisil te príncipaletic yu'un te ajwalil yu'un Babilonia,

Jeremías 40:5

Teme yac ac'an ya xhilate, bahan ta stojol Gedalías snich'an Ahicam, snich'an Safán, te a'bot ya'tel yu'un te ajwalil yu'un Babilonia ta stojol te pueblohetic yu'un Judá, ayinan soc ta yohlil te pueblo, o bahan ta banti lec yac awa'iy, xchi. Te capitán la ya'be swe'el soc smahtan, soc la spatbe hilel yo'tan.

Jeremías 40:6

Hich te Jeremías baht ta stojol Gedalías snich'an Ahicam ta Mizpa, tey nahin soc a ta yohlil te ants-winiquetic te hilemic ta q'uinal.

Jeremías 41:1

Ta shuquebal u te Ismael snich'an Netanías, snich'an Elisama, te ha sts'umbal ajwalil, soc lajuntuhl winiquetic talic ta stojol te Gedalías snich'an Ahicam ta Mizpa. C'alal yacalic ta we'el ta Mizpa a,

Jeremías 26:22

Te ajwalil Joacim la sticon bahel ta Egipto te Elnatán snich'an Acbor soc yantic winiquetic.

Jeremías 40:7

Spisil te capitanetic judiohetic soc te swinictac te ayic ta yohl q'uinal, c'alal la ya'iyic te otsesot ta gobernador te Gedalías snich'an Ahicam yu'un te ajwalil yu'un Babilonia, te a'bot ta scuenta te winiquetic, antsetic soc alaletic, ha te pobrehetic ta q'uinal te ma ba ic'otic bahel ta Babilonia,