Jeremías 38:4 - Bible in Tzeltal Bachajón

⁴ Te príncipaletic hich la yalbeyic te ajwalil: Ac'a yich' milel te winic ini, yu'un ta scuenta sc'op ya slajimbe yip yo'tanic te soldadohetic te ay to hilemic ta pueblo ini, soc spisil te ants-winiquetique. Te winic ini ma ba yac ta slehbeyel yutsilal te pueblo, ha yac ta slehbeyel te bin chopole, xchihic.

Bible in Tzeltal de Oxchuc y Tenejapa

⁴ Jich yu'un, te mach'atic yich'oj yat'elique la yalbeyic te muc' ajwalile: —Ac'a yich' milel te winique, melel ta swenta sc'op ya snijq'uesbey yo'tanic te soldadoetic te ayic to xan ta lum, soc spisil te ants-winiquetique. Te winique ma ja'uc ya slebey yutsilal te lume, ja' ya slebey te bila amene —xiic.

Jeremías 38:4 Referans Kwoze

Jeremías 26:11

Te sacerdotehetic soc te jalwanejetic hich la yalbeyic te príncipaletic soc spisil te pueblo: Te winic ini ya sc'an ya yich' milel, como la yal sc'op-jalwanej ta scontrahinel te pueblo ini, hich te bin ut'il awa'iyej ta achiquinic, xchihic.

Hechos 16:20

La stehc'anic ta stojol te juecetic, hich la yalbeyic: Ha judío-winiquetic ini, bayel yac shachbelic c'op ta pueblo cu'untic.

Amós 7:10

Te Amasías te sacerdote ta Bet-el la sticon ta halbeyel te Jeroboam ajwalil yu'un Israel, hich la yal: Te Amós hahch scontrahinat ta yohlil te Israel. Te q'uinal ma xcuhch yu'un spisil te sc'ope.

Jeremías 29:7

Lehbeyahic te yutsil slequil te pueblo ta banti la jquiq'uex bahele, soc c'opombeyahic te Jehová, yu'un teme ay yutsil slequilique, hich ay awutsil alequilic.

Nehemías 6:9

Como spisilic yac nax xiwtesbelotic ta sc'opic, te hich ya scuyic: Ya xlaj yipic ta spasel te a'tel, hich ma ba ya shu'tesic, xchihic. Yo'tic, a'bon yip te jc'ab, xchihon ta sc'oponel Dios.

1 Reyes 21:20

Te Acab la yalbe te Elías: ¿La bal atahonix, jcontrahat? xchi. La yal te Elías: La jtahat, como la awac' aba ta spasel te bin chopol ta stojol Jehová.

Éxodo 5:4

Ha yu'un te ajwalil yu'un Egipto hich la yalbe: Moisés soc Aarón, ¿bin yu'un yac awa'beyic squehchan ya'telic te pueblo? Suhtanic bahel ta awa'telic, la yut.

Hechos 28:22

Pero ya jc'an ya ca'iycotic te bin anopoj, como te jchahp te hich sch'uhunejic, ca'iyejcotic te bayuc contrahimbil, xchihic.

Hechos 24:5

La jtahcotic te winic ini te ya yac' wocol soc bayel ya shach c'op ta stojol spisil judíohetic ta swohlol bahlumilal, soc ha jolal yu'un te jchahp nazarenohetic.

Hechos 17:6

pero ma ba la stahic, hich la yiq'uic tal te Jasón soc cha'oxtuhl yermanotac ta stojol Dios, c'oht stehc'ambeyic ta stojol te mach'atic ay ya'telic ta pueblo, hich yac yawtaybelic: Ha'ic ini te yac shachbelic c'op ta swohlol bahlumilal, ha nix hich talemiquix li'i,

San Lucas 23:2

Hahch slehbeyic smul, hich la yalic: Chicnaj cu'uncotic te yac sjimbel te nación te winic ini, soc ma xyac' ta a'beyel patanil te César, ha nix ya yal sba te ha Cristo, ha jtuhl ajwalil, xchihic.

Ezequiel 22:27

Te príncipaletic yu'unic hich c'ohemic te bin ut'il ha'mal ts'i'etic te ya stuch'ticlan swe'elic; ya smalic ch'ich' soc ya slajinic cuxlejaliletic scuenta yu'un ma stojiluc ay bin ya stahic a.

Esdras 4:12

Ac'a sna te ajwalil te bin ut'il te judiohetic te loq'uic tal te atojol, te hulic tal ta jtojolcotic, c'ohtic ta Jerusalén soc yac scha'pasbelic xan te pueblo te stoyoj sba soc te chopole. Yac shachbelic te ts'ahquetic soc yac scha'pasbelic te yich'o-ip.

2 Crónicas 24:21

Pero la schap sc'opic ta smilel, hich ta scuenta smandar te ajwalil la smilic ta ch'ojel ta ton ta yamaq'uil sna Jehová.

Jeremías 11:21

Ha yu'un hich yaloj te Jehová sc'oblal te winiquetic yu'un Anatot te ya slehbat acuxlejal, te hich ya yalic: Ma me xawal sc'op-jalwanej ta scuenta sbihil Jehová, scuenta yu'un ma ba ya xchamat ta jc'abcotic, te xchihique.

Jeremías 18:23

Pero ha'at, Jehová, yac ana'be spisil te bin chapbil yu'unic yu'un ya smilonic. Ma me xapasbe perdón yu'un te schopolilic, soc ma me xatup'be ta atojol te smulique. ¡Ac'a sc'ohchin yoquic ta atojol, hich me xapasbe ta yorahil awilimba!

Jeremías 38:16

Pero te ajwalil Sedequías muquen la yal ta jamal ta stojol Jeremías: ¡Yiloj Jehová te la ya'botic jcuxlejaltic, ma ba ya jmilat soc ma ba ya cac'at ta sc'abic te winiquetic te ya slehbelat acuxlejal! xchi.

Jeremías 38:25

Teme ya ya'iyic te príncipaletic te la jc'oponat, teme ya xtalic ta atojol soc ya yalbat: Hala ca'iycotic te bin la awalbe te ajwalil soc te bin la yalbat; ma me xamuc, hich ma ba ya jmilatcotic, teme xchihique,

Jeremías 43:3

Ha te Baruc snich'an Nerías la sujat ta yalel ta jtojolcotic yu'un ya yac'otcotic ta sc'ab te caldeohetic, ya smilotcotic o ya yic'otcotic bahel ta Babilonia, xchihic.