Jeremías 36:4 - Bible in Tzeltal Bachajón

⁴ Hich te Jeremías la yic' tal te Baruc snich'an Nerías. Spisil te bintic halbot yu'un Jehová te Jeremías, te Baruc la sts'ihbay ta balbil hun.

Bible in Tzeltal de Oxchuc y Tenejapa

⁴ Te Jeremías la yic' tel te Baruc te snich'an Nerías, la yac'bey sts'ibuy spisil te bila yaloj te Cajwaltique te yac ta yalel loq'uel ta ye te Jeremiase. Jich yu'un te Baruc la sts'ibuy te balbil june.

Jeremías 36:4 Referans Kwoze

Jeremías 32:12

la jca'be te Baruc snich'an Nerías, snich'an Maasías, ta stojol te Hanameel snich'an jtajun, ta stojol te testigohetic te la yac' sfirmahic ta hun, soc ta stojol spisil te judiohetic te ayic ta yamaq'uil te cárcel.

Ezequiel 2:9

Hich la jquil jun c'abal te yac'oj talel ta jtojol, stsacoj jun balbil hun.

Jeremías 36:32

Ha yu'un te Jeremías la yich' xan yan balbil hun, la ya'be te Baruc te jts'ihbajel, te snich'an Nerías. Tey la sts'ihbay a spisil te c'opetic te halbil yu'un Jeremías te ay ta balbil hun te la schic' te ajwalil Joacim. Soc ay to xan bayel c'opetic tey a te pajal soque.

Jeremías 43:3

Ha te Baruc snich'an Nerías la sujat ta yalel ta jtojolcotic yu'un ya yac'otcotic ta sc'ab te caldeohetic, ya smilotcotic o ya yic'otcotic bahel ta Babilonia, xchihic.

Romanos 16:22

Ho'on te Tercio, te la jts'ihbay ha'i hun ini, ya jpatbeyex awo'tanic ta stojol te Cajwaltique.

Zacarías 5:1

Yan buelta la jquil mohel, la jquil balbil hun te yac ta wihlele.

Jeremías 36:28

Ich'a yan balbil hun, ts'ihbaya tey a spisil te c'opetic te ts'ihbabil ta balbil hun te la schic' te Joacim ajwalil yu'un Judá.

Jeremías 36:26

Te ajwalil la spas ta mandar te Jerameel snich'an ajwalil, te Seraías snich'an Azriel, soc te Selemías snich'an Abdeel te ya me stsaquic te Baruc te jts'ihbajel soc Jeremías te jalwanej. Pero nac'bilic yu'un Jehová.

Jeremías 36:23

C'alal la yil cha'oxcaj ta hun te Jehudí, te ajwalil la sboj loq'uel ta cuchillo yu'un jts'ihbajel, la sch'oj ochel ta c'ahc' te ay ta yawil c'ahc'. Hich la spas ha to c'alal laj ta c'ahq'uel spisil te balbil hune.

Jeremías 36:21

Te ajwalil la sticon bahel te Jehudí ta yich'el tal te balbil hun, hich baht yich' tal ta stsahlul-na yu'un Elisama te jts'ihbajel. Te Jehudí la yilbe ya'iy te ajwalil soc spisil te príncipaletic te joytaybilic yu'une.

Isaías 8:1

Hich la yalbon te Jehová: Ich'a muc'ul tabla, ts'ihbaya tey a ta letrahetic te ya xhu' ta ilel: Maher-salal-hasbaz, te xchihe.

Jeremías 25:13

Ya cac' ya xc'oht ta stojol te q'uinal spisil te bintic caloj ta scontrahinel, spisil te bintic ts'ihbabil ta libro ini, te bin yaloj te Jeremías ta scontrahinel spisil te nacionetique.

Jeremías 30:2

Hich yaloj te Jehová, te Dios yu'un Israel: Ts'ihbaya ta libro spisil te bin la jcalbate.

Jeremías 36:6

Ha yu'un, bahan ta sna Jehová te bin ora ya scom swe'elic, halbeya ya'iyic te sc'op Jehová te la jcalbat, te ts'ihbabil awu'un ta balbil hun; halbeya ya'iyic spisil mach'atic yu'un Judá te talemic ta pueblohetic yu'unique.

Jeremías 36:14

Ha yu'un spisil te príncipaletic la sticonic bahel te Jehudí snich'an Netanías, snich'an Selemías, snich'an Cusi, yu'un hich ya yalbe te Baruc: Ich'a tal te balbil hun te la awil ta stojol te pueblo, xchi. Hich te Baruc snich'an Nerías la stsac te balbil hun, tal ta stojolic.

Jeremías 36:27

C'alal schic'ojix a te balbil hun te banti ay te c'opetic te la sts'ihbay te Baruc te halbot yu'un Jeremías, tal sc'op Jehová ta stojol Jeremías, hich la yal:

Jeremías 51:59

Ha te c'op te ticombil yu'un te jalwanej Jeremías ta stojol te Seraías snich'an Nerías, snich'an Maasías, te c'alal la sjoquin bahel ta Babilonia te Sedequías, ajwalil yu'un Judá, ta schanebal ha'bil yochel ta ajwalil a. Te Seraías ha jtsobaw ta behel.

Jeremías 51:60

Te Jeremías la sts'ihbay ta hun spisil te bintic chopol te ya xtal ta stojol Babilonia, spisil te c'opetic la yalbe sc'oblal ta scontra te Babilonia.

Daniel 7:1

Ta shahchibal ha'bil ay ta ajwalil a te Belsasar ajwalil yu'un Babilonia, la ya'iy wayich te Daniel soc nahalsitiletic te c'ax ta spensar c'alal ay ta swayib; patil la sts'ihbay te swayich soc la yal te bintic tulan sc'oblal tey a.

Isaías 30:8

Bahan, ts'ihbaya ta tabla te nahalsitil ini ta stojolic, ts'ihbaya ta hun, scuenta yu'un ta patil bahel ha testigo ya xc'oht sbahtel q'uinal.