Jeremías 37:5 - Bible in Tzeltal Bachajón

⁵ Te c'alal loq'uemiquix tal ta Egipto a te soldadohetic yu'un faraón, la ya'iyic te caldeohetic te yac sjoytaybelic te Jerusalén, hich la yihquitayic hilel te Jerusalén.

Bible in Tzeltal de Oxchuc y Tenejapa

⁵ Jich yorail yac ta loq'uel tel bayal soldadoetic yu'un faraón ta Egipto. La yaiyic stojol te caldeoetic te yacalic ta stenel ta guerra te Jerusalén, jich la sq'uej sbaic bael.

Jeremías 37:5 Referans Kwoze

Ezequiel 17:15

Pero te ajwalil la stoy sba ta stojol, la sticonlan bahel jal c'opetic ta Egipto yu'un ya x'a'bot cawuhetic soc bayel soldadohetic. ¿Lec bal ya xc'oht? ¿Ya bal xhu' ya scoltay sba te mach'a hich ya spase? Te mach'a la sjin te chapbil-c'op ¿ya bal xhu' ya xcol?

Jeremías 37:11

C'alal loq'uemiquix bahel a ta Jerusalén te soldadohetic yu'un te caldeohetic ta scaj te soldadohetic yu'un faraón,

Jeremías 34:21

Soc te Sedequías ajwalil yu'un Judá soc te príncipaletic ya cac' ta sc'ab scontratac soc te mach'atic ya xlehbot scuxlejalic yu'un, ta sc'ab soldadohetic yu'un te ajwalil yu'un Babilonia, te loq'uemiquix ta atojolique.

2 Reyes 24:7

Te ajwalil yu'un Egipto mayuc bin ora te loq'uix bahel ta sq'uinal como te ajwalil yu'un Babilonia la yich'be spisil te sq'uinal c'alal ta uc'um yu'un Egipto ha to ta muc'ul-ha' Éufrates.

Jeremías 37:7

Hich yaloj te Jehová, te Dios yu'un Israel: Te ajwalil yu'un Judá te la sticonex tal ta jtojol yu'un yac ajoc'obonic, hich yac awalbe: Te soldadohetic yu'un faraón te loq'uemiquix tal yu'un ya scoltayex, ya suhtic bahel ta Egipto.

Jeremías 37:6

Ha yu'un tal te sc'op Jehová ta stojol te jalwanej Jeremías, hich la yal:

Ezequiel 17:17

Ma ba ya xcoltayot ta guerra yu'un faraón soc te bayel soldadohetic soc bayel winiquetic yu'un, te c'alal ya yich' busanel mohel lum ta ts'ahc soc toyol mohibaletic scuenta yu'un ya yich' milel bayel ants-winiquetic.