Jeremías 37:10 - Bible in Tzeltal Bachajón

¹⁰ Aunque yac atsalic spisil te soldadohetic yu'un te caldeohetic te yac ta yaq'uel guerra ta atojolic, teme ha xanix ya xhilic te mach'atic ehchenajemic, ta jujutuhl ya me xhahchic tal ta snahilpaq'uic, ya me ya'beyic sc'ahc'al te pueblo ini, xchi.

Bible in Tzeltal de Oxchuc y Tenejapa

¹⁰ Manchuc me ya atsalic spisil te soldado-caldeoetic te yac ta yaq'uel guerra, jtul cheb xanix ya xjil ta ejch'en stuquelic ta scampamentoic; ja'uc me to, te soldado-caldeoetic ya me sjajch'ic tel, soc ya me xchiq'uic jilel te lume —xi'.

Jeremías 37:10 Referans Kwoze

Joel 2:11

Te Jehová ya yal mandar ta stojol te soldadohetic yu'un, c'ax muc' te campamento yu'unic, soc bayel yipic ya sch'uhunic spasel te smandare. Muc' soc xiweltic sba te sc'ahc'alel yu'un Jehová; ¿mach'a ya xcuhch yu'un?

Jeremías 50:45

Ha yu'un a'iya awa'iyic te bin schapoj te Jehová ta stojol Babilonia, te bin snopoj te ya spasbe te mach'atic nahinemic ta Temán. Ya me stasic bahel te tut tuminchijetic yu'un te jtsohb tuminchijetic, pajal ya slajinic soc te yaxal aquiltic yu'unique.

Isaías 30:17

Jmil ta tuhl ya x'ahnex bahel ta scuenta jtuhl nax te ya xiwteswan; ya x'ahnex bahel apisilic ta scuenta ho'tuhl te ya xiwteswanic, ha to c'alal hich ya xhilex te bin ut'il uhnen te' ta ba wits, hich te bin ut'il bandera ta ba tsehl.

Jeremías 51:4

Ya xlajic ta sq'uinal te caldeohetic, ehchentesbil ya xhilic ta callehetic.

Jeremías 49:20

Ha yu'un a'iya awa'iyic te bin schapoj Jehová ta stojol Edom, te bin snopoj te ya spasbe te mach'atic nahinemic ta Temán. Ya me stasic bahelte mero tut tuminchijetic yu'un te jtsob tuminchijetic, pajal ya slajinic soc te yaxal aquiltic yu'unique.

Jeremías 37:8

Te caldeohetic ya me scha'suhtic tal ta ya'beyel guerra te pueblo ini, ya me yu'untayic soc ya me ya'beyic sc'ahc'al.

Isaías 14:19

Yan te ha'ate, ch'ojbilat loq'uel ta amuquenal hich te bin ut'il te bin ihlaybil, hich te bin ut'il sc'u' te mach'atic chamenic te lowbilic ta espada, te cohic bahel ta sc'ubulil te muquenal, hich te bin ut'il chamen baq'uet te ts'o'ts'o'tec'bil.

Isaías 13:15

Mach'ayuc ya xtahot, ya xlowot; mach'ayuc ya xtsacot, ya xlaj ta espada.

Isaías 10:4

Mayuquix bin yan ay ta pasel, ha xanix te yac ac'ol abahic ta yohlil te jchuqueletic, te ya xyahlex bahel ta yohlil te mach'atic lajic ta milel. Ta spisil ini, ma ba lahmaj yilimba, shachoj to te sc'ab ta yaq'uel castigo.

Jeremías 21:10

Como jnopoj te ya ca'be te bin chopol, ma ha'uc te bin lec, te pueblo ini, xchi te Jehová. Ya x'a'bot ta sc'ab te ajwalil yu'un Babilonia, ha me ya ya'be sc'ahc'al.

Jeremías 32:29

Te caldeohetic te yacalic ta ya'beyel guerra te pueblo ini ya me x'ochic talel, ya me schiq'uic ta c'ahc' te pueblo soc te nahetic te banti la schic'beyic pom te Baal ta sba nahetic soc banti la ya'beyic malbil mahtaniletic te yantic diosetic, yu'un ya shachbonic quilimba.

Jeremías 37:11

C'alal loq'uemiquix bahel a ta Jerusalén te soldadohetic yu'un te caldeohetic ta scaj te soldadohetic yu'un faraón,

Lamentaciones 1:15

Te Cajwal la sts'o' ta teq'uel ta cohlil spisil te winiquetic cu'un te ay yipic; la yic' talel jchahp soldadohetic yu'un ya slajimbon te jcolel-winiquetic cu'une. Te Cajwal la sts'o' ta teq'uel hich te bin ut'il ta spits'ojbil ts'usub te yantsil-nich'an Judá.