Jeremías 36:10 - Bible in Tzeltal Bachajón

¹⁰ Ta sna Jehová, ta stsahlul-na yu'un Gemarías snich'an Safán te jts'ihbajel, ta amac' te ay ta ahc'ol ta yochibal te Yach'il Puerta yu'un te sna Jehová, te Baruc la yil ta stojol spisil te ants-winiquetic te sc'op Jeremías te ts'ihbabil ta hun.

Bible in Tzeltal de Oxchuc y Tenejapa

¹⁰ Te Baruc bajt' ta cajal yamac'ul templo ta bay te Yach'il Yochibale. C'alal ta scuarto Gemarías, te snich'an Safán, te ay yat'el ta cronista, la yalbey yaiy spisil lum te bila ts'ibubil ta balbil jun te tey ay sc'op a te Jeremiase.

Jeremías 36:10 Referans Kwoze

Jeremías 36:11

Te Micaías snich'an Gemarías, snich'an Safán, c'alal la ya'iy spisil te sc'op Jehová te ts'ihbabil ta balbil hun,

Jeremías 52:25

Soc tey ta pueblo la stsac te capitán yu'un te soldadohetic, huctuhl winiquetic te ha j'ac'-o'taniletic yu'un te ajwalil te ayic ta pueblo, te príncipal jts'ihbajel te ay ta scuenta stsobel soldadohetic yu'un guerra, soc oxwinic (60) ta tuhl winiquetic te la sta ta yutil te pueblohe.

Jeremías 26:10

Te príncipaletic yu'un Judá, c'alal la ya'iyic, loq'uic tal ta sna ajwalil, bahtic ta sna Jehová, la shuhcan sbahic ta Yach'il Ochibal yu'un te sna Jehová.

Jeremías 36:25

Te Elnatán, Delaía soc te Gemarías, aunque la yalbeyic wocol te ajwalil te manchuc ya schic' te balbil hune, ma ba a'iybot sc'opic yu'un.

2 Samuel 8:17

Te Sadoc snich'an Ahitob soc te Ahimelec snich'an Abiatar ha sacerdotehetic; te Seraías ha jts'ihbajel;

Jeremías 36:8

Hich te Baruc snich'an Nerías la spas spisil bintic pasot ta mandar yu'un te jalwanej Jeremías; la yalbe ya'iyic ta sna Jehová te sc'op Jehová te ay ta balbil hun.

Jeremías 36:6

Ha yu'un, bahan ta sna Jehová te bin ora ya scom swe'elic, halbeya ya'iyic te sc'op Jehová te la jcalbat, te ts'ihbabil awu'un ta balbil hun; halbeya ya'iyic spisil mach'atic yu'un Judá te talemic ta pueblohetic yu'unique.

Jeremías 35:4

La jquic'ticlan tal ta sna Jehová, ta jtsahl-na yu'un te snich'nab Hanán snich'an Igdalías, te swinic Dios, te ay ta sts'ehl te jtsahl-na yu'un te príncipaletic, ta sba te stsalul sna te Maasías snich'an Salum, te jcanan-ti'nahile.

Jeremías 29:3

La sticon bahel te carta ta sc'ab te Elasa snich'an Safán soc te Gemarías snich'an Hilcías, te ticombilic bahel yu'un te Sedequías ajwalil yu'un Judá ta Babilonia, ta stojol te Nabucodonosor ajwalil yu'un Babilonia. Hich la yal te carta:

Jeremías 26:24

Pero te Ahicam snich'an Safán c'opoj ta scoltayel te Jeremías scuenta yu'un ma ba ya x'och ta sc'ab te pueblo yu'un ya smilic.

2 Reyes 18:37

Te mayordomo Eliaquim snich'an Hilcías, te Sebna te jts'ihbajel soc Joa te secretario talic ta stojol Ezequías, sch'i'ojix sc'u'ic a la yalbeyic ya'iy te bin la yal te mach'a tulan ya'tel.

2 Reyes 15:35

Pero ma ba la yich' loq'uesel te toyol awilaletic, como te pueblo la to yaq'uic milbil mahtaniletic soc la to schiq'uic pom ta toyol awilaletic. Ha la spas te puerta ta ahc'ol ta sna Jehová.

2 Samuel 20:25

Te Seva ha secretario; te Sadoc soc Abiatar ha sacerdotehetic.

1 Reyes 6:36

Soc te sts'ahcul amac' te ay ta yutil la spas ta oxchohl walubil tonetic soc jchohl ts'amte'etic yu'un cedro.

Jeremías 43:3

Ha te Baruc snich'an Nerías la sujat ta yalel ta jtojolcotic yu'un ya yac'otcotic ta sc'ab te caldeohetic, ya smilotcotic o ya yic'otcotic bahel ta Babilonia, xchihic.

Ezequiel 40:38

Ay jun stsahlul soc sti'il te la sjam bahel ta stojol te slehch te ochibal, tey ya yich' poquel a te scohtol chic'bil mahtanil.

2 Reyes 22:3

Ta swaxaclajunebal (18) ha'bil yochel ta ajwalil a te Josías, la sticon bahel ta sna Jehová te Safán snich'an Azalía, snich'an Mesulam, te secretario, hich la yalbe: